ہندوستان بھر میں  سمندری نگرانی سے متعلق ساحلی  دفاعی مشق ( سی ویجِل 24) کا چوتھا ایڈیشن 21 نومبر 2024 کو کامیابی کے ساتھ اختتام پذیر ہوا۔ یہ مشق 36 گھنٹے کے لئے  کی گئی تھی اور اس نے ہندوستان کے سمندری سیکیورٹی اور کوسٹل دفاعی طریقہ کار کو مستحکم کرنے کے عزم کو ظاہر کیا۔ اس مشق نے ہندوستان کی 11 ہزار 98 کلومیٹر طویل ساحلی پٹی اور اس کے خصوصی اقتصادی زون کی 2.4 ملین مربع کلومیٹر کو شامل کیا، جس میں 21 سے زائد ایجنسیوں نے حصہ لیا جن میں بھارتی بحریہ، بھارتی فوج، بھارتی فضائیہ، بھارتی ساحلی گارڈ، ریاستی سمندری پولیس، کسٹمز، بی ایس ایف، سی آئی ایس ایف، پورٹ اتھارٹیز اور ماہی گیری محکمہ شامل ہیں۔

مشق کے دو دنوں میں مختلف سمندری سیکیورٹی ایجنسیوں سے 550 سے زائد سطحی اثاثے اور 60 فضائی پروازیں شامل ہوئیں، جن کا پرواز وقت تقریباً 200 گھنٹے رہا، اور یہ تمام ہندوستان کی ساحلی پٹی پر کی گئیں۔

مشق کے شروع ہونے سے قبل سات دنوں تک "کوسٹل دفاع اور سیکیورٹی تیاری کا جائزہ" (سی ڈی ایس آر ای) کے مرحلے میں غیر 950 سے زائد اہم ساحلی مقامات کا جائزہ لیا گیا، جس میں ماہی گیری لینڈنگ مراکز، سمندری لائٹ ہاؤسز، بڑے اور چھوٹی بڑی بندرگاہیں، ساحلی پولیس اسٹیشنز، آف شور اثاثے، ساحلی وی اے/ وی پی وغیرہ شامل تھے۔ اہم بات یہ ہے کہ نیشنل سیکیورٹی کونسل سکریٹریٹ کے حکام نے پہلی بار گجرات اور مغربی بنگال میں سی ڈی ایس آر ای کی سرگرمیوں میں حصہ لیا۔

توجہ اور مقاصد

سی ویجِل 24 کا مقصد ملک کے ساحلی دفاع کو مزید مستحکم کرنا تھا۔ اس مشق کے دوران، تیل کی رِگز، سنگل پوائنٹ مورنگز (ایس پی ایمز)، کیبل لینڈنگ اسٹیشنز، چھوٹی بڑی  بندرگاہوں اور جوہری تنصیبات کے تحفظ کو اہمیت دی گئی۔ بھارتی فضائیہ نے آف شور پلیٹ فارمزاور تیل کی رِگز پر فضائی دفاعی نظام کو تعینات کیا تاکہ آف شور بنیادی ڈھانچے کو محفوظ بنایا جا سکے۔ تجویز شدہ بحری قزاقی، بحری تال میل  اور شپنگ کو گائیڈ کرنے اور بھارتی تجارتی جہازوں کے دوبارہ روٹنگ کو بھی عمل میں لایا گیا۔ تمام ریاستوں کی ماہی گیر کمیونٹیز نے اس مشق میں بھرپور حصہ لیا جو سمندری افواج کے ساتھ مختلف ذمہ داریوں میں فعال طور پر شامل ہوئیں۔

مشق میں ایک وسیع  کمیونٹی رابطہ کاری پروگرام بھی شامل تھا، جس کا مقصد سمندری سیکیورٹی کے حوالے سے نوجوانوں میں خاص طور پر این سی سی کیڈٹس، بھارت اسکاوٹس اور گائیڈز، اور ساحلی علاقوں کے طلباء میں آگاہی پیدا کرنا تھا۔ یہ اقدامات بھارتی بحریہ کی جانب سے ملک میں ایک مضبوط سیکیورٹی شعور والی ساحلی ماحولیاتی نظام کو فروغ دینے کے لئے کیے گئے، جس سے ملک کے ساحلی دفاع کو مزید مضبوط کیا جائے گا۔

ایجنسیوں کے درمیان ہم آہنگی میں اضافہ

ہندوستان کی ساحلی دفاعی ڈھانچے کے ایک اہم جزو کے طور پر، سی ویجِل 24 نے ایجنسیوں کے درمیان ہم آہنگی کا جائزہ لینے اور ہندوستان کے ساحلی سیکیورٹی کے ڈھانچے میں موجود کمیوں کی شناخت کرنے کے لئے ایک پلیٹ فارم فراہم کیا۔ شریک ایجنسیوں کے درمیان بے مثال تعاون نے ان کی تیاریاں ظاہر کیں تاکہ سمندری خطرات کا مقابلہ کیا جا سکے۔

وراثت اور ویژن

2018 میں شروع ہونے کے بعد سے، سی ویجِل نے ہندوستان کی ساحلی دفاعی تیاریوں میں اہم کردار ادا کیا ہے۔ حقیقی وقت کے منظرناموں کو نقل کرنے والی یہ مشق ملک کی سمندری دفاعی صلاحیتوں میں قیمتی بصیرت فراہم کرتی ہے۔ مشق سے حاصل ہونے والے اسباق ہندوستان کے ساحلی دفاعی ڈھانچے کو مزید مضبوط اور مستحکم بنانے میں مدد دیتے ہیں تاکہ ملک کی سمندری سرحدوں کا مؤثر طور پر دفاع کیا جا سکے۔

سی ویجِل 24 کا کامیاب اختتام اس بات کا اشارہ ہے کہ ہندوستان اپنے سمندری سرحدوں کے تحفظ کے لیے پرعزم ہے اور بھارتی بحریہ اپنے 'مجموعی سمندری سیکیورٹی' کے ذمہ داریوں کو بھرپور طریقے سے نبھانے کے لیے تیار ہے۔ بڑھتی ہوئی ایجنسیوں کے درمیان تعاون، مضبوط تیاری، اور کمیونٹی کی فعال شمولیت کے ساتھ، یہ مشق ملک کے ساحلی دفاع کے موقف کو مضبوط کرنے کی ایک اور سنگ میل ثابت ہوئی ہے۔

************

ش ح ۔    ش ا ر ۔  م  ص

 (U: 2828)

(Release ID: 2076167) Visitor Counter : 20