ভারতকী নেস্নেল হ্যুমেন রাইৎস কম্মিসন (NHRC)না শিনবা অরুনাচল প্রদেশ স্তেৎ হ্যুমেন রাইৎস কম্মিসন (APSHRC) গী নুমিৎ হুমনিগী ত্রেনিং প্রোগ্রাম নই দিল্লীদা লোইশিনখ্রে। APSHRCগী অপুনবা ওফিসর 12 য়াওনা মাগী এক্তিং চিয়রপর্সন শ্রী বামাং তাগো অমসুং সেক্রেতরী শ্রী ইবোম তাওসু শরুক য়াখি। লোইশিনবগী মীফম অদুদা ৱা ঙাংলদুনা, NHRC, ইন্দিয়াগী এক্তিং চিয়রপর্সন, শ্রীমতি বিজয়া ভারতী সয়ানিনা হায়খি মদুদি অরুনাচল প্রদেশনা মাগী অচৌবা কলচরেল দাইবর্সিতী অমসুং তোপ তোপ্পা শীংনবশিংগা লোয়ননা ঐখোয়গী লৈবাক অসিগী হ্যুমেন রাইৎ ফ্রেমৱার্ক্তা মরুওইবা থৌদাং অমা লৌরি। 2023দা শেমখিবা অরুনাচল প্রদেশ SHRCনা মাগী কেপাসিতী বিল্দিংদা মীৎয়েং চংবা উবদা য়াম্না নুংঙাইবা পোকই।

এক্তিং চিয়রপর্সননা হায়খি মদুদি NHRCনা শিনবা ত্রেনিং প্রোগ্রাম অসিনা লৈবাক অসিদা মীওইবগী হকশিং ঙাক্নবা অমসুং প্রমোৎ তৌনবা ঐখোয়গী মিসন অসিদা লমজিং-লমতাক্লিবা প্রিন্সিপলশিং অমসুং ভেল্যুশিং অসিদা পুন্না ৱাখল তাহনবা খুদোংচাবা অমা পীরি। ঐখোয়গী সংবিধানগী প্রিএমবলদা জাস্তিস, লিবর্তী, ইক্বেলিতী অমসুং ফ্রেতর্নিতি অসি ঐখোয়গী নেসন অসিগী ফাউন্দেস্নেল প্রিন্সিপলশিংনি হায়না ইথিল পীরি। হায়রিবা ভেল্যুশিং অসি ঐখোয়গী গবর্নান্স অমসুং লিগেল সিস্তেমশিং শেমগৎলিবা য়ুম্ফমশিংনি। সংবিধান অসিনা ঐখোয় অমমমদা মীওই খুদিংমক্কী ইকাই খুম্নবা অমসুং হকশিং ঙাক্নবা থৌদাং পীরি।

মহাক্না অরুনাচল প্রদেশকী মীয়ামগী হকশিং, ইকাই খুম্নবা অমসুং লেজিতিমেৎ এস্পিরেসনশিং ঙাক-শেনবদা মতেং পাংনবা লৌশিং অমদি পাম্বৈশিং পীনবা পান্দম থম্লিবা প্রোগ্রাম অসিদা এক্তিব ওইনা শরুক য়াবগীদমক এক্তিং চিয়রপর্সন, শ্রী বামাং তাগো অমসুং অরুনাচল প্রদেশ স্তেৎ হ্যুমেন রাইত্স কম্মিসনগী ওফিসিএলশিংবু থাগৎপা ফোংদোকখি।

থৌরম অদুদা NHRCগী সেক্রেতরী জেনরেল, শ্রী ভারত লালনা হায়খি মদুদি ওর্গনাইজেসন অমহেক্তগী মথৌ অমসুং থৌদাংশিংগী মরমদা খঙবনা মদুদা থবক তৌরিবা মীওই খুদিংমক্তা হেন্না কান্নবা পীনবা মতেং পাংই। হ্যুমেন রাইত্স খোঙ্গোইনবগী ইসুশিং অসি থেংনবদা হ্যুমেন রাইত্স ইন্সতিত্যুসন অমা মায় পাক্না মথৌ পাংথোকপদা সেন্সিতিবিতী, রেস্পোন্সিবিতী অমসুং প্রোম্পনেস অসি মরুওই হায়না মহাক্না অমুক হন্না ফোংদোকখি।

শ্রী লালনা আশা তৌখি মদুদি APSHRCনা মশাগী মতুং ইন্না শেম্লবা ত্রেনিং প্রোগ্রাম অমগী খুত্থাংদা NHRCগী এক্সপরিয়েন্সতগী খঙজিন্নবগী খোঙথাং লৌখৎতুনা, অরুনাচল প্রদেশকী মীয়ামগী হ্যুমেন রাইৎসকী সমস্যাশিং কোকহন্নবা অমসুং অতোপ্পা SHRCশিংদা খুদম অমা ওইহন্নবা মাগী লৌশিং অসি মাংলোমদা পুখৎনবা হোৎনগনি। মহাক্না হায়খি মদুদি ভারত্তা, লৈবাক অসিগী অতোপ্পা মফমশিংদা মঙাল শন্দোক্ত্রিঙৈগী মমাংদা অরুনাচল প্রদেশতা নুমিৎনা হান্না থোকই, APSHRCনসু মাগী থবক-থৌরমনা অতোপ্পা SHRCশিংদা লম্বী তাক্নবা হোৎনগনি।

শ্রী লালনা হায়খি মদুদি থৌরম অসিদা শরুক য়ারিবশিংগী ফীদবেক্কী মতুং ইন্না লৈবাক অসিদা হ্যুমেন রাইত্স ফ্রেমৱার্ক অসি মপাঙ্গল কনখৎহন্নবা শরুক য়ারিবা থৌদাং অমা ওইনা তুংদা অসিগুম্বা ত্রেনিংগীদমক অতোপ্পা SHRCশিংগা খুৎশম্ননবা পুক্নিং থৌগৎলি।

APSHRC গী এক্তিং চিয়রপর্সন, বামাং তাগোনা প্রোগ্রাম অসি শীনবগীদমক NHRCবু থাগৎপা ফোংদোকখি। মহাক্না হায়খি মদুদি হায়রিবা ত্রেনিং অসিনা স্তেৎ কম্মিসনবু হ্যুমেন ত্রাফিক্কিং অমসুং দ্রগ এদিক্সনগী শীংনবশিং থেংননবা শেম-শারি। স্তেৎ অসিদা মশাগী ওইবা তোপোগ্রাফীগা মরী লৈনবা শিংনবশিং লৈরি।

মহাক্না হায়খি মদুদি ওফিসরশিংনা APSHRCগী থবক থৌরমশিংদা মখোয়শিং অসি ইমপ্লিমেন্ত তৌনবা প্রাক্তিকেল লর্নিংগী তোঙান তোঙানবা হিরমশিংদা মখা তানা খন্ন-নৈনগনি অমসুং রাজ্য অসিগী মীয়ামগী মরক্তা হ্যুমেন রাইত্সকী মতাংদা এৱেরনেস পীনবা অমসুং অপুনবা খোঙথাংশিংগী খুত্থাংদা মখোয়গী সমস্যাশিং কোকহন্নবা রাজ্য সরকারগা লোয়ননা হীরম অসিদা খন্ন-নৈনগনি।

মমাংদা হৌদোকপগী ৱারোল পীরদুনা, জোইন্ত সেক্রেতরী, শ্রী দেবেন্দ্র কুমার নিমনা হায়খি মদুদি NHRCগী হোৎনবা অসি ত্রেনিং প্রোগ্রাম অসিগী খুত্থাংদা, APSHRCগী ওফিসরশিংনা হ্যুমেন রাইত্স ইন্সতিত্যুসন অমগী মথৌ পাংথোকপগী মরুওইবা মগুনশিং হায়বদি কমপ্লেন্তশিং প্রোসেসিং, স্পোৎ ইনক্বেরিশিং, ইন্তর্নেস্নেল এঙ্গেজমেন্তশিং, ত্রেনিং অমসুং আউতচরিচ, রিসর্চ, মীদিয়া অমসুং কম্ম্যুনিকেসন অমসুং কমপ্লেন্ত মেনেজমেন্ত য়াওনা এক্সপোজর পীবনি।

সেসনশিং অসিনা অরুনাচল প্রদেশকী লায়রবা কাংলুপশিং য়াওনা মীওই খুদিংমক্কী হকশিং ঙাক-শেনবদা অপুনবা থৌদাং লৌবগী ৱাখল্লোন অমা পোকহন্নবা মখোয়দা শক্তি পীগনি হায়না মহাক্না থাজবা থমখি।

******