بجلی اور ہاؤسنگ اور شہری امور کے مرکزی وزیر جناب منوہر لال نے آج لیہہ میں مرکز کے زیر انتظام علاقے لداخ کے بجلی اور ہاؤسنگ محکموں کے کام کاج کا جائزہ لیا ۔ مرکزی وزیر مرکز کے زیر انتظام علاقے کے تین روزہ دورے پر ہیں ۔

میٹنگ کے دوران ، وزیر کو متعلقہ محکموں کے کام کاج اور متعلقہ حکام نے ان کی کامیابیوں کے بارے تفصیلی جانکاری دی گئی  ۔ وزیر موصوف نے محکموں کے کام کاج پر اطمینان کا اظہار کیا اور خطے کے مشکل مشکل جغرافیائی حالات کی  وجہ یہاں کے محکموں کو درپیش خامیوں اور مشکلات پر قابو پانے کے لیے ہر ممکن مدد کی یقین دہانی کرائی ۔

میٹنگ کے بعد میڈیا سے بات کرتے ہوئے وزیر موصوف نے کہا کہ لداخ کا مقصدفضلہ کے مواد کی صد فیصد پیش رفت حاصل کرنا ہے اور آج انہیں اس منصوبے کی تفصیلی رپورٹ پیش کی گئی ۔ انہوں نے مزید کہا کہ وزارت صفائی متروں کے کام کرنے کے حالات کو بہتر بنانے کی خواہاں ہے تاکہ انہیں اپنے فرائض کی انجام دہی کے دوران کسی پیشہ ورانہ خطرے کا سامنا نہ کرنا پڑے ۔

عزت مآب وزیر موصوف نے ہدایت دی ہے کہ اٹل مشن فار ریجوونیشن اینڈ اربن ٹرانسفارمیشن (امرت) 2.0 کے تحت لیہہ اور کارگل کے علاقوں میں پانی کی فراہمی اور سیوریج ٹریٹمنٹ پلانٹ (ایس ٹی پی) پروجیکٹوں کے لیے تفصیلی پروجیکٹ رپورٹس (ڈی پی آرایس ) کو جلد از جلد حتمی شکل دی جائے ۔ ڈی پی آر کی بروقت تیاری اور منظوری ان اہم پروجیکٹوں کے ہموار نفاذ کو یقینی بنائے گی ، جو لیہہ اور کارگل دونوں میں مجموعی ترقی اور معیار زندگی میں معاون ثابت ہوں ۔

جناب منوہر لال نے کہا کہ مرکز کے زیر انتظام علاقے میں تمام بے گھر افراد کا سروے کیا جائے گا تاکہ وہ پی ایم آواس یوجنا کے فوائد حاصل کر سکیں ۔ انہوں نے کہا کہ وزارت اس بات کو یقینی بنائے گی کہ لداخ میں کوئی بھی شخص بے گھر نہ رہے ۔ انہوں نے مزید کہا کہ پی ایم سواندھی اسکیم کے تحت تمام اسٹریٹ وینڈرز کو مالی مدد فراہم کی گئی ہے اور اس بات کو یقینی بنانے کے لیے تمام کوششیں کی جائیں گی کہ کوئی بھی اس سے محروم نہ رہے ۔

وزیر موصوف نے کہا کہ لداخ میں اپنے وسیع رقبے کی وجہ سے شمسی توانائی کی ترقی کے بہت زیادہ امکانات ہیں ۔ انہوں نے میڈیا کو بتایا کہ مرکز کے زیر انتظام علاقے میں 13 گیگا واٹ شمسی توانائی پلانٹ کے قیام کے لیے کام جاری ہے جو نہ صرف مقامی ضروریات کو پورا کرے گا بلکہ ملک کے دیگر حصوں کی توانائی کی ضروریات کو حل کرنے میں بھی مدد کرے گا ۔

موسم سرما کے دوران محکمہ بجلی کو درپیش چیلنجوں کا حوالہ دیتے ہوئے وزیر نے کہا کہ مرکز کے زیر انتظام علاقے سے بجلی کے اضافی مطالبات حکومت ہند کے اضافی کوٹے سے پورے کیے جا رہے ہیں تاکہ سخت سردیوں کے مہینوں میں بجلی کی بلا رکاوٹ فراہمی کو یقینی بنایا جا سکے ۔ انہوں نے مزید کہا کہ محکمہ بجلی کی افرادی قوت کے مسائل کو جلد از جلد حل کرنے کی تمام تر کوششیں کی جائیں گی ۔

مرکز کے زیر انتظام علاقے کی تجدید شدہ تقسیم سیکٹر اسکیم کے بارے میں بات کرتے ہوئے وزیر  نے کہا کہ مرکز کے زیر انتظام علاقے کی انتظامیہ کی طرف سے 1,080 کروڑ روپے کے تخمینے جمع کرائے گئے ہیں اور اس کے لیے منظوری مستقبل میں جلدہی   دی جائے گی ۔ انہوں نے مزید کہا کہ پی ایم دین دیال پیکیج کے تحت جاری منصوبے اس سال دسمبر تک مکمل ہو جائیں گے ۔

جناب منوہر لال نے کہا کہ آنے والے دنوں میں نوبرا  وادی اور زنسکار  وادی تک بجلی کی فراہمی اور تقسیم کی لائنیں قائم کی جائیں گی جو دونوں خطوں کی توانائی کی ضروریات کو پورا کرنے میں بہت مددگار ثابت ہوں گی  انہوں نے مزید کہا کہ منصوبوں سے وابستہ رکاوٹوں کو دور کرنے کے لیے جنگی پیمانے پر تمام کوششیں کی جا رہی ہیں ۔
 

********

ش ح۔ش آ۔ع ر

 (U: 2745)

(Release ID: 2075575) Visitor Counter : 9