چین کے وزیر دفاع ایڈمرل ڈونگ جون کے ساتھ ملاقات کے علاوہ وزیر دفاع  جناب راج ناتھ سنگھ نے 20 نومبر 2024 کو اپنے ملیشیا کے ہم منصب داتو سیری محمد خالد بن نورالدین اور لاؤ پی ڈی آر کے وزیر دفاع جنرل چانسامون چنیالاتھ سے وینٹیامیں 11ویں آسیان وزرائے دفاع کی میٹنگ ( اے ڈی ایم ایم) پلس کے دوران ملاقات کی۔

ملیشیا کے وزیر دفاع سے ملاقات کے دوران دونوں فریقوں نے خطے میں سلامتی اور استحکام کو فروغ دینے  اور بامعنی نتائج تک پہنچنے کے لیے ایک دوسرے کی کوششوں کی حمایت کرنے پر اتفاق کیا۔ دونوں رہنما 2025 کی پہلی سہ ماہی میں ملیشیا- ہندوستان  دفاعی کمیٹی کی میٹنگ کے انعقاد کے منتظر ہیں، جس میں دونوں فریق باہمی دفاعی تعاون کو مزیدمستحکم بنانے کے طریقوں پر تفصیلی بات چیت کریں گے۔  ہندوستان اورملیشیا فی الحال انسداد دہشت گردی پر 'اے ڈی ایم ایم پلس ایکسپرٹ ورکنگ گروپ' کا شریک چیئرمین ہے۔

 

لاؤ پی ڈی آر کے وزیر دفاع کے ساتھ اپنی ملاقات میں وزیر دفاؑ جناب راج ناتھ سنگھ  نے اس سال آسیان کے چیئر کے طور پر لاؤ پی ڈی آر کی موثر اور جامع قیادت کی تعریف و ستائش  کی۔ انہوں نے ہند-بحرالکاہل خطے میں امن اور خوشحالی کو فروغ دینے کے لیے آسیان کے اتحاد اور مرکزیت کے لیے ہندوستان کی مضبوط حمایت سے آگاہ کیا، اور جنرل چانسامون چنیالاتھ کو یقین دلایا کہ ہندوستان لاؤ پی ڈی آر اور آسیان کے ساتھ تمام شعبوں میں اپنے تعلقات کو مضبوط کرتا رہے گا۔

دونوں  فریق نے نظرثانی شدہ مفاہمت نامے پر دستخط کو سراہا جس کا تبادلہ حال ہی میں وزیراعظم جناب نریندر مودی کے دورہ لاؤس کے دوران ہوا تھا۔ انہوں نےاس بات پر اتفاق کیا کہ یہ مضبوط و مستحکم  تعلقات کی تعمیر اور صلاحیت میں تبادلہ کو بڑھانے اور شعبوں کی تعمیر میں ایک طویل سفر طے کرے گا۔

 ہندوستانی وزیر دفاع  نے ہندوستانی برادری کے ایک پروگرام میں بھی شرکت کی جہاں انہوں نے حالیہ برسوں میں مختلف شعبوں میں ہندوستان کی ترقی پر روشنی ڈالی۔ انہوں نے وزیر اعظم جناب نریندر مودی کی قیادت میں حکومت کی جانب سے 2047 تک ہندوستان کو 'وکست بھارت' بنانے کے عزائم پر بھی  روشنی ڈالی۔

 گیارہویں اے ڈی ایم ایم- پلس کا انعقاد 21 نومبر 2024 کو وینٹیا میں ہوگا، جس میں جناب راج ناتھ سنگھ علاقائی اور بین الاقوامی سلامتی کے مسائل پر فورم سے خطاب کریں گے۔ خیال رہے، اے ڈی ایم ایم- پلس سلامتی اور دفاعی تعاون کو مضبوط بنانے کے لیے آسیان کے رکن ممالک اور اس کے 8 ڈائیلاگ پارٹنرز (ہندوستان، امریکہ، چین، روس، جاپان، جنوبی کوریا، آسٹریلیا اور نیوزی لینڈ) کے وزرائے دفاع کا سالانہ اجلاس ہے۔

*****

ش ح۔ ظ ا

UR- No.2710

 

(Release ID: 2075235) Visitor Counter : 12