نئی اور قابل تجدید توانائی کی وزارت کے تحت سولر انرجی کارپوریشن آف انڈیا لمیٹڈ (ایس ای سی آئی) نے ایچ 2 گلوبل اسٹفٹنگ کے ساتھ ایک مفاہمت نامے پر دستخط کیے، تاکہ گرین ہائیڈروجن اقدامات کو فروغ دینے کے لیے باہمی تعاون  پر مبنی  ایک فریم ورک قائم کیا جا سکے۔ اس کا مقصد مارکیٹ پر مبنی میکانزم پر علم کے تبادلے کو بڑھانا اور ہندوستان اور درآمد کرنے والے ممالک کے درمیان تعاون کو فروغ دینا ہے، اس طرح گرین ہائیڈروجن معیشت کی عالمی ترقی میں تعاون کرنا ہے۔

مفاہمت نامے پر جناب سنجے شرما، ڈائریکٹر (سولر)، ایس  ای سی آئی، اور ڈاکٹر سوزانا موریرا، ایگزیکٹو ڈائریکٹر،ایچ 2 گلوبل، نے 19 نومبر 2024 کو جناب ٹیمو بولرے، سی ای او (ہنٹ کو)، جناب مارکس ایکسنبرگر، ایگزیکٹو ڈائریکٹر (ایچ2 گلوبل فاؤنڈیشن)، جناب پرشانت کمار سنگھ، سکریٹری (ایم این آر ای)، جناب ابھے بھاکرے، مشن ڈائریکٹر (این جی ایچ ایم)، ڈاکٹر پرساد چاپیکر، ڈی ایس (ایم این آر ای) اور جناب کے آر جیوتی لال، اے سی ایس کیرالہ کی موجودگی میں دستخط کیے۔

یہ تعاون ہندوستان کو مشترکہ ٹینڈر ڈیزائن کے تصورات پر کام کرنے کا موقع فراہم کرتا ہے، خاص طور پر مشترکہ ٹینڈرز کی تشکیل میں جو گرین ہائیڈرو جن اور اس کے مشتقات کے برآمدی مرکز بننے کے ہندوستان کے عزائم کے ساتھ ہم آہنگ ہے۔ یہ تعاون عالمی ہائیڈروجن مارکیٹ کی حرکیات کے بارے میں قیمتی بصیرت فراہم کر سکتا ہے، بشمول تجارتی لاجسٹکس اور اسٹیک ہولڈر کی مصروفیت، جو ہندوستان کے گرین ہائیڈروجن اقدامات کو آگے بڑھانے میں معاون ثابت ہو سکتی ہے۔

************

ش ح۔اک۔ق ر

U.No:2694