প্রধান মন্ত্রী শ্রী নরেন্দ্র মোদী অমসুং য়ুনাইতেদ কিংদমগী প্রাইম মিনিস্তর H.E. সর কৈর স্তেরমরগা রিও দে জনৈরো, ব্রাজিলদা G-20 সম্মিতকী নাকোয়ননা পাঙথোকখিবা মীফম মতুংদা, UK না অনৌবা চহিনা লাকপদা ইন্দিয়া-UK ফ্রী ত্রেদ তোল্ক অমুক হন্না হৌনবা লাউথোকখিববু ঐখোয়না তরাম্না ওক্লি‍।

খল মান্নবা, নাকল অনিমক্তা কান্নগদবা অমসুং মাঙদা মীৎয়েঙ থম্বা ফ্রী ত্রেদ এগ্রীমেন্ত (FTA) অমা লৈবগী মথৌ তাববু মাঙদা থম্লগা, ভারতনা নাকল অনিমক্না পেন্নিংঙাই ওইবা মওংদা ৱাৎলিবা ৱাফমশিংগী ৱারোয়শিন পুরক্নবা লৈরিবা UK গী নেগোসিএসন তীমগা নক্না থবক তৌমিন্ননবা মীৎয়েঙ থম্লি‍। ২০২৫গী অঙন্বা শরুক্তা পাঙথোক্কদবা ফ্রী ত্রেদ তোল্ককী তারিখ অথুবা মতমদা দিপ্লোমেতিক চেনেলশিংগী খুত্থাঙদা লেপথোক্লগনি‍। FTA তোল্ক অসিনা মমাঙদা লৈখিবা খোঙজেলদগী মখা চত্থদুনা খন্নগনি অমদি ত্রেদ দীল খোঙলৈ থুনা লোইশিন্নবা লৈরিবা অৱাৎপশিং মেনশিন্নবা খন্নগনি‍।

য়ুনাইতেদ কিংদমগা ভারতকা লৈনরিবা লল্লোন ইতিক্কী মরী অসি তপ্না তপ্না চাউখৎলক্তুনা, হেন্না অচেৎপা কোলাবোরেসন অমসুং স্ত্রেতেজিক এঙ্গেজমেন্তকী অচৌবা মতিং উৎলি‍। ২০২৪গী এপ্রিলদগী সেপ্তেম্বর ফাওবগী খ্বায়দগী নৌবা দেতাগী মতুং ইন্না, ভারতনা UK দা তৌবা এক্সপোর্তকী চাং ১২.৩৮% য়ৌনা ৱাংখৎলক্তুনা, ২০২৩গী চপ মান্নবা মতমদা লৈখিবা $৬.৫১ বিলিয়নগা চাংদম্নবদা $৭.৩২ য়ৌখি‍। মিনরেল ফ্যুল, মেছিনরী, অমসুং মমল য়াম্বা নুং, ফার্মাসিউতিকেল্স, এপরেল, আইরন অমসুং স্তীল, অমদি কেমিকেল্সনা UK দা ভারতকী এক্সপোর্ত বাস্কেতকী অচৌবা শরুক ওইদুনা অপুন্বা এক্সপোর্তকী ৬৮.৭২% ওইরি‍। UK দা থাদোক্লিবা ঐখোয়গী এক্সপোর্ত ২০২৯-৩০ ফাওবদা $৩০ বিলিয়ন য়ৌদুনা য়ুনাইতেদ কিংদম্না FY30 ফাওবদা $১ ত্রিলিয়ন এক্সপোর্ত তার্গেৎ ফংনবা মরুওইবা লৈবাক ওইগদৌরি‍।

***