ভারতনা, ১৯.১১.২০২৪দা, বাকু, অজরবৈজান্দা পাঙথোক্লিবা UN ক্লাইমেত চেঞ্জ সম্মিতকী CoP29দা পাঙথোকপা হায় লেভেল মিনিস্তরিএল দাইলোগ ওন ক্লাইমেত চেঞ্জ এদাপ্তেসন্দা ৱারোল পীখ্রে‍। “চাওখৎলক্লিবা লৈবাকশিংনা চাওখৎলবা লৈবাকশিংনা থাদোরকপা ইমিসনশিংনা চাউনা মরম ওইরগা ক্লাইমেত চেঞ্জকী চৈথেং নংলি‍। চাওখৎলক্লিবা লৈবাক ঐখোয়গী ওইনদি, ঐখোয়গী মীয়ামগী পুন্সি – মখোয়গী পুন্সি – অমদি মখোয়গী হিংনবগী লম্বী খুদোংথিনিংঙাই ওইরি,” হায়না ৱারোল অদুনা হায়রি‍।

মালেমগী খাথংবা শরুক্তা থাজবা য়াবা ক্লাইমেত ফাইনান্স ফংহন্বগী মরুওইবা ৱাফমশিং ফোঙদোক্লদুনা, ভারতকী ৱারোল অদুনা হায়রি, “CoP28 গ্লোবেল স্তোকতেক দিসিজন্না মতিক চানা মীৎয়েঙ চঙবা ৱাৎপা অমসুং রিসোর্স ৱাৎপনা মরম ওইরগা থোকহল্লকপা এদাপ্তেসনগী অহোবা, অমসুং থবক পায়খৎপদা লৈরিবা অহোবা মেনশিনবা মথৌ তাই হায়না ফোঙদোকখি‍। মসিগী মথক্তা, CoP28 দা, পেরিস এগ্রীমেন্তকী পার্তীশিংনা UAE ফ্রেমৱর্ক ফোর গ্লোবেল ক্লাইমেত রেজিলিএন্স এদোপ্ত তৌনবা য়ানখি‍। ফ্রেমৱর্ক অসিনা এদাপ্তেসন তার্গেৎশিং ফংনবগীদমক চাওখৎলবা লৈবাকশিংদগী চাওখৎলক্লিবা লৈবাকশিংদা লাক্লিবা সপ্পোর্ত অমসুং ইম্প্লিমেন্তেসন রিসোর্স হেনগৎহন্বা অথুবা মতমদা মথৌ তাই হায়বা ৱাফম য়ারি‍। মোবিলাইজেসনগী থৌওং অসি মমাঙদা হোৎনখিবগী ৱাংমদা চত্তুনা, চাওখৎলক্লিবা লৈবাকশিংগী তোপ তোপ্পা মথৌ তাবশিং ইকায়খুম্নবগা লোয়ননা লৈবাকশিংনা শেম্বা স্ত্রেতেজীশিংদা ঙাক্লৌ পীবা মথৌ তাই‍।”

শেলগী রিসোর্সশিং মপুং ফানা চঙলকপগী অথুবদা মথৌ তারিবশিং পুথোক্লদুনা, ভারতনা ফোঙদোকখি, “পোস্ত-২০২৫ মতমগী নিউ কল্লেক্তিব ক্বান্তিফাইদ গোল (NCQG) অসি গ্রান্ত/কন্সেস্নেল তর্মদা লৈবা মোবিলাইজেসন তার্গেৎ ওইহন্বা মথৌ তাই‍। শেমদোকপা মথৌ তাবা মরুওইবা ৱাফম অমদি, শেল থাদোকপা তপ্পা, হোংলক্লিবা মথৌ তাবশিংদা এদাপ্ত তৌনবা ফ্লেক্সিবিলিতী ৱাৎপা, অমসুং ক্লাইমেত ফাইনান্স ফংবদা খুদোংচাদবা মায়োক্নহল্লিবা অকন্বা ইলিজিবিলিতী ক্রাইতেরিয়া য়াওবা অরুবা এপ্রুভেল প্রোসিজর অসিনি,” হায়না ভারতনা ফোঙদোকখি‍।

ভারত্তা লৈরিবা এদাপ্তেসন ফাইনেন্সিং অসি লমদমসিগী রিসোর্সশিংদগী অয়াম্বা ওইরি হায়না পাউদমখি‍। “ঐখোয়না হৌজিক ঐখোয়গী ওইবা নেস্নেল এদাপ্তেসন প্লান শেমগৎলি‍। ঐখোয়না UNFCCC দা মমাঙ চহিদা থাগৎখিবা ইনিসিএল এদাপ্তেসন কম্ম্যুনিকেসন্দা ঐখোয়না এদাপ্তেসন কেপিতেল শেমগৎনবগী মথৌ তাবা শেনফম USD ৮৫৪.১৬ বিলিয়ন য়ৌরকপা য়াই হায়না ফোঙদোকখি‍। তশেংনা, এদাপ্তেসন ফাইনান্সতা অচৌবা ইনোৎ অমা হাপকৎপা হায়বসি মরু ওই,” হায়না ভারতনা ফোঙদোকখি‍।

ভারতনা চাওখৎপা লৈবাকশিংদা চাওখৎলক্লিবা লৈবাকশিংগী এদাপ্তেসন ফাইনান্সকী মথৌ তাবশিংগী মতাঙদা য়ানখিবা ৱাফমশিং ঙাক্না চৎনবা ৱাফম থমখি‍। য়ানখিবা ৱাফম অসি ঙাক্না চৎপনা মালেম অসিবু হেন্না অশঙ অমান্না থন্বা, হেন্না তুং কোইগদবা, অমসুং তুংগী মীরোলগীদমক নুংঙাই য়াইফবা প্লানেত অমা শেম্বদা খোঙকাপ লাউনা থাংনবা লম্বী অমদা চঙশিন্বা ঙমহনগনি‍।

*****