কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
ভারত সরকারগী কঞ্জুমর এফিয়র্স দিপার্তমেন্তনা জিলা অমসুং রাজ্যগী কঞ্জুমর কমিসনশিংদা ভেকেন্সিশিং য়েংশিনখ্রে
প্রাবোরিতী ওইনা কঞ্জুমর কমিসনশিংদা ভেকেন্সীশিং মেনশিনবা: GoIগী কঞ্জুমর এফিয়র্স দিপার্তমেন্তকী সেক্রেতরী
Posted On:
15 NOV 2024 1:16PM by PIB Imphal
ভারত সরকারগী কঞ্জুমর এফিয়র্স দিপার্তমেন্তনা লৈবাক শিনথুংনা জিলা অমসুং রাজ্যগী কঞ্জুমর কমিসনশিংগী মনুংদা লৈরিবা ভেকেন্সিশিংগী হৌজিক হৌজিক লৈরিবা ফিভম অদু য়েংশিন্নবা রিভ্যু মীতিং অমা পাংথোকখ্রে। কঞ্জুমর এফিয়র্স দিপার্তমেন্তকী সেক্রেতরী, শ্রীমতি নিধি খারেগী মবাই তাংবল লৌদুনা পাংথোকখিবা মীফম অদুদা রাজ্যশিং/য়ু.তি.শিংগী মরি লৈনবা দিপার্তেমন্তশিং প্রিন্সিপাল সেক্রেতরীশিং, দাইরেক্তরশিং অমসুং সেনিয়র ওফিসিয়েলশিংনা শরুক য়াখি।
DoCAগী সেক্রেতরীনা হায়খি মদুদি কঞ্জুমর দিসপ্যুতশিং/কেসশিংবু য়াম্না য়াংনা অমসুং খ্বাইদগী হেন্না ফবা মওংদা লোইশিনহন্নবা হাংলিবা ফমশিং অদুবু য়াম্না থুনা অথুবদা মেনশিল্লগনি। মহাক্না লৈবাক শিনথুংনা কঞ্জুমর কমিসনশিংদা হংলিবা ফমশিং অদুবু মেনশিন্নবা মতিক চাবা কেন্দিদেতশিং য়াম্না থুংনা খন্নবঘি তঙাইফদবা অদুগী মতাংদা য়াম্না মরু ওইনা পনখি। মসিগী থবকশিং অসি পাইখৎনবা হোৎনরিবা অসি সরকারনা কঞ্জুমরশিংগী অৱাবশিং অদুবু য়াম্না য়াম্না অমশুং খ্বাইদগী হেন্না ফবা মওংদা লোইশিন্নবা লৌরিবা ফিরেপ অদুগী মতুং ইন্না পাইখৎলকখিবনি। সেক্রেতরীনা রাজ্যশিং.য়ু.তি.শিংগী মীহুৎশিংদা মসিগী ফমশিং অসিবু য়াম্না থুনমক মেনশিনবদা হেন্না মরু ওইবা থম্নবা হায়খ্রে, লোইননা খঙজিনগদবা অমনা কঞ্জুমর কমিসন নিংথিজনা মথৌ তৌবা হায়বসি কঞ্জুমরগী হকশিং ঙাক-শেন্দুনা থমবদা অমসুং সর্বিস স্তেন্দার্দশিং ঙাক্না থম্নবগীদমক্তা য়াম্না মরু ওই।
মীফম অদুনা লৈবাক অসিদা শিনথুংনা লৈরিবা ফম অহাংবশিংগী দেতাবু য়াম্না কুপথনা নৈনবদা মতেং পাংখি। ২০২৪গী ওক্তোবর ফাওবদা, জিলা অমসুং রাজ্যগী কঞ্জুমর কমিসন অনিমক্তা প্রেসিদেন্ত অমসুং মেম্বরগী ফমশিং য়াম্না হাংদুনা লৈ। রাজ্যগী কমিসনশিংদা পুন্না প্রেসিদেন্তকী পোস্ত ১৮ অমসুং মেম্বরশিংগী পোস্ত ৫৬ হাংদুনা লৈরি। অসিগা চপ মান্ননা লৈবাক শিনথুংনা জিলাগী কমিসনশিংদা পুন্না প্রেসিদেন্তকী পোস্ত ১৬২ অমসুং মেম্বরশিংগী পোস্ত ৪২৭হাংদুনা লৈরি। অদুগা খঙবা ঙম্লকখিবা অমনা ময়াম পুন্না অসুক কন্না হোৎনরবা ফাওবদা কঞ্জুমর কমিসনশিংদা লৈরিবা অহাংবা ফমশিংগী মশিং অদু হৌখিবা চহিগা চাংদম্নবা হন্দক্না অমুক্কশু হেন্না হেনগৎলকখি। সেক্রেতরী (CA)না কঞ্জুমর কমিসনশিংদা ফম অহাংবা হেনগৎলক্লিবা অসিগী মতাংদা য়াম্না নুংঙাইতবা ফোংদোকখি অমসুং রাজ্যশিং/য়ু.তি.শিংদা য়াম্না য়াংনা থবক ওইনা পাইখৎনবা অমসুং মসিগী শিংনবা অসিবু য়েংশিন্নবা তকশিনখ্রে।
কঞ্জুমর প্রোতক্সন এক্ত, ২০১৯গী চৎনহল্লিবা প্রোভিজনশিং অদুবু পনবা মতমদা অমসুং হৌজিক লৈরিবা ফিভমশিং অদুবু য়েংলগা ২০১৯গী এক্ত অসিগী সেক্সন ৩২গী প্রোভিজনশিং অদুদা মিৎয়েং চিংশিনখি, এক্ত অসিনা করিগুম্বা তঙাইফদনা মথৌ তারবদি জিলা অমগী কঞ্জুমর কমিসন মথৌ তৌদুনা অদুম লৈহন্নবা অতোপ্পা জিলাগী কমিসনদা অহেনবা চার্জ পীবা য়াই।
মীফম অদুদা হিরম অসিগী মতাংদা রাজ্যশিং/য়ু.তি.শিংগা য়াম্না নিংথিজনা খন্ন-নৈনবা ঙমখি। আংলিবা ফমশিং অদুবু মেনশিনবনা কঞ্জুমর জস্তিস পীবদা অকাইবা পীরিবা, হিয়রিংশিং থেংথবা অসিবু য়ারিমখৈ লৈহনদবা অমসুং কেস বেকলোগ হন্থহনবনচিংবদা য়াম্না মরু ওই হায়না ময়াম পুম্নমক্না য়ানিংবা ফোংদোরকখি। মন্ত্রালয় অসিনা কঞ্জুমর কমিসনশিংদা হাংলিবা ফমশিং আদুবু মেনশিন্নবগীদমক্তা খ্বাইদগী হেন্না ফবা, ওবজেক্তিব ওইবা অমসুং ত্রান্সপরেন্ত ওইবা থৌওংশিং পাংথোক্নবা স্তেকহোল্দর খুদিংমক্কা য়াম্না নক্না থবক তৌমিন্নবা অচেৎপা ফিরেপ লেপ্লি। মসিগী অনৌবা থৌরাং অসিনা লৈবাক শিনথুংনা এফিসিয়েন্সী হেনগৎহন্নবগী পান্দমদা, কঞ্জুমর রেদ্রেসল মেকানিজমবু হেন্না মপাঙ্গল কনখৎহন্নবা মন্ত্রালয়না লৌরিবা ফিরেপ অদুবু য়াম্না মরু ওইনা পনখি।
****
(Release ID: 2073673)
Visitor Counter : 4