नवी दिल्ली, 14 नोव्हेंबर 2024

गुरु नानक देवजींच्या प्रकाशपर्वाच्या पूर्वसंध्येला राष्ट्रपती द्रौपदी मुर्मू यांनी देशवासियांना शुभेच्छा दिल्या आहेत. आपल्या संदेशात राष्ट्रपती म्हणाल्या, “ गुरु नानक देवजींच्या प्रकाशपर्वा निमित्त मी भारतात आणि परदेशात राहणाऱ्या सर्व देशवासियांना विशेषतः शीख बंधू आणि भगिनींना हार्दिक शुभेच्छा देत आहे.

गुरु नानक देवजींचे जापजी साहिब प्रेम, करुणा, सत्य आणि त्याग यावर भर देतो. त्यांची शिकवण आपल्याला नैतिक मूल्यांचे मार्गदर्शन करते. त्यांनी लंगर म्हणून ओळखल्या जाणाऱ्या सामुदायिक भोजनाची प्रथा सुरू केली आणि बंधुभावाचा पुरस्कार केला. त्यांनी सामाजिक जबाबदाऱ्या पार पाडत असतानाच सर्वांना ज्ञान आणि साक्षात्कार प्राप्तीसाठी अध्यात्माचा मार्ग स्वीकारण्यासाठी प्रेरित केले. त्यांनी लोकांना प्रामाणिकपणा आणि कष्ट या गुणांचा अंगिकार करण्यासाठी आणि त्यांच्या उत्पन्नाचा वाटा गरजूंना देण्यासाठी प्रोत्साहन दिले. आपण सर्वजण गुरु नानक देवजींच्या शिकवणीचा आपल्या दैनंदिन जीवनात अंगिकार करुया आणि समाजात  एकता आणि समानतेचा पुरस्कार करुया. ”

राष्ट्रपतींचा संदेश वाचण्यासाठी येथे क्लिक करा.  

S.Kane/S.Patil/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai