نئی اور قابل تجدید توانائی کے مرکزی وزیر جناب پرہلاد جوشی نے آج اڈیشہ کے پوری میں واقع شری جگناتھ مندر میں بیٹری سے چلنے والی 10 گاڑیوں کو جھنڈی دکھا کر روانہ کیا۔ انڈین رینیو ایبل انرجی ڈیولپمنٹ ایجنسی لمیٹڈ (آئی آر ای ڈی اے) کے سی ایس آر پروگرام کے تحت اس اقدام کا مقصد ماحول دوست نقل و حرکت کو فروغ دینا اور زائرین کے لیے رسائی کو بہتر بنانا ہے، خاص طور پر بزرگ شہریوں اور دیویانگوں کو معزز ورثے کے مقام پر فائدہ پہنچانا۔

یونین وزیر جناب  جوشی نے گاڑیوں کی چابیاں شری جگناتھ مندر ایڈمنسٹریشن کے چیف ایڈمنسٹریٹر کے حوالے کرتے ہوئے ثقافتی نشانات پر پائیدار حل کی اہمیت پر زور دیا۔ انہوں نے کہا، "اس تاریخی مندر میں بیٹری سے چلنے والی گاڑیوں کی تعیناتی ہمارے سبز توانائی کے عہد کو اجاگر کرتی ہے اور زائرین کو ایک رسائی کے قابل اور ماحولیاتی لحاظ سے دوستانہ نقل و حمل کا آپشن فراہم کرتی ہے۔ آئی آر ای ڈی اے کی جانب سے اس طرح کے پائیدار سی ایس آر پروجیکٹس کی حمایت اس کی سبز مشن کے تئیں ثابت قدمی اور اہم ثقافتی مقامات پر زائرین کے تجربات کو بہتر بنانے کے لیے اس کے عزم کو ظاہر کرتی ہے۔"

جناب پرادیپ کمار داس، چیئرمین و مینیجنگ ڈائریکٹر، آئی آر ای ڈی اے نے کمپنی کی پائیداری کے تئیں لگن کا اظہار کرتے ہوئے کہا، "آئی آر ای ڈی اے کو فخر ہے کہ وہ اپنے سی ایس آر اقدامات کے ذریعے 10 ماحولیاتی دوستانہ گاڑیوں کے اس منصوبے میں حصہ لے رہا ہے، جو ورثہ مقامات پر زائرین کے لیے ماحولیاتی لحاظ سے دوستانہ نقل و حمل فراہم کرے گا۔ یہ منصوبہ ہماری اس کوشش کے مطابق ہے کہ ہم ہر شعبے میں پائیدار اور قابل تجدید توانائی کے حل کو فروغ دیں۔"

ڈاکٹر بی کے موہنتی، ڈائریکٹر (فنانس)، آئی آر ای ڈی اے، اور وزارت نئے اور قابل تجدید توانائی (ایم این آر ای) کے دیگر سینئر عہدیداروں نے بھی اس تقریب میں شرکت کی۔ مرکزی  وزیر، چیئرمین اور مینیجنگ ڈائریکٹر آئی آر ای ڈی اے اور وزارت نئے اور قابل تجدید توانائی (ایم این آر ای) اور آئی آر ای ڈی اے کے دیگر عہدیداروں نے شری جگناتھ مندر میں پوجا بھی کی۔

************

UR-2460

(ش ح۔ اس ک۔ع ر )