புதுதில்லியில் நவம்பர் 13ந்தேதி, கால்நடை பராமரிப்பு மற்றும் பால்வளத் துறை செயலாளர் திருமதி அல்கா உபாத்யாயா, மேற்கு மாநிலங்கள் / யூனியன் பிரதேசங்களின் பிராந்திய ஆய்வுக் கூட்டத்திற்கு தலைமை தாங்கினார். குஜராத், மத்தியப் பிரதேசம், மகாராஷ்டிரா, ராஜஸ்தான், கோவா, பீகார் உள்ளிட்ட மேற்கு மாநிலங்களின் கால்நடை பராமரிப்பு மற்றும் பால்வளத் துறைகளின் கூடுதல் தலைமைச் செயலாளர்கள், முதன்மைச் செயலாளர்கள், செயலாளர்கள், இயக்குநர்கள் மற்றும் திட்ட அதிகாரிகள் இந்தக் கூட்டத்தில் பங்கேற்றனர்.

இந்தக் கூட்டத்தில் கூடுதல் செயலாளர் திருமதி வர்ஷா ஜோஷி மற்றும் புள்ளியியல்  ஆலோசகர் திரு ஜகத் ஹசாரிகா உள்ளிட்ட துறையின் முக்கிய அதிகாரிகள் கலந்து கொண்டனர்.

கூட்டத்தின் போது, ராஷ்ட்ரிய கோகுல் மிஷன் (ஆர்ஜிஎம்), தேசிய கால்நடை இயக்கத்தின் கீழ் தொழில்முனைவோர் மேம்பாடு (என்.எல்.எம்), தேசிய விலங்கு நோய் கட்டுப்பாட்டு திட்டம் (என்.ஏ.டி.சி.பி) மற்றும் தேசிய பால்வள மேம்பாட்டுத் திட்டம் (என்.பி.டி.டி) உள்ளிட்ட பல முக்கிய திட்டங்களின் முன்னேற்றம் குறித்து செயலாளர் ஆய்வு செய்தார்.

கோமாரி நோய் (எஃப்எம்டி), புருசெல்லோசிஸ், பிபிஆர் (பெஸ்டே டெஸ் பெட்டிட்ஸ் ரூமினண்ட்ஸ்) மற்றும் கிளாசிக்கல் பன்றிக் காய்ச்சல் (சிஎஸ்எஃப்) போன்ற முக்கிய நோய்களுக்கு எதிரான தடுப்பூசியில் கவனம் செலுத்தும் மத்திய அரசின் முன்னோடி திட்டமான எல்.எச்.டி.சி.பி  (கால்நடை சுகாதாரம் மற்றும் நோய் கட்டுப்பாட்டு திட்டம்) திட்டம் பரிசீலிக்கப்பட்டது. கால்நடைகள், எருமைகள், செம்மறி ஆடுகள் மற்றும் ஆடுகளுக்கான ஆறு மாத தடுப்பூசிகளின் நிலை குறித்தும் விவாதிக்கப்பட்டது. கால்நடை நோய்களைக் கட்டுப்படுத்த மாநிலங்களுக்கு உதவுதல், நடமாடும் கால்நடை மருத்துவப் பிரிவுகளை செயல்படுத்துதல், "பசு கல்யாண் சமிதிகள்" உருவாக்கம் ஆகியவை மற்ற தலைப்புகளில் அடங்கும். செயலாளர் திருமதி அல்கா உபாத்யாயா, தடுப்பூசி போடும் பணியை விரைவுபடுத்துமாறும், நோய் பரவுவதைத் தடுக்க அறிக்கைகளை அதிகரிக்குமாறும் மாநிலங்களை வலியுறுத்தினார். பால்வளத் துறை வளர்ச்சியின் முக்கியத்துவத்தை எடுத்துரைத்த அவர், பதப்படுத்தும் திறனை அதிகரிக்க வேண்டியதன் அவசியத்தையும், பால் பொருட்களை பல்வகைப்படுத்த வேண்டியதன் அவசியத்தையும் வலியுறுத்தினார்.

தீவன உற்பத்தி பிரச்சினை  குறித்து விவாதித்த அவர், அனைத்து மாநிலங்களும் தீவன சாகுபடியை விரிவுபடுத்துவதற்கான முயற்சிகளை அதிகரிக்க வேண்டும் என்று வலியுறுத்தினார், சீரழிந்த வனப்பகுதிகள் உட்பட கிடைக்கக்கூடிய நிலத்தை அதிகரிக்க வேண்டியதன் அவசியத்தை அவர் வலியுறுத்தினார். கால்நடை காப்பீட்டின் முக்கியத்துவத்தை வலியுறுத்திய அவர், அனைத்து மாநிலங்கள் / யூனியன் பிரதேசங்கள் அனைத்து கால்நடைகளுக்கும் இந்த பாதுகாப்பை விரிவுபடுத்துமாறு கேட்டுக்கொண்டார்.   உழவர் கடன் அட்டை திட்டத்தின்  மெதுவான முன்னேற்றம் குறித்தும் செயலாளர் கவலைகளை எழுப்பினார். இலக்குகளை அடைய உடனடி நடவடிக்கை எடுக்க அவர் அழைப்பு விடுத்தார். கூடுதலாக, பால்வளத் துறையை வலுப்படுத்த மாநிலங்கள் முழுவதும் கூட்டுறவு கட்டமைப்பை விரிவுபடுத்துவதன் முக்கியத்துவத்தையும் அவர் வலியுறுத்தினார். கால்நடை பராமரிப்புத் துறைக்கான எதிர்கால கொள்கைகளை வடிவமைப்பதில், 21வது கால்நடை கணக்கெடுப்பை வெற்றிகரமாக செயல்படுத்துவதின் முக்கிய பங்கு குறித்தும் விவாதிக்கப்பட்டது.

**********

TS/PKV/KV/KR

 

(Release ID: 2073255) Visitor Counter : 9