ঙাকশেল মন্ত্রী শ্রী রাজনাথ সিংহনা প্রধান মন্ত্রী শ্রী নরেন্দ্র মোদীনা লুচিংবা সরকারনা ঙসিগী খোঙজেল য়াংনা হোংলক্লিবা মালেম অসিনা পীরিবা শীংনবশিং অসি থেংননবা লৈবাক অসিদা "এদাপ্তেব দিফেন্স" অমা শেম্নবা অচেৎপা ৱারেপ লৌরে হায়না ফোংদোকখ্রে। মহাক্না নবেম্বর 12, 2024দা নই দিল্লীদা মনোহর পরিকর ইন্সতিত্যুৎ ফোর দিফেন্স স্তদিজ এন্দ এনালাইসিস (MP-IDSA) না 'এদাপ্তিব দিফেন্স: নেভিগেতিং দি চেঞ্জিং লেন্দস্কেপ ওফ মোদর্ন ৱারফেয়র' হায়বা থিমদা শীনবা দিল্লী দিফেন্স দাইলোগ (DDD)গী হৌদোকপদা ৱা ঙাংখি।

ঙাকশেল মন্ত্রীনা হায়খি মদুদি "এদাপ্তিব দিফেন্স" অসি লৈবাক অমগী লান্মী অমসুং ঙাকশেলগী মেকানিজমশিং অসিনা থোরক্লিবা খুদোংথীবশিং অসি মায়োক্ননবা লেপ্পা লৈতনা শেমগৎলিবা স্ত্রেতেজিক এপ্রোচ অমনি। "এদাপ্তিব দিফেন্স" হায়বসি থোকখিবা অদুদা পাউখুম পীবখক্তমক নত্তে, করি থোকপা য়াবগে হায়বদু মাংজৌননা খংদোকপা অমসুং মদুগীদমক্তা প্রোএক্তিব ওইনা শেম-শাবা অদুনি। মরুওইনা হায়রবদা, মসিদা তম্বা ঙমদবা অমসুং হোংলক্লিবা ফিভমশিং অসি থেংনরবসু, এদাপ্ত, ইন্নোবেৎ তৌবা অমসুং চাউখৎপা ঙম্নবগী ৱাখল্লোন অমসুং কেপাসিতী শেমগৎপা য়াওরি। সিচুএস্নেল এৱেরনেস, স্ত্রেতেজিক অমসুং তেক্তিকেলগী থাক্তা ফ্লেক্সিবিলিতী, রেসিলিয়েন্স, এজিলিতী, অমসুং ফ্যুচরিস্তিক তেক্নোলোজীশিংগা পুনশিন্নবা অসি এদাপ্তিব দিফেন্স অমা খঙনবা অমসুং শেম্নবগী মরুওইবা থৌওংশিংনি। মসি ঐখোয়গী স্ত্রেতেজিক ফোর্মুলেসনশিং অমসুং ওপরেস্নেল রেস্পোন্সশিংগী মন্ত্র ওইগদবনি," হায়না মহাক্না ফোংদোকখি।

শ্রী রাজনাথ সিংহনা 'এদাপ্তিব দিফেন্স'বু স্ত্রেতেজিক চোইস অমা ওইবা খক্তমক নত্তনা তঙাইফদবা অমনি হায়না ফোংদোকখি। “ঐখোয়গী লৈবাক অসিদা লাক্লিবা খুদোংথীবশিং অসি খুমাং চাউশিল্লকপগা লোয়ননা ঐখোয়গী ঙাকশেলগী পথাপশিং অমসুং থৌরাংশিংসু খুমা চাউশিল্লক্লি। ঐখোয়না তুংগী ওইবা খুদোংচাদবা থৌওং পুম্নমক্তা শেম-শাবা তাই। মসি ঐখোয়গী ঙমখৈ ঙাকথোকপদা নত্তনা ঐখোয়গী তুংলমচৎকীদমক ঙাকথোকপনি," হায়না মহাক্না ফোংদোকখি।

ঙাকশেল মন্ত্রীনা ফোংদোকখি মদুদি লানগী চৎনবীগী ৱাখল্লোনশিং অসি অনৌবা তেক্নোলোজীশিং অমসুং স্ত্রেতেজিক পার্তনরশিপশিংগা লোয়ননা নৌনা শেমগৎলক্লি। অনৌবা মীৎয়েং, দোক্ত্রিন অমসুং থৌওংশিংগী ৱাখল্লোনশিং অসি অহোংবা লাক্লিবা খুদোংচাদবশিং অমসুং শীংনবশিংগা লোয়ননা আর্মদ ফোর্সেসকী মনুংদা থোক্লক্লি। মহাক্না হৌজিক লৈরিবা মতম অসি গ্রে জোন অমসুং হায়ব্রিদ ৱারফেয়র হায়না কৌখি। মসিদা ঙাকথোক্নবগী চৎনবীগী ওইবা পাম্বৈশিং অসিদা শীংনবা মায়োক্নরি। মহাক্না হায়খি মদুদি থোরক্লিবা শীংনবশিং অসি থেংননবা লেপ্পা লৈতনা এদাপ্তেসন তৌবা অসিনা খ্বাইদগী ফবা থৌরাংনি।

শ্রী রাজনাথ সিংহনা তেরোরিজম, সাইবর-এতেকশিং অমসুং হাইব্রিদ ৱারফেয়রশিংগুম্বা চৎনবীগী ওইবা ঙমখৈগা মরী লৈনবা খুদোংচাদবশিংদগী হৌরগা ভারতনা থেংনরিবা তোঙান তোঙানবা সেক্যুরিতীগী শীংনবশিংগী মতাংদা ৱাফম থমখি। মহাক্না হায়খি মদুদি সরকারনা হোংলক্লিবা জিওপোলিতিকেল অমসুং তেক্নোলোজিকেলগী ফিভম অসিদা এদাপ্তেব দিফেন্স স্ত্রেতেজী অমগী তঙাই ফদবা অদু খঙলে অমসুং মপাঙ্গল লৈরবা অমসুং মশা-মরোমদোম লেপচবা ঙম্বা ইকোসিস্তেম অমা শেমগৎনবা খোঙথাং কয়া লৌখৎলে। মসিগী মনুংদা চীফ ওফ দিফেন্স স্তাফকী ইন্সতিত্যুসন শেম্বা, সর্ভিস অহুম অসিগী মরক্তা পুন্না থবক তৌমিন্নবা, ত্রেনিং করিকুলম ফগৎহনবা অমসুং মালেম শিনবা থুংনা অনৌবা দিফেন্স পার্তনরশিপ শেম্বা য়াওরি।

দিজিতেলাইজেসন অমসুং ইনফোর্মেসন ওভরলোদকী হৌজিক্কী মতম অসিদা মালেম অসিনা মমাংদা অমুক্তা ওইখিদ্রিবা সাইকোলোজিকেল ৱারফেয়র অমা মায়োক্নরি হায়না ঙাকশেল মন্ত্রীনা অকনবা ৱাফম থমখি। মহাক্না হায়খি মদুদি সরকারনা নেস্নেল সেক্যুরিতীগী মায়োক্তা পাংথোক্লিবা ইনফোর্মেসন ৱারফেয়রগী খুদোংচাদবশিং অসি থেংননবা এদাপ্তেতিব দিফেন্স স্ত্রেতিজী শীজিন্ননবা ৱারেপ লৌরে।

শ্রী রাজনাথ সিংহনা সাইবর স্পেস অমসুং আর্তিফিসিএল ইন্তেলিজেন্স (AI) গী অনৌবা তেক্নোলোজীশিংদা থবক তৌরিবা মকোক থোংবা লৈবাকশিংগী মরক্তা ভারতপু থম্নবা সরকারগী অচেৎপা ৱাফম অমুক হন্না ফোংদোকখি। ভারত অসিগুম্না চাউবা অমসুং পোতেন্সিএল লৈবা লৈবাক অমনা ঙাকশেলগী লমদা মালেমগী ওইনা লাক্কদৌরিবা AIগী ইন্নোভেসনশিং অসি থেংননবা মতিক লৈগদবনি হায়না মহাক্না হায়খি।

ঙাকশেল মন্ত্রীনা হায়খি মদুদি দ্রোনশিং অমসুং স্বর্ম তেক্নোলোজীশিংনা লানগী পাম্বৈ অমসুং পাম্বৈশিংদা তঙাইফদবা অহোংবা পুরক্লি। “ভারতনা মালেমগী দ্রোন হব অমা ওইনবা পান্দম থম্লি। মসিগী মতাংদা খোঙথাং কয়া অমা লৌখৎখ্রে। মসিনা ভারতকী শেন্মিৎলোনদা মতেং পাংবতা নত্তনা ঐখোয়গী মেক ইন ইন্দিয়া অমসুং আত্মনির্ভর ভারত প্রোগ্রামদা মশক থোক্না শরুক য়াগনি। ঐখোয়না রিসর্চ অমসুং দিবেলপমেন্ত অসি থাজবা য়াবা সর্তিফিকেসন মেকানিজমশিংগী খুত্থাংদা ফগৎহন্নবা অমসুং সেক্তর অসিদা ভারতকী ইন্তলেকচুএল প্রোপর্তী শেমগৎপদা মতেং পাংনবা থবক পায়খৎলি। মসিগী মথক্তা, ঐখোয়না iDEX অমসুং ADITIগী স্কিমশিংগী খুত্থাংদা ইন্নোভেসনগীদমক মনাশিংসু হৌদোক্লে,” হায়না মহাক্না মখা তাখি।

শ্রী রাজনাথ সিংহনা ঙাকশেল অমসুং সেক্যুরিতীগী হৌজিক মতমগী সমস্যাশিং অসি থেংননবা পুন্না থবক তৌমিন্নবা পাম্বৈ অমা শীজিন্ননবা হায়খি। মহাক্না অকনবা ৱাফম থমখি মদুদি হীরমশিং অসিদা য়াওরিবা এক্তরশিং অসি স্তেতশিং খক্তা নত্তে, স্তেত নত্তবশিংসু য়াওরি। “হৌজিক্কী জিওপোলিতিকেল দাইনামিক্স অমসুং ক্রোস-বোর্দর ইসুশিংনা দিফেন্সকীদমক্তা কোল্লাবোরেতিব এপ্রোচ অমা মথৌ তাই। সাইবরস্পেস, AI অমসুং ক্বান্তম অমসুং নেনোতেক্নোলোজীগী অচৌবা ওইথোকপা য়াবশিং অসিনা মখা তানা পুন্না থবক তৌমিন্নবা অমসুং লৌশিং, মীৎয়েং, ই-পাউ অমসুং স্ত্রেতেজীশিংগা লোয়ননা করিগুম্বা ওইথোকপা তারবদি শরুক য়ামিন্নবা মথৌ তাই," হায়না মহাক্না মখা তাখি।

ঙাকশেল মন্ত্রীনা থাজবা থমখি মদুদি DDDনা জোইন্তনেস অমসুং ইন্তিগ্রেসনগী হিরমশিং নৈনবদা মতেং পাংগনি। জোইন্তনেস অসি লৈবাক অমমমগী মিলিতরী দোমেন খক্তদা য়ুম্ফম ওইদুনা লৈবা য়ারোই অমসুং লৈরোইদবনি। ঐখোয়গী ইন্তরকন্নেক্তেদ ওইবা অসি শীংনবা অমা ওইবগা লোয়ননা থৌজাল অমসু ওইরি। ঐখোয়গী খুদোংচাদবশিং অসি ত্রান্সনেস্নেল ওইরবদি ঐখোয়গী সোল্যুসনশিংসু মসিগুম্না ওইগদবনি হায়না মহাক্না হায়খি।

ঙাকশেল মন্ত্রীনা হায়খি মদুদি ঙসিদি তেক্নোলোজিকেল সোল্যুসন অমা লৈবাক অমগী মনুংদা মপুং ফানা দিজাইন, দিবেলপ, মেন্যুফেকচর অমসুং কঞ্জুমস তৌবা অসি য়াম্না তাঙনা থেংনৈ। মসি গ্লোবেলাইজেসনগী মহৌশা অমসুং মসিনা শেমগৎলকপা ইন্তর-দিপেন্দেন্সীনি। অচৌবা ইকোনোমি অমসুং এক্সপর্তীগী সোর্স অনিমক্কী সোল্যুসনশিং অসি লোজিক ওইনা কোল্লাবোরেতিব ওইগদবনি। অমসুং ঐখোয়গী ইন্তর-কন্নেক্তিবনেস অসিনা জিওগ্রাফীগী লিমিতেসন লৈতনা অসিগুম্বা কোল্লাবোরেসনশিংবু য়াহল্লি অমসুং লাইথোকহল্লি," হায়না মহাক্না ফোংদোকখি।

শ্রী রাজনাথ সিংহনা থাজবা থমখি মদুদি DDDনা পোলিসী মেকরশিং, মিলিতরী এক্সপর্তশিং অমসুং স্কোলরশিং পুনশিন্দুনা লৈবাক অসিগী ঙাকশেলগী ফিভম ফগৎহন্নবা অনৌবা ৱাখল্লোনশিং অমসুং কোল্লাবোরেতিব স্ত্রেতেজীশিং পুথোক্কনি। মহাক্না হায়খি মদুদি মসি মরুওইবা খোঙথাং অমনি অমসুং মসিনা স্ত্রেতেজিক ভিজনবু মপাঙ্গল কনখৎহন্নবা হোৎনরি। মসিনা অপুনবা থৌওং অমদা মীৎয়েং থম্লি অমসুং নেস্নেল, রিজনেল অমসুং গ্লোবেল সেক্যুরিতীদা মতেং পাংলিবা ইনফোর্ম দিস্কসশিংদা মতেং পাংলি। মহাক্না হায়খি, "ঐখোয়না স্ত্রেতেজিক পার্তনরশিপশিং শেমগৎনবা, লমদমসিগী দিফেন্স প্রদক্সন প্রমোৎ তৌনবা, অমসুং অনৌবা তেক্নোলোজীশিংদা চুনবা পাম্বৈশিং পুথোক্নবা থৌরাং তৌরি।"

ঙাকশেল মন্ত্রীনা হৌজিক মতমগী খুদোংচাদবশিং অসি থেংননবা সরকারনা লৌখৎলিবা থৌনা ফবা খোঙথাংশিং অদু পনখি। ৱারেপশিং অসিদা দিফেন্স এক্যুজিসন প্রোসিজর 2020 হৌদোকপা; উত্তর প্রদেশ অমসুং তামিল নাদুদা দিফেন্স ইন্দস্ত্রিএল কোরিদোরশিং শেম্বা; পোজিতিব ইন্দিজিনাইজেসন লিস্তশিংগী নোতিফিকেসন; FDIগী লিমিৎ হেনগৎহনবা অমসুং ইন্নোভেসন ফোর দিফেন্স এক্সিলেন্স (iDEX) য়াওখি। মহাক্না হায়খি: “দিফেন্স সেক্তরদা আত্মনির্ভরতা মীৎয়েং থমদুনা আত্মনির্ভর ভারত অভিয়ান অসি ঐখোয়গী ভিজনগী য়ুম্ফম ওইরি। লমদমসিগী ওইবা কেপাসিতীশিংদা মরুওইবা পীবা অসিনা মপানগী সপ্লাইয়রশিংদা মখা পোনবা হন্থহন্নবা ঐখোয়গী পান্দমগা চুনৈ। ঐখোয়না মেক ইন ইন্দিয়া ইনিসিএতিবকী পাক চাউরবা ফ্রেমৱার্ক্কী মনুংদা মপানগী ইনভেস্তমেন্ত, কোল্লাবোরেসন, জোইন্ত R&D অমসুং কো-প্রদক্সনবু য়াম্না তরাম্না ওকপগা লোয়ননা মসি আইসোলেসনিস্ত এপ্রোচ অমা ওইনা উরোইদবনি”।

শ্রী রাজনাথ সিংহনা মখা তাখি মদুদি 'মেক ইন ইন্দিয়া' কেম্পেন অসি লাইৎ কোম্বেৎ এয়রক্রাফ্ত 'তেজাস', INS বিক্রান্ত, অমসুং DRDOগী মিসাইল প্রোগ্রামশিংগুম্বা লমদমসিগী ওইবা প্রোজেক্তশিংগী খুত্থাংদা মায় পাক্লি। ঙসিদি, ঐখোয়না ঐখোয়গী হোৎনবগী মহৈশিং অসি দিফেন্স আইতেমশিংগী হেনগৎলক্লিবা এক্সপোর্তশিংদসু উবা ফংলি। হৌজিক্কী ওইনা, ভারতনা লৈবাক 100 হেনবদা দিফেন্স আইতেমশিং এক্সপোর্ত তৌরি। 2023-24দা দিফেন্স এক্সপোর্ত তৌবগী খ্বাইদগী মকোক থোংবা মফম অহুমদি USA, ফ্রান্স অমসুং আর্মেনিয়ানি। ঐখোয়না 2029 ফাওবদা লুপা করোর 50,000গী দিফেন্স এক্সপোর্ত তৌবগী পান্দম ফংলগনি হায়না ঐখোয়না আশা তৌরি।"

DDD অসি ভারত্তা ঙাকশেল অমসুং সেক্যুরিতীগী মখল কয়াগী শীংনবশিং কোকহন্নবা MP-IDSAগী মরুওইবা প্লেৎফোর্ম অমনি। লানগী ফিভম অসি হেন্না লুবা হেনগৎলকপগা লোয়ননা, ভারতকী ঙাকশেলদা মীৎয়েং চংদুনা, মালেমগী ঙাকশেল অমসুং ঙাকশেলগী থৌরাংশিংদা অহোংবা লাক্লিবা অসিগী মতাংদা খন্ন-নৈননবা প্লেৎফোর্ম অসি শেমগৎলি। দাইলোগ অসিনা দিফেন্স এক্সপর্তশিং, পোলিসী মেকরশিং অমসুং মিলিতরী লিদরশিংগী মরক্তা ৱাখল্লোনশিং এক্সচেঞ্জ তৌনবা অমসুং তেংবাং পীনবা পাম্মি। মখা তানা, ভারতনা অরুবা জিওপোলিতিকেল লেন্দস্কেপ অমদা চংশিল্লিবা অসিগা লোয়ননা, DDDনা অকনবা ঙাকশেলগী থৌরাং অমগী তঙাইফদবা অদু য়েংশিন্নবা মরুওইবা ফোরম অমা ওইনা মথৌ তৌরি। মসিনা হৌজিক থেংনরিবা খুদোংচাদবশিং খক্তা থেংনবা নত্তনা তুংগী খুদোংচাদবশিংসু মাংজৌননা খঙদোকপা ঙমগনি।

থৌরম অসিদা DG, MP-IDSA এম্বেসেদর সুজন আর চিনোই, এয়র স্তাফকী ভাইস-চীফ এয়র মার্শেল এস.পি. ধারকর, সিভিল অমসুং মিলিতরী ওফিসিএলশিং অমসুং লৈবাক অসিগী অমদি মীরমগী মশক নাইবা পার্তিসিপেন্তশিংনা শরুক য়াখি।

*****