இந்திய வெளிநாட்டு வர்த்தக நிறுவனத்தின் (ஐஐஎஃப்டி) 57-வது பட்டமளிப்பு விழாவில், மத்திய வர்த்தக - தொழில்துறை அமைச்சர் திரு பியூஷ் கோயல் தனது மெய்நிகர் உரையில்,புதிய வர்த்தக ஒப்பந்தங்களைப் பற்றி அறிந்திருக்க மாணவர்களை ஊக்குவித்தார், புதிய வணிக வாய்ப்புகளை உருவாக்குவதற்கும் புதிய சந்தைகளை அணுகுவதற்கும் இவற்றை வழிகளாகப் பயன்படுத்தினார். வர்த்தகத்தில் 2 டிரில்லியன் டாலரை எட்டும் இலக்கு உட்பட 'வளர்ச்சியடைந்த இந்தியா' என்ற லட்சிய இலக்குக்கு இந்த அறிவாற்றல் பங்களிக்கும் என்று அவர் குறிப்பிட்டார். தொலைத்தொடர்பு, குறைக்கடத்திகள், ஆழ்கடல் ஆய்வு, விண்வெளி தொழில்நுட்பம் போன்ற துறைகளை எடுத்துரைத்த அவர், தொலைநோக்கு சிந்தனையுடன் இந்தத் துறைகளில் அவர்கள் பங்களிக்க வேண்டும் என்று வலியுறுத்தினார்.

கோயல் தமது எழுச்சியூட்டும் செய்தியில், பட்டதாரிகள் சமூகப் பொறுப்புள்ள தொழில் வல்லுநர்களாக தங்கள் பங்கை ஏற்றுக்கொள்ள வேண்டும் என்று கேட்டுக்கொண்டார். நெறிமுறை சார்ந்த வணிக நடைமுறைகளின் முக்கியத்துவத்தை வலியுறுத்திய அவர், தற்போதைய நிறுவனங்கள் பெருநிறுவன சமூக பொறுப்புணர்வு (CSR) கொள்கைகளை எவ்வாறு நிலைநிறுத்தும் என்று எதிர்பார்க்கப்படுகிறது என்பதை சுட்டிக் காட்டினார். சமூகப் பிரச்சினைகளை தங்கள் மேலாண்மை நடைமுறைகளில் ஒருங்கிணைக்கவும், சமூகத்தில் நேர்மறையான தாக்கத்தை ஏற்படுத்த சமூக நலனுடன் பெருநிறுவன இலக்குகளை ஒருங்கிணைக்கவும், அவர் பட்டதாரிகளை ஊக்குவித்தார். குறிப்பாக செயற்கை நுண்ணறிவு (AI) மற்றும் இயந்திர கற்றல் (ML) போன்ற வளர்ந்து வரும் தொழில்நுட்பங்களில் ஈடுபடுவதன் மூலம், புதிய கண்டுபிடிப்புகள் மூலம், வெற்றிக்கான தங்கள் பாதைகளை இளம் பட்டதாரிகள் வகுக்க வேண்டும் என்றும் அவர் அறிவுறுத்தினார்.

ஐஐஎஃப்டி-ஐ சிறப்பு உயர்கல்வி மையமாக மாற்றியதற்காக வேந்தர், துணைவேந்தர், ஆசிரியர்கள் மற்றும் மாணவர்களை அவர் பாராட்டினார். துபாயில் ஐ.ஐ.எஃப்.டியின் முதல் வெளிநாட்டு வளாகம் குறித்தும் அவர் குறிப்பிட்டார், இதனால் சர்வதேச வர்த்தக சமூகத்தில் அதன் சிறகுகளை விரித்துள்ளது.இந்த மைல்கல்லை எட்டிய மாணவர்களின் அர்ப்பணிப்பு மற்றும் பின்னடைவை அவர் வலியுறுத்தினார். மேலும், அவர்களின் எதிர்கால வாழ்க்கையில் சிறந்து விளங்க தேவையான திறன்கள் மற்றும் அறிவுடன் அவர்களைச் சித்தப்படுத்தினார்.

இந்திய வெளிநாட்டு வர்த்தக நிறுவனம் (IIFT) தனது 57-வது பட்டமளிப்பு விழாவை 11 நவம்பர் 2024 அன்று புதுதில்லியில் ஆடம்பரமாக நடத்தியது, இது நிறுவனத்தின் சிறப்பான பாரம்பரியத்தில் ஒரு குறிப்பிடத்தக்க மைல்கல்லைக் குறிக்கிறது. இந்த நிகழ்ச்சிக்கு மத்திய வர்த்தகம் மற்றும் தொழில்துறை அமைச்சர் திரு பியூஷ் கோயல், ஐஐஎஃப்டி வேந்தர் மற்றும் வர்த்தகத் துறை செயலாளர் திரு சுனில் பர்த்வால் ஆகியோர் இந்த நிகழ்ச்சிக்கு தலைமை தாங்கினர். குஜராத் கூட்டுறவு பால் சந்தைப்படுத்தல் கூட்டமைப்பு லிமிடெட் (அமுல்) நிர்வாக இயக்குனர் டாக்டர் ஜெயன் மேத்தா தலைமை விருந்தினராக கலந்து கொண்டு பட்டமளிப்பு உரையை நிகழ்த்தினார்.

 

***

MM/KPG/KR/DL

(Release ID: 2072504) Visitor Counter : 20