آئی آئی ٹی روپر کے محققین نے سرجری کے بعد گھٹنے کی بحالی کے لیے ایک اہم پیش رفت کرتے ہوئے مسلسل غیر فعال حرکت (سی پی ایم) تھراپی کو مزید قابل رسائی اور سستی بنانے کے لیے ایک جدید حل کی نقاب کشائی کی ہے۔آئی آئی ٹی روپڑ کی ٹیم نے گھٹنے کی بحالی کے لیے مکمل طور پر میکینیکل غیر فعال حرکت کرنے والی مشین تیار کی ہے جسے پیٹنٹ (نمبر 553407) سے نوازا گیا ہے۔

روایتی موٹرائزڈسی پی ایم مشینیں جو مہنگی اور مکمل طور پر بجلی پر انحصار رکھتی ہیں،ان کے مقابلے  نئے تیار کردہ آلات مکمل طور پر مکینیکل ہیں۔ اس میں پسٹن اور گھرنی کا نظام استعمال ہوتا ہے، جو ہوا کو ذخیرہ کرتا ہے جب صارف ہینڈل کھینچتا ہے، جس سے گھٹنے کی بحالی میں مدد کے لیے ہموار اور کنٹرول شدہ حرکت ہوتی ہے۔ یہ سادہ لیکن موثر ڈیزائن بجلی، بیٹری یا موٹر کی ضرورت کو ختم کرتا ہے، اسے ہلکا پھلکا اورآسانی سے ادھر ادھر لے جانے کے قابل بناتا ہے۔

مکینیکل سی پی ایم مشینیں مہنگی الیکٹرک مشینوں کا ایک امید افزا متبادل پیش کرتی ہیں جو اکثر مریضوں کی پہنچ سے باہر ہوتی ہیں، خاص طور پر دیہی علاقوں میں جہاں بجلی کی فراہمی ناقابل اعتبار ہے۔ بجلی پر انحصار کو کم کرکے، یہ آف گرڈ مقامات پر بھی مسلسل غیر فعال حرکت تھراپی کو ممکن بناتا ہے۔

مزید برآں، اس کی پورٹیبلٹی مریضوں کو اسے اپنے گھروں میں آرام سے استعمال کرنے کی اجازت دیتی ہے، ہسپتال میں طویل قیام اور بحالی کے دوروں کی ضرورت کو کم کرتی ہے۔

گھٹنے کی سرجری سے صحت یاب ہونے والے مریضوں کے لیے مسلسل غیر فعال حرکت ایک اہم تھراپی ہے، جو جوڑوں کی نقل و حرکت کو بہتر بنانے، سختی کو کم کرنے، اور تیزی سے صحت یابی میں مدد کرتی ہے۔ اس مکینیکل مشین کا تعارف گھٹنوں کی بحالی میں سستی صحت کی دیکھ بھال کے حل کے لیے نئے امکانات کا آغاز کرتے ہوئے، ایک سرمایہ کاری مؤثر اور ماحول دوست متبادل فراہم کرتا ہے۔

اس جدید ٹول کی ترقی سب کے لیے صحت کی دیکھ بھال تک رسائی کو بہتر بنانے کی جانب ایک اہم قدم ہے، خاص طور پر ان علاقوں میں جہاں وسائل محدود ہیں۔ ٹیم کے کام کا ہندوستان اور عالمی سطح پر گھٹنے کی بحالی کے طریقہ کار پر دیرپا اثر ہونے کی امید ہے۔

سرکردہ محقق ڈاکٹر ابھیشیک تیواری نے مسٹر سورج بھان منڈوٹیا اور ڈاکٹر سمیر سی رائے کی ٹیم نے کہا کہ "یہ آلہ ہندوستان میں گھٹنوں کی بحالی میں انقلاب لانے کی صلاحیت رکھتا ہے، جہاں جدید طبی ٹیکنالوجی تک رسائی محدود ہو سکتی ہے، خاص طور پر دیہی علاقوں میں۔" انہوں نے مزید کہا کہ "یہ ایک کم لاگت، پائیدار حل کے طور پر ڈیزائن کیا گیا ہے جو نہ صرف بحالی میں مدد کرتا ہے بلکہ موٹرائزڈ آلات سے منسلک ماحولیاتی اثرات کو کم کرنے میں بھی مدد کرتا ہے۔"

******

ش ح۔م ح ۔ ج ا

 (U: 2340)