ফিল্মশিং, অচা-অথকশিং, কলা অমসুং ৱারি-ৱাতাই শানবগী থৌরমশিংগী খুৎথাংদা মীয়াম পুন্নবা দিজাইন তৌবা কুহ্মৈগী থৌরম অমা, ইফফিস্তা পাংথোক্নবা ইন্তরনেসনেল ফিল্ম ফেস্তিবেল ওফ ইন্দিয়া (ইফফি) ২০২৪ না লাউথোক্লে। গৱাদা পঞ্জিমদা লৈবা পুক্নিং হুনা ফজরবা সমুদ্র মপান্দা লৈবা কলা একাদেমিদা ইফফিস্তা পাংথোক্কনি। চহি মতা খুদিংমক্কী মীওইশিংগী হরাও-কুহ্মৈশিং উৎতুনা ফেস্তিবেল অসিদা চয়ো অমা চুপ্না নবেম্বর ২১ দগী নবেম্বর ২৮,২০২৪ ফাওবা পাংথোক্কনি। অচৌবা নাতকী থৌরম অসি য়েংবা লাকপা মীওইশিংদা ভারতকী মখল কয়াগী নাত, অচা-অথকশিং, ঈশৈ অমসুং সেনিমা মশক খঙনবগী খূদোংচাবা অমা পীগনি।

নাতকী জগোয়গী থৌরমশিং

ভারত শীনবা থুংবগী নাতকী জগোয় ত্রুপ ১১গী জগোয়শিং উৎকনি, জগোয়শিংগী খুৎথাংদা ইনাকখুল্লবা ভারতকী তোঙান-তোঙানবা নাত অমসুং চৎনবীশিং উৎকনি।

ভারত শীনবা থুংবগী মথেল-লুকোইশিং

ফুদ জোন্দা মফম অসিগী অমসুং লৈবাক অসিগী খ্বাইদগী মমিং লৈরবা রেস্তুরান্ত ১৫-২০ শরুক য়াগনি অমসুং ভারত শীনবা থুংবগী তোঙান-তোঙানবা ইন্সাং মথেলশিং মহাও তংনবগী খুদোংচাবা অমা পীগনি। ভারতকী ইন্সাং মথেলশিংগী খুৎথাংদা অপুনবা অমসুং হরাওবা ফোঙদোকপা ফেস্তিবেলগী থিম মমি তাহন্নবা অখন্নবা ইন্সাং মথেলশিং খনগৎলে।

নিফকী ফেসন সো

ফিল্ম অমসুং ফেসনগী মরক্তা লৈনরিবা অচেৎপা মরী ইকায়খুম্নবা উৎপা ওইনা চহি ৬০ মপুংফারবা ভারতকী সেনিমা ইকায়খুম্নবা উৎপা ওইনা নেসনেল ইন্সতিতুৎ ওফ ফেসন তেক্নোলোজি (নিফ) না শীন্দুনা ফেসন অমা পাংথোক্কনি।

সেনিমাগী শক্নাইরবশিং ইকায়খুম্নবা উৎপা

ইসক্বার ফুত ৪০০০গী অচৌবা একজিবসন অমা পাংথোক্তুনা শ্রী রাজ কাপুর, শ্রী মোহমদ রফি, শ্রী অক্কেনেনি নাগরশ্বর রাও অমসুং তপন সিনহা য়াওনা সেনিমাগী শক্নাইরবশিং ইকায়খুম্নবা উৎকনি। ভর্চুএল রিয়েলিতি অমসুং ওগমেন্তেদ রিয়েলিতি তেক্নোলোজিশিং শীজিন্নদুনা থায়নদগী হৌরগা হৌজিক্কী মতম ফাওবগী সেনিমাগী খোঙচৎ একজিবিসন অসিদা উৎকনি।

নেসনেল ফিল্ম আর্কাইব ওফ ইন্দিয়াগী ইন্সতোলেসন

ইন্সতোলেসন অসিদা ফিল্ম অরিবা অমুক হন্না শেমজিনবা অমসুং ক্লাসিক ফিল্মশিং লীদুনা থম্নবগী অরুবা থবকশিংগী কলা অদু মীয়ামদা উৎকনি। ভাবকশিংনা অরিবা থায়নগী ফিল্মশিং ভিন্তেচ প্রোজেক্তরশিংদা কাপ্পা ফিল্ম উৎকনি অমসুং ভারত সেনিমাগী পুৱারি খঙহনগনি।

নেসনেল ম্যুজিয়ম ওফ ইন্দিয়ান সেনিমা য়েংবা

পুৱারি ওইরবা অমসুং অনৌবা মতমগী সেনিমাগী ৱারি লিবা য়ানশিন্নদুনা, নেসনেল ম্যুজিয়ম ওফ ইন্দিয়ান সেনিমাগী ওদিও-ভিজুয়েল তুর অমনা ভাবকশিং ভারত সেনিমাগী ইনাকখুল্লবা পুক্কৈগী খুৎথাংদা খোঙচৎ অমদা পুগনি।

প্রসার ভারতি ও.তি.তি বুথ

প্রসার ভারতি ও.তি.তি বুথনা ফেস্তিবেল শরুক য়ারিবশিংদা খ্বাইদগী নৌবা দিজিতেল ফিল্ম অমসুং তেলিবিজনগা লোয়ননা ও.তি.তি (ওভর-দি-তোপ) গী তাইবং মশক খঙদোক্নবা খুদোংচাবা অমা পীগনি।

“ৱেবস: ক্রিয়েত ইন ইন্দিয়া” ইন্তরেক্তিপ পেভিল্লিয়ন

ৱেবস চেলেঞ্জেস পেভিল্লিয়ন্না উনদুনা ৱারি শানবগী খূদোংচাবা, ভাবকশিংনা ক্রিয়েতিপ চেলেঞ্জশিং শরুক য়ানবগী খুদোংচাবা অমসুং মালেমগী হরাও-কুহ্মৈগী লমদা ভারতকী ইথিল হেনগৎলক্লিবা অসিগী মতাংদা খঙনবগী খুদোংচাবা পীগনি।

ইনফ্লেতেবল থিয়েতরশিংদা ফিল্মশিং উৎপা

সিত ১৪০ লৈবা ইনফ্লেতেবল থিয়েতর অমদা ইন্দিয়ান পেনোরামা অমসুং তোঙান-তোঙানবা ও.তি.তি প্লেতফোর্মশিংগী ফজরবা ফিল্মশিং উৎতুনা ফেস্তিবেল শরুক য়ারিবশিংদা সেনিমা য়েংবগী অনৌবা মহাও অমা পীগনি।

ফেনশিংগা শক্নাইরবশিংগা ৱারি শানবা

জোমাতো দিস্ত্রিক ইন্তরতেনমেন্ত এরেনাদা ফিল্ম ইন্দস্ত্রিগী শক্নাইরবশিংগী অখন্নবা থৌরমশিং পাংথোক্কনি। উনবা-তরাম্না ওকপা, ৱাহং-পাউখুম সেসনশিং, ওতোগ্রাফ ইহনবা অমসুং সোসিএল মেদিয়া ইন্তরেক্সনশিংগী খুৎথাংআদ ফেনশিংনা শক্নাইরবশিংগা উনবগী খুদোংচাবা পীগনি।

ঈশৈ, দি.জেশিং অমসুং ফাগী

নুমিৎ খুদিংগী, জোমাতোগা লোয়ননা ইন্তরতেনমেন্ত জোন্দা ঈশৈগী থৌরমশিং, দি.জে সোশিং, ফাগীগী থৌরমশিং পাংথোক্কনি।

জোমাতোনা শীনবা “ইফফিস্তা” দা মখল কয়াগী ইন্সাং মথেলশিং, হরাও-কুহ্মৈশিং, ফন গেমশিং, শক্নাইরবা শৈশকপশিংগী ঈশৈশিং  অমসুং ফাগীগী থৌরমশিং পাংথোক্কনি। নুমিৎ খুদিংগী, জোন অসিদা ভারত শীনবা থুংবগী জগোয় ত্রুপশিংনা নাতকী জগোয়শিং উৎকনি অমসুং মফম অসিগী অমসুং লৈবাক অসিগী মমিং লৈরবা রেস্তুরান্ত ১৫-২০ হেনবনা মথেল-লুকোই কয়া মীয়ামদা ফংহনগনি।

হৌজিক রেজিস্তার তৌরো অমসুং দেলিকেদ অমা ওইরো

ইফফি মপুংফানা শরুক য়ানবশিংনা তেক্স য়াওনা লুপা ১০০০ পীদুনা নবেম্বর ১০,২০২৪ ফাওবগী মনুংদা আর্লি-বার্দ দেলিকেদকী রেজিস্তার তৌবা য়ারে। নুমিৎ অসিগী মতুংদা রেজিস্তার তৌবশিং, তেক্স য়াওরগা রেজিস্তার তৌবগী ফি লুপা লিশিং ২ ওইগনি। মসিদা রেজিস্তার তৌরবশিংনা চয়োল অমা পাংথোক্কদবা ইফফিস্তাগী থৌরমশিং য়াওনা থৌরম খুদিংমক শরুক য়াবা য়াগনি।

অমতা ওইনা পুনশিনবা ঙম্বা সেনিমাগী শক্তিদা ইকায়খুম্নবা উৎপা অমা

ৱারি লিবগী শক্তি অমসুং সেনিমানা মীওই কয়া অমতা ওইনা পুনশিনবগী লম্বী অসি হরাওবা ফোঙদোক্নবা ইফফিস্তা দিজাইন তৌবনি। মসি সেলফি পোইন্তশিং, ফোতো বুথশিং য়াওনা সেনিমানা মীয়াম অমতা ওইনা পুনশিনবগী শক্তি অদু ইকায়খুম্নবা উৎপা থৌরম অমনি। মসিদা ফিল্মগী তাইবং অমসুং ভারতকী তোঙান-তোঙানবা নাতশিং অনিমক শম্নহনবগী খুদোংচাবা অমা ভাবকশিংদা পীগনি।

****

(Release ID: 2072240) Visitor Counter : 53