محنت اور روزگارکی وزارت اور سائگنس اُجالا گروپ نے آج نئی دہلی میں مفاہمت کی ایک یادداشت (ایم او یو) پر دستخط کیے، جو کہ صحت کی دیکھ بھال کے شعبے میں روزگار کی رسائی کو بڑھانے کی جانب ایک اہم قدم ہے۔ اس مفاہمت نامے پر محنت و روزگار اور نوجوانوں کے امور اور کھیل کے مرکزی وزیر ڈاکٹر منسکھ مانڈویہ  اور وزارت خزانہ کی سکریٹری محترمہ سومیتا داؤرا کی موجودگی میں دستخط کیے گئے۔ یہ ملازمت کے مواقع کو بڑھانے کے لیے نیشنل کیرئیر سروس (این سی ایس ) پورٹل سے فائدہ اٹھانے کے مشترکہ عزم کو اجاگر کرتا ہے۔ یہ پہلا ہیلتھ کیئر گروپ ہے جو براہ راست این سی ایس سے منسلک ہو رہا ہے اور یہ این سی ایس پر صحت کی دیکھ بھال کے روزگار کے مواقع کو فروغ دے گا۔

 

اجتماع سے خطاب کرتے ہوئے، ڈاکٹر منسکھ مانڈویہ  نے کہا، ’’نیشنل کیرئیر سروس (این سی ایس) پورٹل نوجوان ملازمت کے متلاشیوں کے لیے ایک اہم پلیٹ فارم بن رہا ہے، جو تمام شعبوں میں روزگار کی خدمات تک رسائی فراہم کرتا ہے۔ نوجوان اس میدان میں قیمتی کردار تلاش کرتے ہیں اور امید افزا کیریئر بناتے ہیں۔‘‘

مرکزی وزیر ڈاکٹر منسکھ مانڈویہ  نے کہا، ’’یہ تعاون ہندوستان میں روزگار کے ایک مضبوط منظر نامے کی راہ ہموار کر رہے ہیں۔ایمیزون اور ٹی ایم آئی گروپ کے ساتھ پہلے ہی دو مفاہمتی یادداشتوں پر دستخط کیے گئے ہیں، اور 11 مزید پائپ لائن میں ہیں، ہم روزگار کے وسیع مواقع پیدا کرنے کے لیے پرعزم ہیں۔ ان شراکتوں سے نیشنل کیرئیر سروس پورٹل پر تقریباً 25 لاکھ آسامیاں آنے کی توقع ہے، جس سے ملک کے نوجوانوں کے لیے بامعنی روزگار تک رسائی میں نمایاں اضافہ ہوگا۔‘‘

نیشنل کریئر سروس پورٹل کے اپ گریڈیشن کے بارے میں بات کرتے ہوئے، ڈاکٹر مانڈویہ  نے کہا، ’’ہم این سی ایس پورٹل کو اپ گریڈ کرنے کے عمل میں ہیں۔ بہتر پلیٹ فارم ملازمت کے متلاشیوں، آجروں اور اسٹیک ہولڈرز کے لیے مصنوعی ذہانت جیسی جدید ٹیکنالوجیز کا استعمال کرتے ہوئے زیادہ صارف دوست انٹرفیس پیش کرے گا۔‘‘

आज नेशनल करियर सर्विस और सिग्नस मेडिकेयर प्राइवेट लिमिटेड के बीच MoU हस्ताक्षर का साक्षी बना।

मैं देश के युवाओं से आग्रह करता हूँ कि @NCSIndia पोर्टल पर अवश्य जाएं, जहाँ 35 लाख से अधिक कंपनियाँ आपको अवसर देने के लिए तत्पर हैं।https://t.co/zn04INiR5y pic.twitter.com/0DHPONhiwy

— Dr Mansukh Mandaviya (@mansukhmandviya) November 7, 2024

 

این سی ایس پورٹل کی ترقی اور کامیابی پر روشنی ڈالتے ہوئے، ایک واحد ونڈو پلیٹ فارم جو ملازمت کے متلاشیوں اور آجروں کو جوڑتا ہے، ڈاکٹر مانڈویہ نے کہا، ’’31اکتوبر 2024 تک 35 لاکھ رجسٹرڈ آجروں اور 1.10 کروڑ سے زیادہ فعال ملازمت کے متلاشیوں کے ساتھ، این سی ایس پورٹل افرادی قوت کو متحرک کرنے کی حمایت جاری رکھے ہوئے ہے۔ اپنے آغاز کے بعد سے، پلیٹ فارم نے 3.46 کروڑ سے زیادہ آسامیوں کو متحرک کیا ہے، جس میں صرف مالی سال 2023-24 میں 1.09 کروڑ اسامیاں رپورٹ کی گئیں۔ اس مالی سال، این سی ایس پر تعینات اسامیوں کی کل تعداد پہلے ہی 1 کروڑ کو عبور کر چکی ہے۔

 

ایم او یو کے اہم نکات:

ایم او یو ابتدائی طور پر دو سال کی مدت کے لیے مقرر کیا گیا ہے۔ اس معاہدے کے تحت، سائگنس اُجالاگروپ اور اس کے تیسرے فریق کے عملے کی ایجنسیاں جو سائگنس کی خدمات حاصل کرنے میں شامل ہیں، باقاعدگی سے این سی ایس پورٹل پر ملازمت کی اسامیاں پوسٹ کریں گی اور اس کے ذریعے خدمات حاصل کریں گی۔ اس تعاون میں ماڈل کیریئر سینٹرز (ایم سی سی ) میں جاب میلوں کا انعقاد بھی شامل ہے، جہاں ملازمت کے متلاشیوں کو سائگنس کی بھرتی ٹیموں کے ساتھ براہ راست بات چیت کرنے کا موقع ملے گا۔

ایم او یو کا ایک اہم پہلو شمولیت پر اس کی توجہ ہے۔ شراکت داری خواتین کے لیے روزگار کے مواقع کو فروغ دینے، ملازمتوں تک مساوی رسائی کو یقینی بنانے کو ترجیح دیتی ہے۔ اس مشترکہ اقدام کا مقصد متنوع پس منظر سے تعلق رکھنے والے افراد کو بااختیار بنا کر صحت کی دیکھ بھال کے لیے مزید جامع افرادی قوت بنانا ہے۔

این سی ایس پورٹل کا استعمال کرنے والے ملازمت کے متلاشی پورٹل میں خاص طور پر ملک کے ٹائر 2 اور 3 شہروں میں صحت کی دیکھ بھال کے مزید مواقع تک رسائی حاصل کریں گے۔ این سی ایس پورٹل میں صحت کی دیکھ بھال کی ملازمتوں کے لیے پہلے سے ہی ایک وقف شدہ سیکشن موجود ہے۔ ایم او یو این سی ایس ملازمت کے متلاشیوں کے لیے صحت کی دیکھ بھال کی مزید مقامی ملازمتوں میں سہولت فراہم کرے گا۔

 

******

) ش ح –ا م  - س ع س )

U.No. 2223

(Release ID: 2071576) Visitor Counter : 11