AIM-ICDK ৱাতর ইন্নোভেসন  চেলেঞ্জ 4.0গী মরিশুবা ইদিসন অসি কোপেনহেগেন, দেনমার্ক্কী 2024 নেক্স জেনরেসন দিজিতেল এক্সন (NGDA)দা মায়পাক্না লোইশিনখি, মসিনা হেনগৎলক্লিবা ইন্দো-দেনিশ গ্রীন স্ত্রেতেজিক পার্তনরশিপতা মশক থোকপা মায়পাকপা অমা ওইখি।

চহি অসিগী চেলেঞ্জ অসিনা মালেমগী ঈশিংগা মরী লৈনবা ইন্নোভেতিব অমসুং সস্তেনেবল সোল্যুসনশিং ফগৎহন্নবগীদমক মরুওইবা প্লেতফোর্ম অমা ওইনা মসিগী মফম অসি মপাঙ্গল কনখৎহনখি। চেলেঞ্জ অসিনা অতল ইন্নোভেসন মিসন (AIM), নিতি আয়োগ, ইন্নোভেসন সেন্তর দেনমার্ক (ICDK), অমসুং DTU স্কাইলেব য়াওনা মরুওইবা কোল্লাবোরেতরশিংবু DTU নেক্স জেনরেসন এক্সন প্রোগ্রামগী মখাদা পুনশিনখি। মসিগী মথক্তা ইন্তর্নেস্নেল সেন্তর ফোর ক্লিন ৱাতর (ICCW), জল শক্তি মন্ত্রালয়, দেনমার্ক এম্বেসী, দেনমার্ক্কী এনভাইর্নমেন্ত প্রোতেক্সন এজেন্সী, অমসুং দানিদা ফেল্লোশিপকী মমল য়াম্লবা তেংবাং ফংখি।

ভারত অমসুং দেনমার্ক্কী মরক্তা লৈরিবা পার্তনরশিপ অসিনা ইম্পেক্ত ইন্নোভেসন পুখৎপদা মরুওইবা থৌদাং লৌরি। AIM-ICDK ৱাতর ইন্নোভেসন চেলেঞ্জ অসি লৈবাক অনিমক্কী নহা ওইরিবা ইন্নোভেতরশিংদা অথুবগী ওইনা অকোয়বগী ফিভমগী শিংনবশিং থেংননবা শক্তি পীনবদা অখন্ননা কান্নবা ফংহল্লি।

অতল ইন্নোভেসন  মিসনগী মিসন দাইরেক্তর দা. চিন্তন ভৈষ্ণবনা থৌশীল অসিগী মরু ওইবা অদু থম্লদুনা হায়, “AIM-ICDK ৱাতর চেলেঞ্জ অসি হৌজিক মরিশুবা চহি পাংথোক্লি। মসিনা মালেমগী ঈশিংগী শিংনবশিংগীদমক্তা তুংকোইনা চৎনবা য়াবা, অনৌবা পাম্বৈশিং পুথোক্নবা ভারত অমসুং দেনমার্ক্কী অচেৎপা ফিরেপ অদু উৎলি। ঐখোয়গী নহা ওইরিবা ইন্নোভেতরশিংনা কোপেনহেগেনদা পাংথোকপা নেক্স জেন দিজিতেল এক্সন 2024দা ফংলকপা মশক থোকপা মায়পাকপশিং অসিনা অকোয়বগী ফিভমগা মরী লৈনবা মরুওইবা ৱাফমশিং কোকহন্নবগীদমক মালেমগী থাক্তা পুন্না থবক তৌমিন্নবগী পাঙ্গল অদু উৎলি।"

চেলেঞ্জ অসিনা তেক্নোলোজিকেল ইন্নোভেসন খক্তমক পুক্নিং থৌগৎপতা নত্তনা মতম শাংনা ইথিল পীবা ঙম্বা প্রেক্তিকেল সোল্যুসনশিংসু পুক্নিং থৌগৎলি। ভারত অমসুং দেনমার্ক অনিমক্কী তীমশিংনা ঈশিংগী মেনেজমেন্ত, কঞ্জার্বেসন অমসুং এক্সেসিবিলিতী ফগৎহন্নবগীদমক অনৌবা পাম্বৈশিং উৎখি। চহি অসিগী থৌরম অসিনা তেক্নোলোজী, ওন্তপ্রিনোরশিপ অমসুং সস্তেনেবল দিবেলপমেন্তকী লমদা লৈবাক অনিগী মরক্তা হেনগৎলক্লিবা সিনর্জী অদু উৎখি।

বেঙ্গলোরদা লৈবা দেনমার্কগী কন্স্যুলেত জেনরেলদা ত্রেদ অমসুং ইন্নোভেসনগী হেদ ওইরিবা কন্স্যুমল জেনরেল ইস্কে বো রোসেনবর্গনা তেংবাং পীনবগী মতাংদা মহাক্কী অপেনবা ফোংদোকখি। মহাক্না হায়খি, "নেক্স জেনরেসন দিজিতেল এক্সন অমসুং দিজিতেল তেক সম্মিৎতা ভারতনা শরুক য়াবা অসিনা মালেমগী ওইবা শিংনবশিং মায়োক্নবদা ভারত- দেনমার্ক মরীগী মপাঙ্গল অদু উৎলি। নহা ওইরিবা ‌ওন্তপ্রিনোরশিংনা মালেমগী ওইবা মতেং পীনবগী ৱাখল্লোনবু মশক তাকপা সোল্যুসনশিং পুথোকপা, সস্তেনেবল দিবেলপমেন্ত অমসুং ইন্নোভেসনগীদমক ঐখোয়গী মান্নবা পান্দমশিংদা খুমাং চাউশিনহনবা অসি উবদা নুংঙাইবা ফাওই।"

ভারতকী মীহুৎ কাংবু অদুদা মালেমগী নেক্স জেনরেসন দিজিতেল এক্সন প্রোগ্রামদা শরুক য়াখিবা স্তার্ত-অপ তীম মঙা য়াওরি। লৈবাক 10গী মকোক থোংবা য়ুনিভর্সিতীশিং অমসুং ইন্নোভেসন হবশিংগী নহা ওইরিবা তেলেন্তশিংগা লোয়ননা মখোয়না ৱারী শানখি। মখোয়শিং অসিগী মনুংদা, য়ুনিভর্সিতীগী তীম অহুমনা – Clim8 (VIT ভেল্লোর), চেকমেৎ (VIT ভেল্লোর), অমসুং ক্বালগ্রিপ (IIT মাদ্রাস) - অঙনবা থাক্কী স্তার্তঅপশিং নভমার্গ অমসুং স্ক্রাপিফাইগা লোয়ননা, মালেমগী মরুওইবা ঈশিংগী শিংনবশিং কোকহন্নবগীদমক পাম্নবা সোল্যুসনশিং পুথোকখ্রে।

মরুওইনা, VIT ভেল্লোরদগী নহা ওইরিবা ইন্নোভেতর অহুমগী কাংলুপ অমা ওইরিবা Clim8না ‘ইনফ্রাস্ত্রকচরগী মমল লেপ্পদা মেছিন লর্নিং অমসুং AI’দা খা অফ্রিকানা পীরিবা শিংনবা অসিগীদমক এসেলরেসন এৱার্দ ফংখি। মখোয়বু নেস্নেল কেতেগোরিদা বেস্ত স্তার্তঅপ এৱার্দসু পীখি।

ভারতকী মীহুৎ কাংবুবু দেনমার্ক কিংদমদা লৈবা ভারতকী এম্বেসেদর ঐচ.ই. মানিশ প্রভাৎতা পাংথোকখিবা থৌরমদা মহাক্না নহা ওইরিবা ইন্নোভেতরশিং অসিগী কন্ত্রিব্যুসনশিংবু থাগৎপা ফোংদোকখি। মহাক্না হায়খি, "মসিগী মতেং পাংনবা অসিনা ভারত অমসুং দেনমার্ক্কী মরক্তা অকোয়বগী ফিভম অমসুং তেক্নোলোজীগী শিংনবশিং থেংনবদা মতেং পাংনবা হেনগৎলক্লিবা অদু উৎলি। AIM-ICDK ৱাতর ইন্নোভেসন চেলেঞ্জগী মায়পাকপশিং অসিনা তুং কোইনা চৎনবা য়াবা সোল্যুসনশিং পুথোক্নবা অমসুং তুংগী পুন্সি শেমগদবা ইন্নোভেতরশিংগী মথংগী মীরোনবু মতেং পাংনবা ঐখোয়গী অপুনবা থৌদাং অদু উৎলি।" দেলিগেসন অসিনা DTU স্কাইলেবনা শীনবা দিপ্লোমেতশিং, ইন্দস্ত্রীগী লুচিংবশিং অমসুং মালেমগী অনৌবা থৌওং পুথোকপা তেক বাজারদসু শরুক য়াখি।

চয়োল অসিগী মনুংদা, শরুক য়ারিবা তীমশিংনা ইন্তেনসিব বুৎ কেম্পশিং অমসুং পিৎচ সিজনশিংদা শরুক য়াদুনা 2024গী ওক্তোবর 30-31দা কোপেনহেগন, দেনমার্কতা পাংথোক্কদৌরিবা দিজিতেল তেক সম্মিৎতা লোইশিনখি।

চহি অসিগী AIM-ICDK ৱাতর ইন্নোভেসন  চেলেঞ্জ মায় পাক্না পাংথোকখিবা অসিনা ইন্দো-দেনমার্ক্কী পার্তনরশিপ মপাঙ্গল কনখৎহল্লি অমসুং মালেমগী ওইবা সস্তেনেবিলিতীগীদমক কান্নরবা অমসুং অচৌবা সোল্যুসনশিং পুথোক্নবা তুংগী ওইবা কোল্লাবোরেসনশিংগীদমক লমজিং লমতাক পীরি।

***

(Release ID: 2071118) Visitor Counter : 41