وزیر خارجہ ڈاکٹر ایس جے شنکر نے آج کرتویہ پتھ پر امرت پرمپرا سیریز ’کاویری  کا گنگا سے سنگم‘ کے تحت پہلے پروگرام کا افتتاح کیا۔ ’کاویری میٹس گنگا‘ جنوبی ہند سے شمالی ہند تک بہترین رقص اور موسیقی کی روایات لا رہی ہے اور ایک بھارت شریسٹھ بھارت کے جذبے میں شمالی ہند کی فنی روایات کو بھی پیش کر رہی ہے۔

ایک خصوصی تہوار کا سلسلہ بعنوان امرت پرمپرا، فن اور ثقافت کے ذریعے ہندوستان کو متحد کرنے کا ایک عظیم جشن، وزارت ثقافت کی ایک پہل ہے۔ امرت پرمپرا کا مقصد ہندوستان کے روایتی فنون اور اس کی مختلف شکلوں کو منانا ہے جس میں پرفارمنگ آرٹس، ویژول آرٹس اور لٹریچر میں روبہ  زوال اور ختم ہوتے مختلف فنون اور روایات پر خصوصی توجہ مرکوز کی گئی ہے اور جدید پیکیجنگ اور ٹیکنالوجی پر مبنی انٹرایکٹو اور عمیق تجربات کے ساتھ روایتی آرٹ کی شکلوں میں منعقد ہونے والے جدید پروگراموں کو تیار کرنا ہے۔مرکزی مہم کے تحت پروگراموں کی ایک سیریز امرت پرمپرا مستقبل قریب میں دہلی کی مختلف یادگاروں اور مقامات پرپیش کرنے کامنصوبہ ہے۔

وزارت ثقافت کے خود مختار اداروں  سنگیت ناٹک اکادمی، کلاشیتر اور سی سی آر ٹی، مشترکہ طور پر’کاویری کا گنگا سے سنگم‘ پروگرام کا انعقاد کررہے ہیں۔

2 نومبر 2024 کو کرتویہ پتھ اور سی سی آر ٹی دوارکا سمیت مشہور مقامات پر شروع ہونے والا یہ میلہ پرفارمنس کی ایک دلکش سیریز میں ہندوستان کے لوک اور روایتی فن کی نمائش کرے گا۔ ’کاویری میٹس گنگا‘ پروگرام تمل کلینڈر کے مارگازی مہینے کے دوران چنئی ، تمل ناڈو میں ہونے والے مشہور مارگازی جشن کے اعزاز کا مظہر ہے۔

کرتویہ پتھ اور سی سی آر ٹی کیمپس میں 2 سے 5 نومبر تک طے شدہ، ’کاویری میٹس گنگا‘ پروگرام روایتی پرفارمنس کی ایک ممتاز لائن اپ کو پیش کرے گا۔ سامعین نگر سنسکرتی اور گووردھن پوجا سے لے کر آندھرا پردیش سے برج سے کچی پوڑی تک، مشہور فنکاروں کے بھرت ناٹیم، اور کیرالہ سے پنچوادیم اور تھییم جیسی لوک روایات کا مشاہدہ  کریں گے۔

بانسری پر راکیش چورسیا اور استاد امجد علی خان کی سرود پر معروف موسیقاروں کی قابل ذکر پرپیش کش،رینجنی گایتری کی کرناٹک نغمہ سرائی ،رام ویدیا ناتھن اور میناکشی سری نواسن کی بھرت ناٹیم، کلاشیتر چنئی کی سمفنی اسے ہندوستان کی ثقافتی تقریب کا ایک حقیقی یادگارمیں تبدیل کر دےگی۔

2024 ہندوستان کے مردآہن سردار پٹیل کی 150 ویں یوم پیدائش کی دو سالہ یادگاری تقریب کا آغاز بھی ہوگا ۔ یہ جشن ان کی نمایاں کامیابیوں اوراتحاد کے جذبے کا ثبوت بنے گا جس کا وہ مظہر تھے۔ ہندوستان جیسا متنوع ملک اس کی ثقافت کی تکثیریت اور تنوع کی علامت ہے۔ ہر خطہ کا اپنا منفرد ثقافتی ذائقہ ہوتا ہے، لیکن سردار پٹیل کے بھارت کے نظریہ کے طرح ہی وہ ہندوستانی ثقافت کے تانے بانے کا حصہ بننے کے لئے متحد بھی ہیں۔

امرت پرمپرا سیریز کو چار اہم ستونوں کے ذریعے ہندوستان کی ثقافتی میراث کے تسلسل کو فروغ دینے کے لیے ڈیزائن کیا گیا ہے: ہندوستانی ثقافت کی بنیاد ، ثقافتی تعلیم اور تفریح ​​کا امتزاج،متنوع خیالات کی ترکیب، اور ایک کثیر حسی تجربہ۔

ہرپیش کش اس عہد کو آرٹ کی شکلوں اور ثقافتی تاثرات کو اجاگرکرےگی جو ہندوستان کے لازوال جذبے کو ابھارتے ہیں۔ اپنے عمیق، ٹکنالوجی پر مبنی نقطہ نظر کے ساتھ، امرت پرمپرا سامعین کو جدید اور حسی تجربہ فراہم کرے گا، جو روایتی فن کاری کو جدید دورسے ہم آہنگ کرتا ہے۔

امرت پرمپرا تہوار ایک ناقابل فراموش تجربہ  ہوگا، جس میں آرٹ، تاریخ اور اختراعات شامل ہیں۔

**************

ش ح ۔  ع و  ۔م ش

U. No.2050

(Release ID: 2070519) Visitor Counter : 17