ثقافت کی وزارت نے اپنی خصوصی تہوار سیریز، امرت پرمپرا کو جاری رکھا ہے، جو کہ آرٹ اور ثقافت کی مشترکہ میراث کے ذریعے ہندوستان کو متحد کرنے کی ایک عظیم پہل ہے۔ 2 نومبر کو کامیاب افتتاح کے بعد، امرت پرمپرا سیریز کے پہلے پروگرام 'گنگا سے کاویری کا ملن' پروگرام - نے اپنے دوسرے دن کرتویہ پتھ اور سی سی آر ٹی دوارکا میں سامعین کو ایک بار پھر مسحور کیا، جس میں فن کاروں نے اپنے فن کا مظاہرہ کیا، جس نے ہندوستان کے روایتی اور لوک فنون کو ایک بھارت شریشٹھ بھارت ک روح کے ساتھ اجاگر کیا۔

وزارت کے خود مختار اداروں - سنگیت ناٹک اکادمی، کلاکشیتر اور سی سی آر ٹی کی طرف سے مشترکہ طور پر منعقد کی جانے والی یہ فیسٹیول سیریز - جنوبی ہندوستان کے بہترین موسیقی اور رقص کو شمالی ہندوستان میں پیش کرتی ہے، جبکہ شمال کی فنکارانہ روایات کا جشن بھی منایا جاتا ہے۔ ’کاویری میٹس گنگا‘ پروگرام، جو 2 سے 5 نومبر 2024 تک جاری ہے، چنئی کے قابل احترام مرگازی فیسٹیول سے متاثر ہے، جو اس کے روایتی اور لوک فنون کو خراج تحسین پیش کرتے ہوئے ہندوستانی ثقافت کے تنوع کی عکاسی کرتا ہے۔

ثقافت کی وزارت کو یہ اعزاز حاصل ہے کہ وہ اس سیریز کو روایتی آرٹ کی شکلوں کو زندہ کرنے پر توجہ مرکوز کرتے ہوئے پیش کرتی ہے، خاص طور پر وہ جو ختم ہو رہی ہیں۔ عمیق ٹیکنالوجی اور جدید پیشکش کے اختراعی استعمال کے ذریعے، امرت پرمپرا کا مقصد ہندوستان کے فنکارانہ ورثے اور تنوع میں سردار پٹیل کے اتحاد کے وژن کا احترام کرتے ہوئے ناقابل فراموش تجربات پیدا کرنا ہے۔ سردار پٹیل کے 150 ویں یوم پیدائش کی دو سالہ یادگاری تقریبات قومی فخر کی ایک تہہ کا اضافہ کرتی ہے، جو ان کی میراث کو تہوار کے اتحاد کے پیغام سے جوڑتی ہے۔

دوسرے دن کے پروگراموں نے اس جشن کو جاری رکھا جس میں فنکار بڑی تعداد میں موجود تھے جنہوں نے ہندوستان کے ثقافتی ورثے میں موجود تنوع اور اتحاد کو ظاہر کیا۔

کرتویہ پتھ میں، شام کا آغاز جگدیش پرکاش اور دلی سے ان کے گروپ کی ایک دلکش شہنائی کے فن کے ساتھ ہوا، جس سے فضا میں خوش گوار موسیقی پھیل گئی اور جس نے دن کی تقریبات کا آغاز کیا۔ اس کے بعد، سرسوتی وینا پر ایس رادھا کرشنن اور سرود پر مکیش شرما نے جنوبی اور شمالی ہندوستان کی روایات کو یکجا کرتے ہوئے ایک مسحور کن ساز جوڑی کا مظاہرہ کیا۔ اس کے بعد تمل ناڈو کی معروف جوڑی رنجانی اور گایتری نے ایک شاندار کارناٹک ووکل پرفارمنس سامعین کو پیش کیا، جن کی ہم آہنگی نے پنڈال میں ایک مسحور کن چمک پیدا کر دی۔ شام کا اختتام وسنت کرن اور کرناٹک کے فنکاروں کی ایک پُرجوش کچی پوڈی پرفارمنس کے ساتھ ہوا، جس میں کلاسیکی رقص کے ذریعے داستان گوئی پیش کی گئی۔

اس کے ساتھ ہی، سی سی آرٹی  دوارکا میں، سامعین چنئی سے کلاکشیترا فاؤنڈیشن کی سمفنی سے متاثر ہوئے، جس نے ثقافتی ورثے سے مالا مال کرناٹک موسیقی اور جنوبی ہندوستانی تال کے نمونوں کی گہرائی کو اجاگر کیا۔ سمفنی کے بعد سی سی آر ٹی کی طرف سے کلاسیکل ڈانس پیش کیا گیا جو دلی کے شری راہول ورشنی اور ٹیم سوچ نے پیش کیا، جنہوں نے ہندوستان کی ثقافتی اہمیت کو منانے کے لیے رقص کی اقسام کو یکجا کر دیا۔ سی سی آر ٹی میں شام کا اختتام سوریاگایتری کے ایک روح پرور بھجن کے ساتھ پروگرام کےعکاس نوٹ پر ہوا، جنہوں نے اپنی پر سکون اور دلی آواز کے ساتھ بھکت موسیقی کو زندہ کردیا۔

امرت پرمپرا ایک شاندار تہوار کا تجربہ ہے، جو دہلی بھر کے سامعین کو ایک جدید، دلکش ماحول میں ہندوستان کے کلاسیکی اور لوک فنون کے ساتھ مشغول ہونے کا ایک منفرد موقع فراہم کرتا ہے۔ مختلف فنون کے مظاہرے کے ساتھ ،جو فخر اور پرانی یادوں کو جنم دینے کے لیے ڈیزائن کیا گیا ہے، یہ تہوار ہندوستانی ورثے کے تنوع کے لیے اتحاد اور تعریف کے احساس کو فروغ دیتا ہے۔ اگلے دو دن ہندوستان کے ثقافتی منظر نامے کے ذریعے یکساں یادگار سفر کا وعدہ کرتے ہیں۔ مزید اپ ڈیٹس کے لیے دیکھتے رہیں۔

************

ش ح ۔ م  د   ۔  م  ص

 (U:2046  )

(Release ID: 2070478) Visitor Counter : 34