கலாச்சார அமைச்சகம், அதன் அமைப்புகளுடன் இணைந்து சிறப்பு பிரச்சாரம் 4.0 இல் பங்கேற்றது, அதே நேரத்தில் முக்கியமாக தூய்மையை நிறுவனமயமாக்குதல் மற்றும் அரசு அலுவலகங்களில் நிலுவையைக் குறைப்பதில் கவனம் செலுத்தியது.

2024 அக்டோபர் 2 முதல் 31 வரையிலான அமலாக்க கட்டத்தின் போது, நியமிக்கப்பட்ட அனைத்து 529 தளங்களிலும் தூய்மை இயக்கங்களை மேற்கொள்வதில் அமைச்சகம் 100% இலக்குகளை எட்டியது. 12,668  கோப்புகள் மற்றும் 3261 மின் கோப்புகள் என 100% கோப்புகள் ஆய்வு செய்யப்பட்டன. 1167  கோப்புகள் & 470 மின் கோப்புகள் முறையே களையெடுக்கப்பட்டு முடித்துவைக்கப்பட்டன. கழிவுகளை அகற்றியதன் மூலம் ரூ.31,73,667/- வருவாய் ஈட்டப்பட்டுள்ளது. மொத்தம் 46876 சதுர அடி பரப்பளவு விடுவிக்கப்பட்டது. கூடுதலாக, 100% பொதுமக்கள் குறைகள்; 60% பொதுமக்கள் குறை தீர்ப்பு, 73% எம்.பி., குறிப்புகள் 55% பிரதமர் அலுவலக குறிப்புகளுக்கு தீர்வு காணப்பட்டது. 

பதிவுகளை டிஜிட்டல் மயமாக்குதல்

கலாச்சார அமைச்சகத்தின் இணைக்கப்பட்ட அலுவலகமான இந்திய தேசிய ஆவணக் காப்பகம் (என்ஏஐ) சுமார் 34 கோடி பக்கங்களைக் கொண்டுள்ளது. என்.ஏ.ஐ அதனை டிஜிட்டலாக மாற்றவும், ஆன்லைனில் சமூகத்திற்கு அணுகவும் ஒரு திட்டத்தைக் கொண்டுள்ளது.  என்.ஏ.ஐ அவுட்சோர்சிங் மூலம் டிஜிட்டல் மயமாக்கல் திட்டத்தைத் தொடங்கியுள்ளது. இப்பணி இரண்டு ஆண்டுகளில் முடிவடையும் என்று எதிர்பார்க்கப்படுகிறது.  அக்டோபர் 2024 மாதத்தில் 56,07,806 பக்கங்கள் டிஜிட்டல் மயமாக்கப்பட்டுள்ளன, முழுமையான டி.எம்.எஸ் அமலாக்கம், பார்-கோடிங் மற்றும் ஒவ்வொரு பதிவேடும் 24 எண்ணிக்கையிலான குறியீட்டு புலங்களைக் கொண்டுள்ளன.

பதிவேடுகளைப் பாதுகாத்தல்

பதிவுகளின் மறுசீரமைப்பு பாதுகாப்பின் ஒரு பகுதியாக, இந்திய தேசிய ஆவணக் காப்பகம் (என்ஏஐ) 2380 எண்ணிக்கையிலான தாள்களை சரிசெய்தது; தைக்கப்பட்ட மற்றும் பிணைக்கப்பட்ட 14 தொகுதிகள் மற்றும் 160 கோப்புகள் / மைக்குகள் உருப்படிகள்; மேலும் 44 வரைபடங்களை பழுதுபார்த்தது.

பதிவேடுகளின் மதிப்பீடு

உள்துறை அமைச்சகம், ரயில்வே அமைச்சகம், நிலக்கரி அமைச்சகம் மற்றும் மத்திய ரிசர்வ் போலீஸ் போலீஸ் தலைமை இயக்குநரகம், புதுதில்லி ஆகியவை முறையே 680, 1366, 81 மற்றும் 102 கோப்புகளை மதிப்பீடு செய்ய என்ஏஐ அனுப்பியுள்ளன. பொது ஆவணச் சட்டம் மற்றும் விதிகளின்படி மேற்கண்ட கோப்புகளை கூட்டு மதிப்பீடு செய்ய என்ஏஐ நடவடிக்கை மேற்கொண்டுள்ளது.

பதிவேடு மேலாண்மை பயிற்சி

சிறப்பு முகாம் 4.0 இன் போது இந்திய தேசிய ஆவணக் காப்பகத்தால் பதிவேடுகள் மேலாண்மையில் பயிற்சிகள் நடத்தப்பட்டன.

தூய்மையை ஊக்குவித்து நிறுவனமயமாக்கவும், அனைத்து அமைப்புகளிலும் நிலுவையில் உள்ளவற்றைக்  குறைக்கவும் சிறப்பு முகாம்களின் போது மேற்கொள்ளப்பட்ட நல்ல பணிகளைத் தொடர கலாச்சார அமைச்சகம் உறுதிபூண்டுள்ளது

*****

PKV/KV

 

 

 

 

(Release ID: 2070346) Visitor Counter : 14