পোর্ত, সিপ্পিং, অমসুং ৱাতরৱেজ মন্ত্রায়লগী (MoPSW) কেন্দ্র মন্ত্রী শ্রী সর্বনন্দ সোনোৱালনা ‘রাস্ত্রিয় এক্তা দিবস’ (নেস্নেল য়ুনিতী দে) থৌরম পাঙথোক্তুনা কেন্দ্র মন্ত্রীনা ভর্চুএল ওইনা শরুক য়ারকখিবা মীওই লিশিং কয়াগা লোয়ননা য়ুনিতী, ইন্তেগ্রিতী অমসুং সিক্যুরিতী ঙাক্নবা ৱাশক পাথোকপগা লোয়ননা মন্ত্রালয়গী ওর্গনাইজেসন পুম্নমক্না ভর্চুএল ওইনা শরুক য়াদুনা ৱাশকখি‍।

থৌরমদুদা ৱা ঙাংলদুনা, শ্রী সোনোৱালনা হায়খি, “সর্দার বল্লব ভাই পতেলগী অকন্বা ভারত অমগী মঙলান অদু নরেন্দ্র মোদীনা লুচিংবা লৈঙাক অসিনা দেকেদ অমা হেন্না পুকচেল শেংনা অমসুং অনৌবা ইহুলগা লোয়ননা লৈবাক শেমগৎনবা হোৎনরকপগা লোয়ননা মঙফাওনরক্লে‍। প্রধান মন্ত্রী মোদীনা লৈবাক নুংশিবগী ইহুল লৈহন্নবা চোকথবা নাইদনা হোৎনদুনা লাকখি অমসুং লৈবাক্কী অমত্তা ওইবা শক্তম চেৎশিলহন্নবা শীজিন্নখ‍ি‍। ‘সবকা সাথ, সবকা বিকাস’কী ৱাখল্লোন অসি সর্দার পতেলনা নিংথৌ পান্বা লৈবাক কয়া পুশিন্দুনা মপাঙ্গল কন্বা লৈবাক অমা শেম্নবগীদমক হোৎনরম্বদুগা মান্নৈ‍। সর্দার পতেলগী মথৌনা লৈনা অমসুং ওইজবা থিদনা হোৎনদুনা থোল্লম্বা অকন্বা য়ুম্ফম অসিদা, লৈবাক অসিনা ‘এক ভারত শ্রেস্থ ভারত’কী পান্দম ফংনবা মাঙদা চঙশিল্লি‍। সর্দার পতেলনা য়াৎলম্বা লম্বী অসিদনি প্রধান মন্ত্রী নরেন্দ্র মোদী জীনা লৈবাক অসিবু মপুং ফাবা চাওখৎপা পুরক্নবা লুচিংদুনা চঙশিল্লিবসি‍। ঐহাক্না অথোইবা মীশক অমা ওইরিবা সর্দার পতেলগী মফমদা মপাঙ্গল কন্বা লৈবাক অমা শেম্নবগীদমক মহাক্না লৌরম্বা মমল নাইদ্রবা থৌদাংগীদমক শ্রদ্ধাঞ্জলি কৎচরি‍‍।”

থৌরম অদু সর্দার বল্লবভাই পতেলগী ফোতোদা লৈ কত্তুনা কেন্দ্র মন্ত্রী শ্রী সোনোৱালনা ‘পদ পুজা’ তৌদুনা হৌদোকখি‍।

থৌরম অদুদা MoPSWগী কেন্দ্রগী রাজ্য মন্ত্রী, শান্তনু থাকুর; হান্নগী কেন্দ্রগী রাজ্য মন্ত্রী অমসুং MP (রাজ্য সভা), রামেস্বর তেলি; অসাম লৈঙাক্কী মন্ত্রী, জোগেন মোহন; AIDC চায়রমেন অমসুং দিব্রুগর MLA, প্রসান্ত হুকন; চাবুৱা MLA, পুনাকন বরুৱা; MoPWA সেক্রেতরী, তি.কে. রামাচন্দ্রন; দিব্রুগর য়ুনিভর্সিতীগী ভাইস চাঞ্ছেলর, প্রোফ জিতেন হজারিকা; সয়াম মেদিকেল কলেজকী প্রিন্সিপাল, প্রোফ সঞ্জীব ককাতি; দিব্রুগর ম্যুনিসিপাল কোর্পোরেসন (DMC) মেয়র, দোক্তর সাইকত পাত্র; অমসুং অতৈ মীথুংশিংনা শরুক য়াখি‍।

*****