بندرگاہوں، جہاز رانی اور آبی گزرگاہوں کی وزیر جناب سربانند سونووال نے’راشٹریہ ایکتا دوس‘ (قومی یوم اتحاد ) منایا جبکہ  تمام تنظیموں نے ورچوئل طور پر پروگرام میں شرکت کرکے اتحاد، سالمیت اور سلامتی کو برقرار رکھنے کا عہد لیا۔مرکزی وزیر نےپروگرام میں ورچوئل طور پر شامل  ہزاروں ساتھیوں کو اس کا عہد دلایا۔

اس موقع پر خطاب کرتے ہوئے، جناب سونووال نے کہا،’’ایک مضبوط بھارت کے لیے سردار ولبھ بھائی پٹیل کے خیال کو ایک دہائی سے زیادہ عرصے سے نریندر مودی کی قیادت والی حکومت کی جانب سے ملک کی تعمیر کی مخلصانہ اورنئی کوششوں نے امر کر دیا  ہے۔ پی ایم مودی نے قومی شعور کو متاثر کرنے اور اسے ملک کو متحد کرنے کے لیے استعمال کرنے کے لیے انتھک محنت کی ہے۔ ’سب کا ساتھ، سب کا وکاس‘ کا فلسفہ سردار پٹیل کی تمام شاہی ریاستوں کو ایک مضبوط قوم کے لیے طاقت میں شامل کرنے کی کوشش کے مترادف ہے۔ سردار پٹیل کی بے لوث اور بہادرانہ کوششوں سے رکھی گئی اس مضبوط بنیاد پر ملک ’ایک بھارت، شریشٹھ بھارت‘ کے تصور کو عملی جامہ پہنانے کی طرف بڑھ رہا ہے۔ سردار پٹیل کی طرف سے بتائی گئی راہ وہی ہے جسے پی ایم نریندر مودی جی نے ملک کی ایک جامع ترقی کی طرف لے جانے کے لیے اپنایا ہے۔ میں سردار پٹیل کی اس عظیم شخصیت کو ایک مضبوط ملک کی تعمیر میں ان کے انمول شراکت کے لیے خراج عقیدت پیش کرتا ہوں۔‘‘

تقریب کا آغاز  مرکزی وزیر جناب سونووال کے ذریعہ تقریب میں سردار ولبھ بھائی پٹیل کی تصویر کو پھول چڑھا کر ’پد پوجا‘کے ساتھ ہوا۔

اس تقریب میں ایم او پی ایس ڈبلیو کے مرکزی وزیر مملکت شانتنو ٹھاکر نے شرکت کی۔ سابق مرکزی وزیر مملکت اور ایم پی (راجیہ سبھا)، رامیشور تیلی؛ آسام حکومت میں وزیر، جوگین موہن؛ اے آئی ڈی سی کے چیئرمین اور ایم ایل اے، ڈبروگڑھ، پرسنتا فوکن،چبووا کے ممبر اسمبلی پوناکن برواہ، ایم او پی ڈبلیو اے کے سکریٹری، ٹی کے رام چندرن، ڈبروگڑھ یونیورسٹی کے وائس چانسلر، پروفیسر جیتن ہزاریکا، پرنسپل، آسام میڈیکل کالج، پروفیسر سنجیب کاکاتی، ڈبروگڑھ میونسپل کارپوریشن(ڈی ای سی ) کے میئر، ڈاکٹر ساکت پاترا اور دیگر معززین نے شرکت کی۔

***

(ش ح۔اص)

UR No.1968