نیشنل ہیومن رائٹس کمیشن (این ایچ آر سی)، انڈیا نے آج نئی دہلی میں اپنے احاطے میں ’کھیل اور انسانی حقوق: کھلاڑیوں کے حقوق اور بہبود کے تحفظ ‘ کے موضوع پر ہائبرڈ موڈ میں ایک کھلی بحث کا اہتمام کیا۔ بحث کی صدارت کرتے ہوئے، قائم مقام چیئرپرسن،محترمہ  وجیا بھارتی سیانی نے کہا کہ انسانی اقدار کو برقرار رکھنا ایک کھلاڑی کے جذبے کی پہچان ہے۔ اس لیے کھیلوں میں ملکی ہنر  کی بہتر کارکردگی کے لیے کھلاڑیوں کے انسانی حقوق کا احترام اور ادارہ جاتی میکانزم کے ذریعے ان کے تحفظ کو یقینی بنانا ضروری ہے۔

انہوں نے کھلاڑیوں کے حقوق اور ان کے تحفظ میں اداروں کے کردار کے درمیان تعلق کو سمجھنے کی اہمیت کو اجاگر کیا۔ تقاطع  کا تصور پالیسی سازوں اور کھیلوں کے پروگرام کرنے والوں  کو یہ سمجھنے میں مدد کر سکتا ہے کہ کس طرح مختلف قسم کے امتیازات - جیسے کہ نسل پرستی، ہومو فوبیا، اور قابلیت - کھلاڑیوں کو بالخصوص خواتین کو کھیل میں حصہ لینے سے روکنے کے لیے یکجا ہوتے ہیں۔

قائم مقام چیئرپرسن نے کھلاڑیوں کے حقوق کی کسی بھی خلاف ورزی سے نمٹنے کے لیے عدالتی طریقہ کار کو مضبوط بنانے کے علاوہ بدسلوکی کی صورت میں کھلاڑیوں کی بحالی اور ان کی ذہنی صحت کے خدشات کو دور کرنے پر بھی زور دیا۔

این ایچ آر سی، انڈیا کے ڈائریکٹر جنرل (انویسٹی گیشن)، جناب اجے بھٹناگر نے کھلاڑیوں کے جنسی استحصال کے لیے صفررواداری پر زور دیا۔ انہوں نے اس بات پر روشنی ڈالی کہ کس طرح ادارے، خاص طور پر اتھارٹی والے، کھلاڑیوں کی حفاظت کے لیے زیادہ جوابدہ ہیں۔

قبل ازیں، این ایچ آر سی، انڈیا کے جوائنٹ سکریٹری، جناب  دیویندر کمار نیم نے اوپن ہاؤس کے تین تکنیکی اجلاسوں کا ایک جائزہ پیش کیا جس میں 'بدسلوکی کے واقعات کے بعد کھلاڑیوں کی بحالی شامل تھا۔ 'ہندوستان میں کھلاڑیوں کی ذہنی صحت' اور ادارہ جاتی  فریم ورکس  جو کھلاڑیوں کے مفادات کے تحفظ کے لیے  درکار ہیں۔

بحث سے جو تجاویز سامنے آئیں وہ درج ذیل  ہیں:

• کھلاڑیوں کو بہتر طریقے سے تیار کرنے کے لیے کلینکل سائیکالوجی میں تربیت یافتہ کوچز کا ہونا ضروری ۔
• کھیلتے وقت  زخمی ہونے والے کھلاڑیوں کے لیے بیمہ کے فوائد کو ہموار کرنا۔
• جنسی استحصال کی  رپورٹ کرنے کے لیے کھلاڑیوں میں بیداری لائیں؛
• تمام کھیلوں کے اداروں میں فعال ادارہ جاتی میکانزم کے ذریعے جنسی ہراسانی کی شکایات پر کارروائی کو یقینی بنانا؛

•پیرا ایتھلیٹس کی مدد کے لیے ادارہ جاتی میکانزم کو مضبوط بنانا۔

• متنوع پس منظر اور پسماندہ کمیونٹیز کے کھلاڑیوں کے درمیان سماجی مساوات کو فروغ دینے کے لیے مختلف کھیلوں کے اداروں کے اندر ادارہ جاتی میکانزم کو مضبوط کرنا۔

میٹنگ میں نوجوانوں کے امور اور کھیلوں کی وزارت، پٹیالہ میں نیتاجی سبھاس اسپورٹس اتھارٹی آف انڈیا،نیشنل سینٹر فار اسپورٹس سائنس اینڈ ریسرچ،نیشنل اسپورٹس یونیورسٹی، امپھال، ریسلنگ فیڈریشن آف انڈیا، نیشنل رائفل ایسوسی ایشن آف انڈیا،آل انڈیا کبڈی فیڈریشن،اسپورٹس اینڈ رائٹ الائنس، سوئٹزرلینڈ،واکو انڈیا کک باکسنگ فیڈریشن،ہیومن فار اسپورٹس  ، برطانیہ،بنگلور میں مقیم گو اسپورٹس  فاؤنڈیشن اور صفدرجنگ ہسپتال، نئی دہلی میں  انڈیا  اینڈ اسپورٹس انجری سینٹر کے نمائندوں نے بھی  شرکت کی ۔

****

ش ح۔ ف خ

U.No:1902