ضلع جے پور کا ایک چھوٹا سا گاؤں آندھی جو راجستھان کی راجدھانی جے پور سے تقریباً 43 کلومیٹر دور ہے،ماحول کے لئے سازگار ٹیکنالوجی کی مدد سے ایک ایسے گاؤں میں  تبدیل ہورہا ہے جہاں کوڑا کچرا بالکل نہ ہو۔

کھانے کے فضلے، زرعی فضلے، گندےپانی، ہسپتال کے فضلہ کو گاؤں کے مختلف ذرائع سے آنے والے فضلہ بشمول اسکولوں، زرعی میدانوں، کمیونٹی ہیلتھ سینٹرزسے آنے والے فضلے کو، اب ٹیکنالوجی کی مدد سے وسائل میں تبدیل کیا جا سکتا ہے جو حال ہی میں گاؤں میں نصب کی گئی ہے۔

آرگینک ویسٹ بائیو میتھینیشن پلانٹ، ورمی فلٹریشن ٹیکنالوجی، کنسٹرکٹڈ ویٹ لینڈز، ریسورس ریکوری سنٹر پر مشتمل ٹیکنالوجی مداخلتوں کا پیکج ایک منفرد اور سماجی طور پرموجود ہے، جو جدید ٹیکنالوجی کی مدد سے ایک ایسا گاؤں تشکیل پاتا ہے جہاں کوڑا کچرا ہرگز نہ ہو۔

حال ہی میں نشان زدتین مقامات پر مظاہرے کے لئے ان  پلانٹس کا افتتاح کیا گیاجوایک سرکاری اسکول، ایک کمیونٹی ہیلتھ سینٹر، اور مرکزی تالاب پر تعمیر شدہ گیلی زمین ہیں۔ اس میں ڈاکٹر انیتا گپتا، ہیڈ آف کلائمیٹ، انرجی، اینڈ سسٹین ایبل ٹکنالوجی (سی ای ایس ٹی) ڈویژن کے ساتھ پروگرام آفیسر ڈاکٹر جی وی رگھوناتھ ریڈی نے شرکت کی۔

گورنمنٹ اسکول میں آرگینک ویسٹ بائیو میتھینیشن پلانٹ (100 کلو گرام کی صلاحیت) نامیاتی فضلہ، جیسے کھانے کے سکریپ اور زرعی باقیات کو انیروبک ہاضمے کے ذریعے بائیو گیس میں تبدیل کرتا ہے۔ 5 کلو واٹ شمسی توانائی کے نظام سے لیس۔ یہ کھانا پکانے اور بجلی پیدا کرنے کے لیے صاف توانائی فراہم کرتا ہے، روایتی ایندھن پر انحصار کو کم کرتا ہے اور قابل تجدید توانائی، صاف ہوا اور کم گرین ہاؤس گیسوں کے اخراج کو فروغ دیتا ہے۔

گندے پانی کوصاف کرنے کے لیے کیچوؤں کا استعمال کرتے ہوئے، کمیونٹی ہیلتھ سینٹر میں ورمی فلٹریشن ٹیکنالوجی (10 کے ایل ڈی صلاحیت) اسے گرے واٹر اور سیوریج کو صاف کرنے کے لیے موزوں بناتی ہے۔ صاف کئے گئے  پانی کو زرعی آبپاشی کے لیے دوبارہ استعمال کیا جا سکتا ہے۔ اس پیٹنٹ ٹیکنالوجی میں شمسی توانائی کا انضمام ماحول دوست اور توانائی سے موثر گندے پانی کے انتظام کے عمل کو یقینی بناتا ہے، جو پانی کے پائیدار استعمال اور ماحولیاتی تحفظ میں معاون ہے۔

آندھی گاؤں (20 کے ایل ڈی صلاحیت) کے مین تالاب میں تعمیر شدہ گیلی زمینیں گندے پانی کے علاج اور ماحولیاتی نظام کو بحال کرنے کے لیے قدرتی ویٹ لینڈ کے عمل کو نقل کرتی ہیں۔ یہ نظام حیاتیاتی تنوع کو بڑھانے، مقامی نباتات اور حیوانات کو سپورٹ کرنے اور تالاب کے ماحولیاتی نظام کی مجموعی صحت کو بہتر بنانے کے ساتھ ساتھ گاؤں کے گندے پانی کے انتظام میں مدد کرے گا۔

ریسورس ریکوری سنٹر (آرآرسی) سے قابل ری سائیکل فضلہ کو جمع کرنے اور الگ کرنے کے لیے ری سائیکلنگ ایجنسیوں کے ساتھ شراکت داری قائم کی گئی ہے، جس سے اس کی ری سائیکلنگ کو یقینی بنایا گیا ہے۔ ورمی کمپوسٹنگ یونٹس بھی تیار کیے گئے ہیں، اور ان کے استعمال کے لیے تکنیک کو گاؤں والوں میں عام کیاگیا ہے۔

ان اقدامات دیہی علاقوں میں ماحول کے لئے سازگار ٹیکنالوجی کی تبدیلی کی طاقت کااظہار ہوتا ہے، اوران اقدامات سے جدت طرازی اور ماحولیاتی ذمہ داری کو فروغ دینے کے لیے ڈی ایس ٹی کا عزم ظاہر ہوتاہے۔ یہ پروجیکٹ ماحولیاتی پائیداری قائم کرنے، موسمیاتی تبدیلیوں کو کم کرنے، اور کچرے سے دولت کے ماڈلز کو فروغ دینے کے ہندوستان کے وسیع مقاصد سے ہم آہنگ ہے جو مقامی آبادیوں کو فروغ  دیتے ہیں۔

ماحول کے لئے سازگارجدید ترین ٹیکنالوجیز کا فائدہ اٹھاتے ہوئے، اس پروجیکٹ کا مقصد کوڑے کچرے سے پاک مینجمنٹ کا ایک خود کفیل ماڈل بنانا ہے جسے ملک بھر کے دیگر دیہی علاقوں میں بھی اپنا یا جا سکتا ہے، جو سب کیلئے صاف ستھرا، سرسبز اور زیادہ پائیدار مستقبل میں اہمیت رکھتا ہے۔

ٹیکنالوجی کا یہ استعمال ممکنہ طور پر مختلف دیہی علاقوں میں بھی کیاجاسکتا ہے، جس سے ہندوستان کے لیے ترقی کی طرف گامزن ہونے کا ایک نیا راستہ تشکیل پاتا  ہے ۔

 

*********

ش ح۔ ا  س۔ م  ا

UNO-1875

 

(Release ID: 2069267) Visitor Counter : 30