কেন্দ্রগী পোর্তস, শিপ্পিং অমসুং ৱাতরৱেজ (MoPSW)গী মন্ত্রী, শ্রী সর্বানন্দা সোনোৱালনা ঙসি মফম অসিদা নোর্থইস্ত ইন্দিয়াগী খ্বাইদগী অহানবা শিপ রিপ্যর ফেসিলিতীগা লোইন-লোইননা ইলেভেতেদ রোদ কোরিদোর য়াওনা হৌজিক-হোজিক চত্থরিবা কনস্ত্রক্সন য়েংশিন্নবা পান্দু পোর্ত কমপ্লেক্সতা চৎখ্রে। কেন্দ্রগী মন্ত্রী অসিনা ₹645 করোরগী ইনভেস্তমেন্তকা লোইননা ব্রহ্মপুতর তুরেল (নেস্নেল ৱাতরৱেজ 2) মরিলদা পাইখৎলিবা চাউখৎ-থৌরাংগী প্রোজেক্তশিংগী প্রোগ্রেস য়েংশিন্নবা মন্ত্রালয়গা লোইন-লোইননা লৈবাক অসিদা ৱাতরৱেজকী দেবেলপমেন্তকী নোদল এজেন্সী ওইরিবা ইনলেন্দ ৱাতরৱেজ ওথোরিতী ওফ ইন্দিয়া (IWAI)গী সেনিয়র ওফিসিয়েলশিংগশু উনখ্রে,

থৌরম অদুদা ৱা ঙাংলদুনা, কেন্দ্রগী মন্ত্রী, শ্রী সোনোৱালনা হায়খি, “ৱাতরৱেজনা মতম পুম্বদা তুরেলগী মরিলদা লৈরিবা মীশিংগীদমক্তা লাইফলাইন ওইরিবনি। প্রধান মন্ত্রী, শ্রী নরেন্দ্র মোদী জীগী ইচং থৌবা লুচিং মখাদা, ঐখোয়গী সিভিলাইজেশনগী মসিগী মরু ওইবা মশক অসিনা শেন্মিৎলোন চাউখৎহ্নবগীদমক্তা অমসুং নুংঙাই-য়াইফনবগীদমক্তা তুং কোইনা চৎকদবা পাম্বৈ অমা থিনবা হোৎনরিবা অসিগী ফোকেল পোইন্ত অমা ওইরে। নেস্নেল ৱাতরৱেজ 2 নত্রগা ঐখোয়গী নুংশিজরবা মআবাবু ব্রহ্মপুত্রনা অসামগী মীশিংগীদমক্তা পোতেন্সিয়েল কয়া অমা পুরকি। ইনলেন্দ ৱাতরৱেজকী খুত্থাংদা অনৌবা য়ুগকী মেরিন ত্রান্সপোর্তেশনদা খোং থাংজিন্নবগীদমক্তা মোদী সরকারনা মসি দেবেলপ তৌনবা ইনভেস্তমেন্ত য়াম্না চাউনা থাদখি। য়াম্না তোইনা তৌবা থবক-থৌরমশিং খুদম ওইনা জহাজশিং, ভেসেলশিং অমসুং কার্গো বোতশিং য়াম্ন কোম্না চত্থোক-চৎশিন তৌবা য়ানবগীদমক্তা লীস্ত এভেলেবল দেপ (LAD) ঙাক্না থম্নবা দেজিং তৌবা অসিগী মথক্তা, ঐখোয়না তুরেল অসিগী মরিলদা ইনফ্রাস্ত্রকচর শেমগৎনবগীদমক্তা প্রোভিজনশিংশু থমখ্রে। ₹645 করোরগী কেপিতল এক্সপেন্দিচরগা লোইননা ব্রহ্মপুত্র তুরেলদা মরু ওইবা প্রোজেক্ত 10 শেমগৎলি। মকোয়শিং অসি রিভর তুরিজম চাউখৎহন্নবা, পব্লিক ত্রান্সপোর্তেশনগা লোইন-লোইনা কার্গো চত্থোক-চৎশিন তৌবা  য়ানবা কেপাসিতী লৈহন্নবা শেমখিবনি। মাজুলি অমসুং থুব্রিগুম্বা স্ত্রেতেজিক ওইবা লোকেশনশিংদা স্লিপৱেজশিং অসিগী মথক্তানোর্থ লাখিমপুরগী ঘাগোরদা অমসুং বারপেতাগী বাহারিদা অনৌবা পেসেঞ্জর তর্মিনেলশিং শেমগৎলি। ঐখোয়না প্রোজেক্তশিং অসিগী মতাংদা মফম অসিদা মন্ত্রালয় অমসুং IWAIগী সেনিয়র ওফিসিয়েলশিংগা লোইননা খন্নখ্রে। মসিগী মরু ওইবা প্রোজেক্তশিং অসিবু থবক ওইনা ওন্থোক্নবা থবক কয়া অমা চত্থরিবা অসি উবদা ঐঙোন্দা য়াম্না অপেনবা ফাওই।”

কেন্দ্রগী মন্ত্রীনা  শিপ রিপ্যর ফেসিলিতীগী হৌজিক-হৌজিক চত্থরিবা কনস্ত্রক্সন অদুবু শু য়েংশিনখ্রে। খঙজিনগদবা অমনা মসিগী রিপ্যর ফেসিলিতী অসি ₹208 করোরগী ইনভেস্তমেন্তকা লোইননা শেমগৎলি অমসুং মসি হুগলী-কোচিন শিপয়ার্দ লিমিতেদ (HCSL)গী খুত্থাংদা দেবেলপ তৌরি। ₹180 করোরগী ইনভেস্তমেন্তকা লোইননা NH27 শম্নগদবা অতোপ্পা রুত অমগী খুত্থাংদা পান্দু পোর্ত কমপ্লেক্সতা শমগদবা অরোইবা লম্বি শরুক অদুশু য়েংশিনখ্রে।

পান্দু পোর্ত কমপ্লেক্সতা কেপাসিতী এক্সপান্সনদা হকথেংননা য়েংশিল্লবা মতুংদা ঙাংবা মতমদা, শ্রী সোনোৱালনা হায়খি, “পান্দু অসি মফম অসিগী স্ত্রেতেজিক ওইনা খুদোংচাবা মফম অমা ওইবা মরম্না নোর্থইস্তকী ৱাতরৱেজকীদমক্তা য়াম্না মরু ওইবা মফম অমনি। মসিগী মতাংদা খল্লবা মতুংদা, ইকাইখুম্নরবা প্রধান মন্ত্রী, শ্রী নরেন্দ্র মোদী জীনা মফম অসিদা লমদম অসিগী খ্বাইদগী অহানবা শিপ রিপ্যর ফেসিলিতী দেবেলপ তৌনবা উরেপ-উয়ুং তমখ্রে। প্রোজেক্ত  অসি লমদম অসিদা শিপ্পিং অমসুং ভেসেল ওপরেতরশিংগীদমক্তা গেমচেঞ্জর অমনি, মরমদি মসিনা মখোয়গী ওপরেতিং কোস্ত য়াম্না হন্থহল্লগনি। ঐখোয়না লোজিস্তিক ওপরেশনশিংগীদমক্তা য়াম্না কোম্না অমসুং য়াংনা পাংথোকপা ঙম্নবগীদমক্তা NH27গা পান্দু পোর্তকা শম্নহন্নবা ইলেভেতেদ রোদ কোরিদোর অমশু শম্লি। মসিগী প্রোজেক্তশিং অসিনা রিজন অসিগী বিজনেস অমসুং ত্রেদিং ইন্তরেস্তশিংগীদমক্তা ভেল্যুগী মলরিপ্লাইয়র ওইনা পান্দু মলতি মোদল পোর্তকী প্রোপোজিশন ৱাংখৎহল্লগনি। ঐহাক্না ৱাফমসিমশু খঙহনবদা য়াম্না নুংঙাইবা ফাওই মদুদি ঐখোয়না য়েংশিনখিবগী মতুং ইন্না কেন্দ্র সরকারনা মাজুলি থোংদা কনস্ত্রক্সনগী থবকশিং অদুবু হেন্না য়াংশিন্নবা খোংথাংশিং লৌখৎখ্রে অমসুং খৌংজেল য়াংনা ক্বালিতী লৈবা কনস্ত্রক্সন তৌনবা অমসুং প্রোজেক্ত অসিবু লোইশিন্নবা অচুম্বা খোংথাংশিং লৌখৎখ্রে।”

অসাম খক্তদা, ₹760 করোর হেনবা প্রোজেক্তশিং হৌজিক-হৌজিক চত্থরি, মসিনা রিজন অসিগী চাউখৎ-থৌরাংদা সরকারনা লেপ্লিবা ফিরেপ অদুবু ময়েক শেংনা তাকই। MoPSWনশু ব্রহ্মপুত্রগি মরিলদা রিভর তুরিজম অমসুং ৱাতর স্পোর্তসশু দেবেলপ তৌরি, মসিগী মখাদা, তুরিজম জেত্তী তরেত, ওরিয়ুমঘাত, ভুপেন হজারিকা সেতু, তেজপুর কোলিয়াভোম ওরা ব্রিজ, বোগিবীল ব্রিজ, দিখো মুখ, কালোংমুখ অমসুং গুৱাহাতিদা উজানবাজারদা শারগনি।

******

(Release ID: 2069175) Visitor Counter : 30