پی ایم گتی شکتی پہل کے تحت محکمہ برائے فروغ صنعت اور داخلی تجارت (ڈی پی آئی آئی ٹی)کے ایڈیشنل سکریٹری جناب راجیو سنگھ ٹھاکر نے  پورے ہندوستان کے کلیدی بنیادی ڈھانچے کا جائزہ لینے کے لیے 24 اکتوبر 2024 کو منعقد نیٹ ورک پلاننگ گروپ (این پی جی) کی 82 ویں میٹنگ کی صدارت کی ۔ پروجیکٹ کے حامیوں کے نمائندوں ، بھاسکرآچاریہ نیشنل انسٹی ٹیوٹ فار اسپیس ایپلی کیشنز اینڈ جیو انفارمیٹکس(بی آئی ایس اے جی-این) اور متعلقہ ریاستوں کے نوڈل افسران نے شرکت کی،جنہوں نے پی ایم گتی شکتی نیشنل ماسٹر پلان(پی ایم جی ایس این ایم پی) کے ساتھ ملٹی موڈل کنکٹیویٹی اور لاجسٹکس کی کارکردگی کو بڑھانے پر توجہ مرکوز کی۔

این پی جی نے پی ایم گتی شکتی کے بنیادی اصولوں پر مبنی تمام سات پروجیکٹوں کا جائزہ لیا، جس میں ملٹی موڈل انفراسٹرکچر کی مربوط ترقی، اقتصادی اور سماجی نوڈس کے لیے آخری میل کے کنکٹیویٹی، انٹر موڈل کنکٹیویٹی اور مطابقت کے ساتھ پروجیکٹ کا نفاذ شامل ہے۔ ان منصوبوں سے توقع کی جاتی ہے کہ وہ لاجسٹک کارکردگی کو بڑھا کر، سفر کے اوقات کو کم کر کے اور ان علاقوں کو خاطر خواہ سماجی و اقتصادی فوائد فراہم کر کے قومی ترقی میں اہم کردار ادا کریں گے جہاں وہ ہیں۔

اے۔ ریلوے کی وزارت کے پروجیکٹ(ایم او آر)

1۔جھارسوگوڈا سے ساسون تیسری اور چوتھی لائنوں تک ریل لائن، اڈیشہ

چونسٹھ کلومیٹر میں پھیلی ہوئی  اس  ریل لائن میں اضافہ جھارسوگوڈا-سمبل پور سیکشن کے اندر واقع ہے، جو اڈیشہ کے صنعتی راہداری کا ایک اسٹریٹجک حصہ ہے جس میں تالچر کول فیلڈز اور آئی بی ویلی (سندر گڑھ) شامل ہیں۔ یہ پروجیکٹ ’’مشن 3000ایم ٹی ‘‘ کے ہدف کی حمایت کرتا ہے جس کا مقصد 2027 تک کوئلے کی نقل و حمل کی صلاحیت کو دوگنا کرنا ہے، جس سے لاجسٹکس کی کارکردگی میں اضافہ اور مال برداری میں مدد ملتی ہے۔ یہ انرجی کوریڈور کلیدی اقتصادی نوڈس کے ساتھ جڑتا ہے، بشمول جھارسوگوڈا، رینگالی، اور لاپانگا کی صنعتیں اور ساحلی جہاز رانی کے لیے پارا دیپ اور دھامرا بندرگاہوں کو جوڑتی ہے۔ یہ لائن ملٹی موڈل انفراسٹرکچر کے لیےپی ایم گتی شکتی کو مربوط کرتی ہے، جس میں رینگالی، لاپانگا اور برنڈمال میں سامان کے شیڈ شامل ہیں جو این ایچ 49-اور ایس ایچ 10تک کنکشن کو بڑھا رہی ہے۔

2۔سمبل پور سے جرپڑا ریل لائن (تیسری اور چوتھی لائن)، اوڈیشہ

سمبل پور اور جرپڑا کے درمیان 127.2 کلومیٹرپر محیط اس ریل لائن کی توسیع اوڈیشہ کے صنعتی علاقے میں کوئلے کی سپلائی چین کے لیے لازمی ہے، بشمول آئی بی ویلی اور تالچر کول فیلڈز۔ یہ پروجیکٹ پی ایم گتی شکتی کے "مشن 3000 ایم ٹی" اقدام کی حمایت میں 2027 تک کوئلے کی نقل و حمل کی صلاحیت کو دوگنا کرنے کے مقاصد سے ہم آہنگ ہے۔ اس ریل لائن سے فائدہ اٹھانے والے کلیدی صنعتی کلسٹرز میں جھارسوگوڈا، لاپانگا، رینگالی اور پارادیپ میں ایلومینیم کی پیداوار کی بڑی سہولیات شامل ہیں۔ ریل کا راستہ پارا دیپ اور دھامرا بندرگاہوں سے بھی مؤثر طریقے سے جڑتا ہے، جو ہموار ملٹی موڈل لاجسٹکس فراہم کرتا ہے اور علاقائی توانائی کے شعبے کو سپورٹ کرتا ہے۔ پی ایم گتی شکتی کے فریم ورک کے ساتھ مربوط، یہ پروجیکٹ وسیع تر صنعتی رسائی کے لیے این ایچ 55 اور این ایچ 53 سے منسلک ہو کر لاجسٹک صلاحیت کو بڑھاتا ہے۔

3۔تروپتی-کٹپاڑی ڈبل لائن، آندھرا پردیش اور تمل ناڈو

یہ پروجیکٹ تروپتی اور کٹپڈی کے درمیان 104.39 کلومیٹر ریل رابطے کو بڑھا کر اور اس سنگل لائن سیکشن میں رکاوٹوں کو دور کرکے زیادہ ٹریفک کے مسئلے کو دور کرتا ہے۔یہ  کوریڈور، جوکہ کلیدی صنعتی کلسٹروں سے گزرتا ہے، اس میں رینی گنٹا (تروپتی سے تقریباً 15 کلومیٹر) کے قریب دو صنعتی پارکس اور ایک خصوصی اقتصادی زون (ایس ای زیڈ) (تروپتی سے 85 کلومیٹر) شامل ہیں۔ایس ای زیڈ ایک اہم صنعتی مرکز ہے، جو متعدد برآمدات پر مبنی یونٹس کی میزبانی کرتا ہے، جب کہ چتور کے قریب گرینائٹ کی صنعت سے رینی گنٹا کی قربت بہتر مال بردار رسد کے مواقع فراہم کرتی ہے۔ مزید برآں، یہ پروجیکٹ کرشنا پٹنم (تروپتی سے 104 کلومیٹر) اور چنئی پورٹ (تروپتی سے 140 کلومیٹر) جیسی بندرگاہوں تک رسائی کو بہتر بنا کر اور سیاحت اور مقامی صنعتوں کو سپورٹ کرنے کے لیے سامان اور مسافروں کی تیز رفتار نقل و حمل کو آسان بنا کر پی ایم گتی شکتی کے ساتھ ہم آہنگ ہے۔

4۔ریاست جھارکھنڈ میں ریل لائنوں کو دوہرا کرنے کے دو (02) منصوبے

(i) کوڈرما - اریگڈا ریل لائن

(ii) شیو پور - کٹھوٹیا ریل لائن

یہ دونوں پروجیکٹ یعنی کوڈرما-اریگڈا اور شیو پور-کٹھوٹیا ریل لائنوں کو دوہرا کرنا، بالترتیب تقریباً 133.38 کلومیٹر اور 49.08 کلومیٹر پر محیط ہیں۔ ریاست جھارکھنڈ میں واقع یہ دونوں پروجیکٹ کوئلے کی نقل و حمل کے اہم علاقوں میں مال برداری کی صلاحیت کو بڑھانے پر توجہ مرکوز کرتے ہیں۔ این پی جی نے رکاوٹوں کو دور کرنے اور لاجسٹکس کی مجموعی کارکردگی کو بہتر بنانے کے حل پر تبادلہ خیال کیا، جس میں خطے کے لئے  مال کی نقل و حمل میں خاطر خواہ بہتری اور اقتصادی فائدے کو پیش کیا گیا۔

بی۔ سڑک ٹرانسپورٹ اور شاہراہوں کی وزارت کے پروجیکٹ (ایم او آر ٹی ایچ)

1۔پریاگ راج-جونپور-اعظم گڑھ-دوہری گھاٹ-گورکھپور روڈ، اتر پردیش

144 کلومیٹر پر محیط،یہ پروجیکٹ پریاگ راج، جونپور، اعظم گڑھ، دوہری گھاٹ، اور گورکھپور جیسے شہروں تک پھیلا ہوا ہے، جو کہ گرین فیلڈ اور براؤن فیلڈ سیکشن کو مربوط کرتا ہے۔ اہم شہروں کے لیے منصوبہ بند بائی پاسز کا مقصد ٹریفک کی بھیڑ کو کم کرنا اور مال اور مسافروں کی نقل و حمل دونوں کو بڑھانا ہے۔ ملٹی موڈل لاجسٹکس کو سپورٹ کرنے اور علاقائی ضروریات کے ساتھ تیزی سے زمین کے حصول اور بنیادی ڈھانچے میں مطابقت کو یقینی بنانے کے لیے پی ایم گتی شکتی  کےاصولوں کا اطلاق کیا گیا ہے۔

2۔غازی پور-سید رضا روڈ سیکشن، اتر پردیش

41.53 کلومیٹر گرین فیلڈ الائنمنٹ کے طور پر ڈیزائن کیا گیا، یہ کوریڈور مال کی نقل و حمل اور اقتصادی زونز تک رسائی کو بڑھانے کے لیے غازی پور کو اسٹریٹجک لاجسٹکس ہب سے جوڑتا ہے۔ کلیدی ملٹی موڈل کنکشنز میں ایسٹرن ڈیڈیکیٹڈ فریٹ کوریڈور(ڈی ایف سی سی آئی ایل)، مقامی ریلوے اسٹیشن جیسے پنڈت دین دیال اپادھیائے اور غازی پور شہر اور وارانسی میں لال بہادر شاستری ہوائی اڈے کے ذریعے فضائی رابطہ شامل ہے۔ مزید برآں، وارانسی ان لینڈ واٹر وے ٹرمینل بذریعہ این ایچ-19 ایک متبادل کارگو روٹ فراہم کرتا ہے، جو پی ایم گتی شکتی فریم ورک کے تحت لاجسٹکس کو بہتر بناتا ہے تاکہ تجارت کو ہموار کیا جا سکے اور خطے میں لاجسٹکس کی لاگت کو کم کیا جا سکے۔

تکمیل کے بعد، یہ پروجیکٹ ہندوستان کے بنیادی ڈھانچے کے منظر نامے میں نمایاں طور پر معاون ہوں گےاور  اس بات کو یقینی بنائیں گے کہ کسی رکاوٹ کے بغیر کنکٹیویٹی کے فوائد ہر خطے تک پہنچے۔ ملٹی موڈل ٹرانسپورٹ سسٹم کو مضبوط بنا کر اور بنیادی ڈھانچے کے اہم خلاء کو دور کرتے ہوئے، یہ اقدامات مربوط اور پائیدار ترقی کے لیے حکومت کے وژن کے عین مطابق ہیں۔

***

ش ح۔ ف ا ۔ع د

U-No. 1858)

(Release ID: 2069111) Visitor Counter : 42