صارفین کے امور، خوراک اور عوامی تقسیم اور نئی اور قابل تجدید توانائی کے مرکزی وزیر جناب پرہلاد جوشی نے پنجاب ریاست میں بغیر کسی رکاوٹ کے دھان اور کسٹم ملڈ چاول (سی ایم آر) کی خریداری کو یقینی بنانے کے لیے مرکزی حکومت کے اقدامات پر آج ایک پریس کانفرنس کی۔ وزیر نے اس بات کا اعادہ کیا کہ خریف مارکیٹنگ سیزن (کے ایم ایس) 2024-25کے لیے مقرر کردہ 185 ایل ایم ٹی کے بقدر خریداری کا ہدف مکمل طور پر حاصل کیا جائے گا اور دھان کا ایک دانہ بھی نہ پکا ہوا نہیں چھوڑا جائے گا۔ وزیر موصوف نے یہ بھی اعلان کیا کہ جلد ہی چاول مل مالکان کی شکایات کے ازالے کے لیے ایک آن لائن پورٹل شروع کیا جائے گا تاکہ اسٹیک ہولڈرز کو درپیش کسی بھی طرح کی مشکلات کا فوری طور پر ازالہ کیا جاسکے۔

اس بات کو یقینی بنانے کے لیے کہ سی ایم آر کے لیے ذخیرہ کرنے کے مناسب انتظامات ہیں، پنجاب ریاستی حکومت کے ساتھ کئی اعلیٰ سطحی میٹنگیں کی گئی ہیں اور ترجیحی بنیادوں پر فالو اپ اقدامات کیے جا رہے ہیں۔ اس میں گندم کے ذخیرے کو خسارے والی ریاستوں میں تیزی سے نکالنا، نامزدگی کی بنیاد پر سی ڈبلیو سی / ایس ڈبلیو سی گوداموں کی خدمات حاصل کرنا، پی ای جی اسکیم کے تحت 31 ایل ایم ٹی ذخیرہ کرنے کی گنجائش کو تیز کرنا وغیرہ شامل ہیں۔ اکتوبر کے مہینے کے لیے 34.75 ایل ایم ٹی کے آل انڈیا موومنٹ پلان میں سے تقریباً 40فیصد یعنی 13.76 ایل ایم ٹی ریاست پنجاب کے لیے مختص ہے۔ اس وقت پنجاب میں 15 ایل ایم ٹی ذخیرہ کرنے کی گنجائش موجود ہے۔ سی ایم آر کی ترسیل عام طور پر ہر سال دسمبر میں شروع ہوتی ہے اور اس وقت تک ملرز کے ذریعے سی ایم آر کی آسانی سے ترسیل کو یقینی بنانے کے لیے کافی جگہ دستیاب ہو گی۔ پنجاب سے مارچ 2025 تک ہر ماہ 13-14 ایل ایم ٹی گندم نکالنے کے لیے ڈپو کے حساب سے تفصیلی منصوبہ تیار کیا گیا ہے۔ فوڈ کارپوریشن آف انڈیا (سی ایم ڈی ایف سی آئی) کے چیئرمین اور منیجنگ ڈائریکٹر کی سربراہی میں ایک اعلیٰ سطحی کمیٹی نگرانی کر رہی ہے۔ نقل و حرکت کا منصوبہ اور ذخیرہ کرنے کی صلاحیت پیدا کرنا/ ہفتہ وار بنیادوں پر خدمات حاصل کرنا تاکہ کے ایم ایس  2024-25 کے چاول کے ذخیرے کو ذخیرہ کرنے میں سہولت فراہم کی جا سکے۔

مل مالکان کی جانب سے ایف سی آئی کے ذریعہ مقرر کردہ موجودہ 67فیصد او ٹی آر (دھان سے چاول تک کا آؤٹ ٹرن ریشو) میں کمی کا مطالبہ بھی کیا گیا ہے، یہ حوالہ دیتے ہوئے کہ دھان کی قسم پی آر - 126معمول سے 4-5فیصد کم او ٹی آر دے رہی ہے۔ پی آر – 126 کی قسم پنجاب میں 2016 سے استعمال ہو رہی ہے اور اس سے قبل اس طرح کا کوئی مسئلہ رپورٹ نہیں ہوا تھا۔ یہ سمجھا جاتا ہے کہ اس کے اٹھائے جانے کی بنیادی وجہ ہائبرڈ اقسام میں اضافہ ہے جو ریاست پنجاب میں پی آر – 126 کے نام سے فروخت کی جاتی ہیں۔ یہ اطلاع دی جاتی ہے کہ ہائبرڈ اقسام میں پی آر – 126 کے مقابلے میں نمایاں طور پر کم او ٹی آر ہوتا ہے۔ حکومت ہند کی جانب سے تجویز کردہ او ٹی آر کے اصول پورے بھارت میں یکساں ہیں اور بیج کی قسم کے بارے میں لاعلم ہیں۔ پورے ملک میں خریداری بنیادی طور پر یکساں تصریحات پر مبنی ہے، جسے عام طور پر منصفانہ اوسط کوالٹی (ایف اے کیو) کہا جاتا ہے۔ مزید برآں، دھان کے موجودہ او ٹی آر اور ڈرائیج کے واقعات کا جائزہ لینے کے لیے آئی آئی ٹی کھڑگپور کو ایک مطالعہ تفویض کیا گیا ہے اور کام جاری ہے۔ اس مقصد کے لیے پنجاب سمیت چاول کی خریداری کرنے والی مختلف ریاستوں میں ٹیسٹ کیے جا رہے ہیں۔

چاول مل مالکان کے ذریعہ  اضافی نقل و حمل کے لیے برداشت کیے گئے اخراجات سے متعلق، ایف سی آئی نے نامزد کیے گئے ڈپو میں 15 روزہ انتظار کی مدت سے زیادہ وقت گزرنے پر خالی جگہ دستیاب نہ ہونے کی صورت میں اضافی نقل و حمل اخراجات کی اجازت دینے کے لیے علاقائی سطح پر اختیارات تفویض کیے ہیں۔اسے یقینی بنانے کے لیے خریداری پورٹل میں لازمی تبدیلی  کی گئی ہے۔ اس مسئلے کو حل کیا جا چکا ہے اور مل مالکان اس سے مطمئن ہیں۔

**********

 (ش ح –ا ب ن۔ م ف)

U.No: 1802