ملک  میں جاری خصوصی مہم 4.0 کے ایک حصے کے طور پر، سائنسی اور صنعتی تحقیق کی کونسل (سی ایس آئی آر) نے شمالی ریلوے کے ساتھ مل کر، نئی دہلی ریلوے اسٹیشن پر صفائی کی ایک مہم چلائی۔ سی ایس آئی آر ،کے ڈی جی،   ڈاکٹر این کلیسیلوی، اور نئی دہلی ریلوے اسٹیشن کے اسٹیشن ڈائریکٹر،   جناب مہیش یادو، صفائی مہم کی قیادت کر رہے ہیں۔ تقریب کے دوران، نئی دہلی ریلوے اسٹیشن کے صفائی متروں کو سی ایس آئی آر کی طرف سے اعزاز سے نوازا گیا، جس میں عوامی صفائی کو برقرار رکھنے میں صفائی کے کارکنوں کے تعاون کے لیے سی ایس آئی آر کی تعریف کی گئی تھی۔ مہم کے دوران، شمالی ریلوے نے ریلوے اسٹیشن پر صفائی ستھرائی کو برقرار رکھنے کے لیے اپنے جدید موٹرائزڈ آلات اور صفائی کے نظام کی نمائش کی۔

ماحولیاتی پائیداری کو فروغ دینے کی غرض سے، ڈی جی، سی ایس آئی آر اور سیکریٹری، ڈی ایس آئی آر؛ جوائنٹ سکریٹری، سی ایس آئی آر،اور ڈائریکٹر (سی ایس آئی آر- آئی ایم ایم ٹی) نے شجرکاری مہم کی سربراہی کی۔ یہ کوشش سی ایس آئی آر کے جاری اقدامات  #Plant4Mother  اور #EkPedMaaKeNaam کے ساتھ منسلک تھی، جن کا مقصد سبز احاطےکو بڑھانا اور ماحولیاتی توازن کو فروغ دینا ہے۔

سی ایس آئی آر کی ٹیم نے سی ایس آئی آر  کےکردار کو اجاگر کرتے ہوئے ایک ڈرامچہ بھی پیش کیا جس میں ہندوستانی ریلوے کے ساتھ اس کے تعاون اور بہت سی ٹیکنالوجیز کا اشتراک، خاص طور پر کچرے کو ٹھکانے لگانے کے بندوبست سے متعلق ہیں۔

 سی ایس آئی آر  کے ڈائرکٹر جنرل اور سکریٹری ڈی ایس آئی آر  ڈاکٹر این کلیسیلوی نے  اس تقریب کی صدارت کی   ، جبکہ اس موقعے پر اور لوگوں کے علاوہ  جناب  مہیندر کمار گپتا جوائنٹ سکریٹری (ایڈمن)، ڈاکٹر رامانوج نارائن، ڈائریکٹرسی ایس آئی آر-آئی ایم ایم ٹی، چیف  سائنسدان  اور  خصوصی مہم   4.0کے  نوڈل آفیسر شری میانک ماتھر    ، پرنسپل سائنٹسٹ اور ڈپٹی نوڈل آفیسر ڈاکٹر    اے ایس  نرملا دیوی  اور  سی ایس آئی آر کے دیگر معززین  نے بھی شرکت کی۔ اور A.S اور ۔ شمالی  ریلوے کی طرف سے جناب مہیش یادو، اسٹیشن ڈائریکٹر اور دیگر معززین نے اس تقریب میں شرکت کر کے ا اپنا تعاون پیش کیا۔

سی ایس آئی آر اور ہندوستانی ریلوے کے درمیان شراکت داری سوچھ بھارت ابھیان کے تحت خصوصی مہم 4.0 کے اہداف کو حاصل کرنے کے لیے ایک متحدہ کوشش کی مثال پیش کرتی ہے۔

******

ش  ح۔ ش ا ر ۔ م ر

U-NO. 1799

(Release ID: 2068674) Visitor Counter : 45