الیکٹرانکس اور انفارمیشن ٹیکنالوجی کی وزارت (MeitY) کے تحت نیشنل ای گورننس ڈویژن (این ای جی ڈی) نے 25 اکتوبر 2024 کو اپنی خصوصی لائیو سیریز ’ہمارے ماہرین سے پوچھیں‘ کے دوسرے ایپی سوڈ کی میزبانی کی۔ اس ایپی سوڈ میں سائبر سیکیورٹی سے متعلق اہم امور پر روشنی ڈالی گئی۔

 

 

’ ہمارے ماہرین سے پوچھیں‘ کی دوسری قسط سائبر سیکیورٹی پر مرکوز ہے۔

 

دوسری قسط سائبر سیکیورٹی کے اہم موضوع پر مرکوز ہے، جو آلات، خدمات، تیزی سے جڑی ہوئی دنیا اور غیر مجاز رسائی سے ذاتی معلومات کی حفاظت کے لیے ضروری ہے۔ اس میں سائبر سیکیورٹی کے مختلف پہلوؤں کی جامع تفہیم شہریوں کے ڈیجیٹل اثاثوں کی حفاظت اور ایک مامون، محفوظ ڈیجیٹل ماحول کو یقینی بنانے کے لیے بہت ضروری ہے۔

ماہرین نے ایک بصیرت انگیز اور جامع پریزنٹیشن پیش کی، جس سے سائبر سے محفوظ طریقوں کو بڑھانے اور سائبر حفظان صحت کو فروغ دینے کی فوری ضرورت پر متحرک بحث کی گئی۔ انہوں نے آن لائن محفوظ رہنے اور انٹرنیٹ پر سرفنگ کے دوران قیمتی تجاویز کا اشتراک کیا۔ ناظرین نے سائبرسیکیوریٹی چیلنجوں سے نمٹنے میں سرکاری ایجنسیوں کی طرف سے کی گئی تازہ ترین پیشرفت کے بارے میں نیز ضروری مشورے کے ساتھ ہر شہری کو خود کو بڑھتے ہوئے دھوکہ دہی اور گھوٹالوں سے بچانے کی ضرورت کھے بارے میں بھی بصیرت حاصل کی۔

سیشن میں زبردست دلچسپی دیکھی گئی، جس میں سیکڑوں شہریوں نے ملک بھر سے لائیو ٹیوننگ کی۔ ناظرین نے ماہرین کے ساتھ بے کھل کر بات چیت کی، سائبرسیکیوریٹی کے مختلف پہلوؤں کے بارے میں سوالات اٹھائے، جن میں وہ قواعد و ضوابط شامل ہیں جو آن لائن حفاظت کو کنٹرول کرتے ہیں۔

 

مکمل ایپی سوڈ دیکھنے کے لیے یہاں کلک کریں: https://www.youtube.com/live/WaZ9jAxzu2I

 

ڈیجیٹل انڈیا یوٹیوب چینل: https://www.youtube.com/@DigitalIndiaofficial۔

 

چھ سرگرم شرکا کو ڈیجیٹل انڈیا سوال ننجا کے طور پر اعزاز سے نوازا گیا۔

 

ان کے فکر انگیز اور متعلقہ سوالات کے اعتراف میں، چھ فعال شرکا کو ڈیجیٹل انڈیا سوال ننجا کے طور پر اعزاز سے نوازا گیا، اور انہیں ان کے تعاون کے لیے انعام دیا گیا۔ اس سیریز کا مقصد ڈیجیٹل انڈیا اقدام کے تحت کلیدی پروجیکٹوں کا تعارف کرانا ہے، جس سے لوگوں کو ان تبدیلی کے پروگراموں کی نگرانی کرنے والے ماہرین سے براہ راست سننے کا موقع مل سکے۔

دلچسپ بات یہ ہے کہ شرکا کو سیشن کے دوران دل چسپ اور متعلقہ سوالات پوچھنے پر خصوصی ڈیجیٹل انڈیا گفٹ ہیمپر جیتنے کا موقع بھی ملتا ہے۔

 

ڈیجیٹل انڈیا پہل سے متعلق سوالات کو حل کرنے کا پروگرام

’ہمارے ماہرین سے پوچھیں‘ ڈیجیٹل انڈیا کے یوٹیوب چینل (www.youtube.com/@DigitalIndiaofficial) پر نشر ہونے والا ایک منفرد ہفتہ وار لائیو پروگرام ہے۔ یہ ہفتہ وار لائیو پروگرام شہریوں کے ساتھ مشغولیت کو فروغ دینے کے لیے ڈیزائن کیا گیا ہے۔ یہ پہل سرکاری افسران اور موضوع کے ماہرین کے ساتھ براہ راست بات چیت کے لیے ایک پلیٹ فارم مہیا کرتی ہے، جس سے شہریوں کو ڈیجیٹل انڈیا کے مختلف اقدامات کے بارے میں سوالات پوچھنے اور سوالات کو حل کرنے کا موقع ملتا ہے۔

************

 

ش ح۔ ف ش ع

U: 1791 

(Release ID: 2068539) Visitor Counter : 37