প্রধান মন্ত্রী শ্রী নরেন্দ্র মোদীনা ওক্তোবর ২৮দা গুজরাত্তা চৎকনি‍। অয়ুক পুং ১০ রোম তারকপা মতমদা, প্রধান মন্ত্রীনা স্পেনিস প্রাইম মিনিস্তর মিস্তর পেদ্রো সাঞ্চেজকা লোয়ননা C-295 এয়রক্রাফ্ত পুথোক্কদৌরিবা TATA এয়ক্রাফ্ত কমপ্লেক্স TATA এদভান্স সিস্তেম লিভিতেদ (TASL) কেম্পসতা শঙ্গামিন্নগনি‍। মতুং তারকপদা, অয়ুক পুং ১১ রোম তারকপদা, মহাক্না বদোদরাগী লক্সমী বিলাস পেলেসতা চৎকনি‍। বদোদরাদগী, প্রধান মন্ত্রীনা অম্রেলিদা চত্তুনা মফমদুদা নুংথিল  পুং ২:৪৫ রোম তারকপদা দুধালা, অম্রেলিদা ভারত মাতা সরোবর শঙ্গাগনি‍। তুংদা নুংথিল পুং ৩ লোম তারকপদা, মহাক্না লাথি, অম্রেলিদা লুপা করোর ৪,৮০০ হেনবগী চাওখৎ থৌরাংগী প্রোজেক্ত কয়া শঙ্গাগনি অমসুং উরেপ উয়ুং তমগনি‍।

বদোদরাদা PM

প্রধান মন্ত্রীনা স্পেনিস প্রাইম মিনিস্তর মিস্তর পেদ্রো সাঞ্চেজকা লোয়ননা C-295 এয়রক্রাফ্ত পুথোক্কদৌরিবা TATA এয়ক্রাফ্ত কমপ্লেক্স TATA এদভান্স সিস্তেম লিভিতেদ (TASL) কেম্পসতা শঙ্গামিন্নগনি‍। C-295 প্রোগ্রামগী মখাদা পুন্না এয়রক্রাফ্ত ৫৬ লৈ, মখোয়গী মনুংদা ১৬ এয়রবসনা স্পেন্দগী হকথেংননা দেলিভর তৌরক্কদবনি অদুগা লেমহৌরিবা ৪০না ভারত্তা শাগদবনি‍।

তাতা এদভান্স সিস্তেম লিমিতেদনা হায়রিবা এয়রক্রাফ্ত ৪০ অসি ভারত্তা শানবগী থৌদাং লৌরি‍। ফেসিলিতী অসি ভারত্তা মিলিতরী এয়রক্রাফ্ত শানবগী অহান্বা প্রাইভেত সেক্তর ফাইনেল এসেমব্লী লাইন (FAL)নি‍। মসিদা মেনুফেকচরদগী এসেমব্লী, তেস্ত অমসুং ক্বালিফিকেসন, দেলিভরী অমসুং এয়রক্রাফ্তকী মপুং ফাবা লাইফ সাইকলগী মেন্তেনেন্স ফাওবগী মপুং ফাবা ইকোসিস্তেম অমা মপুং ফানা শেমগৎপা য়াওরি‍।

তাতাগী মথক্তা, ভারত ইলেক্ত্রোনিক্স লিমিতেদ, অমসুং ভারত দাইনামিক্স লিমিতেদনচিংবা মাঙজিল থাবা দিফেন্স পব্লিক সেক্তর য়ুনিৎশিং, লোয়ননা লনাই মাইক্রো, স্মোল অমসুং মেদিয়ম এন্তরপ্রাইজশিংসু প্রোগ্রাম অসিদা থৌদাং য়াগনি‍।

মমাঙদা ওক্তোবর ২০২২দা, প্রধান মন্ত্রীনা বদোদরা ফাইনেল এসেমব্লী লাইন (FAL)গী উরেপ উয়ুং তমখিবনি‍।

অম্রেলিদা PM

প্রধান মন্ত্রীনা দুধালা, অম্রেলিদা ভারত মাতা সরোবর শঙ্গাগনি‍। প্রোজেক্ত অসি গুজরাত লৈঙাক অমসুং ধোলাকিয়া ফাউন্দেসন্না খুৎশম্নরগা পব্লিক-প্রাইভেত পার্ত্নরসিপ (PPP) মোদেলদা শেমগৎপনি‍। ধোলাকিয়া ফাউন্দেসন্না চেক দাম অমগী ফীভম ফগৎহল্লে, হায়রিবা দাম অসি মমাঙদা ঈশিং লিতর করোর ৪.৫ চল্লমবনি অদুবু লুথহন্বা, পাকথোকপা, অমসুং মপাঙ্গল কনখৎহল্লবা মতুংদা, মসিগী কেপাসিতী লিতর করোর ২৪.৫তা হেনগৎহল্লে‍। ফীভম ফগৎহল্লিবা অসিনা মনা নকপা গুহা অমসুং বোরশিংদা ঈশিংগী থাক হেনগৎহন্দুনা খুঙ্গংশিং অমসুং লৌমীশিংদা হেন্না ফবা মওংদা ঈথৈ লৌখোং ফংহন্দুনা মতেঙ ওইনরি‍।

মীয়ামগী থৌরম অমদা, প্রধান মন্ত্রী শ্রী নরেন্দ্র মোদীনা অম্রেলি, গুজরাত্তা লুপা করোর ৪,৯০০ রোমগী ওইগদবা প্রোজেক্ত কয়া শঙ্গাগনি অমসুং উরেপ উয়ুং তমগনি‍। হায়রিবা প্রোজেক্তশিং অসিনা স্তেত অসিগী অম্রেলি, জামনগর, মোর্বী, দেবভুমী দ্বার্কা, জুনাগর, পোরবন্দর, অমসুং বোদত দিস্ত্রিক্তকী মীয়ামদা কান্নবা ফংহনগনি‍।

প্রধান মন্ত্রীনা লুপা করোর ২,৯০০ হেনবগী লম্বীগী প্রোজেক্ত কয়া শঙ্গাগনি অমসুং উরেপ উয়ুং তমগনি‍। শঙ্গাগদৌরিবা প্রোজেক্তশিংগী মনুংদা NH 151, NH 151A অমসুং NH 51গী শরুক কয়া অমসুং জুনাগর বাইপাস লেন মরি ওইহন্বা য়াওরি‍। জামনগর দিস্ত্রিক্তকী ধ্রোল বাইপাসতগী মোর্বী দিস্ত্রিক্তকী অম্রন ফাওবগী লেমহৌরিবা সেক্সনশিং লেন মরী ওইহন্নবা প্রোজেক্তসু উরেপ উয়ুং তম্লমগনি‍।

প্রধান মন্ত্রীনা লুপা করোর ১,১০০ চঙনা লোইশিনখিবা ভুজ-নালিয়া রেল গেজ কনভর্জন প্রোজেক্ত লৈবাক্কী মফমদা কত্থোক্লমগনি‍। পাক চাউবা প্রোজেক্ত অসিদা অচৌবা থোং ২৪, থোং মচা ২৫৪, লম্বীগী ওভরব্রিদ্জ ৩ অমসুং লম্বীগী অন্দরব্রিদ্জ ৩০ য়াওরি, অমসুং মসিনা কচ্ছ দিস্ত্রিক্তকী খুন্নাই-শেন্মিৎলোনগী ফীভম ফগৎহনবদা মরুওইবা থৌদাং লৌগনি‍।

প্রধান মন্ত্রীনা অম্রেলি দিস্ত্রিক্তকী ৱাতর সপ্লাই দিপার্তমেন্তকী লুপা করোর ৭০০ হেনবগী প্রোজেক্ত কয়া শঙ্গারমগনি অমসুং উরেপ উয়ুং তম্লমগনি‍। শঙ্গাগদৌরিবা প্রোজেক্তশিংগী মনুংদা বোতদ, অম্রেলি, জুনাগর, রাগকোত, অমসুং পোরবন্দর দিস্ত্রিক্তকী ময়োল্লম ৩৬ অমসুং খুঙ্গং ১,২৯৮গী বেনিফিসরী লাখ ৬৭লোমদা অহেন্বা ঈশিং লিতর করোর ২৮ লোম ফংহনগদৌরিবা নাবরাদগী চৱন্দ বল্ক পাইপলাইইন য়াওরি‍। ভাবনগর দিস্ত্রিক্তকী মহুবা, তালাজা, অমসুং পালিতনা তালুকাগী খুঙ্গং ৯৫দা কান্নবা পীগদবা পাসাবি গ্রুপ ওগমেন্তেসন ৱাতর সপ্লাই স্কীম ফেজ ২গী উরেপ উয়ুং ভাবনগর দিস্ত্রিক্ততা তম্লমগনি‍।

প্রধান মন্ত্রীনা তুরিজমগা মরী লৈনবা চাওখৎ থৌরাংগী ইনিসিএতিবশিংগী উরেপ উয়ুংসু তম্লমগনি, মসিদা পোরবন্দর দিস্ত্রিক্তকী মোকরসাগরদা লৈবা কার্লি রিচার্গ রিজর্বরবু মালেমগী থাক্কী সস্তেনেবল ইকো-তুরিজম লমথুংফম অমা ওন্থোক্নবা প্রোজেক্ত অমসুং অতৈ কয়া য়াওরি‍।

***