ನಿಮಗೆಲ್ಲರಿಗೂ ನನ್ನ ವಂದನೆಗಳು,

ವಿಶ್ವವಿದ್ಯಾಲಯದ ಆವರಣಕ್ಕೆ ಕಾಲಿಟ್ಟಾಗಿನಿಂದ, ನಾನು ಮುಜುಗರಕ್ಕೊಳಗಾಗಿದ್ದೇನೆ. ಸಾವಿರಾರು ಸಂಖ್ಯೆಯಲ್ಲಿದ್ದ ವಿದ್ಯಾರ್ಥಿಗಳು ನನಗೆ ಮತ್ತು ನನ್ನ ಹೆಂಡತಿಗೆ ನಮಸ್ಕರಿಸಿ ಗೌರವಿಸಿದರು. ಇದು  ಜೀವನದುದ್ದಕ್ಕೂ ನಮ್ಮ ಮೇಲೆ ಪ್ರಭಾವ ಬೀರುವ ಅವರ್ಣನೀಯ ಅನನ್ಯ ಭಾವನಾತ್ಮಕ ಕ್ಷಣವಾಗಿದೆ. ಒಂದು ಸಾವಿರ ವರ್ಷಗಳಿಂದ ಅಸ್ತಿತ್ವದಲ್ಲಿರುವ ಒಂದು ಮಹಾನ್ ಧಾರ್ಮಿಕ ಪುಣ್ಯಸ್ಥಳವಾದ ಶ್ರೀ ಕಾಲ ಭೈರವೇಶ್ವರಜಿಯವರ ದರ್ಶನ ಹಾಗೂ ಆಶೀರ್ವದದೊಂದಿಗೆ ನನ್ನ ಈ ಭೇಟಿಯನ್ನು ಪ್ರಾರಂಭಿಸಿದ್ದಕ್ಕಾಗಿ ನಾನು ಧನ್ಯನಾಗಿದ್ದೇನೆ. ಶ್ರೀ ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿಯವರ ಆಶೀರ್ವಾದವು, ದೈವಿಕ ದರ್ಶನವು, ಉತ್ಕೃಷ್ಟತೆ, ಆಧ್ಯಾತ್ಮಿಕತೆ ಮತ್ತು ಧಾರ್ಮಿಕತೆಯ ಸಮ್ಮಿಳನವು ನಮಗೆ ಬಹಳಷ್ಟು ಸಂತೋಷ ತುಂಬಿಕೊಟ್ಟಿದೆ.

ಹಿಂದೆಂದಿಗಿಂತಲೂ ಶಕ್ತಿಯುತವಾಗಿ ಭಾರತದ ಸೇವೆಯಲ್ಲಿರಲು ನನಗೆ ಹುಮ್ಮಸ್ಸು ತುಂಬಿದೆ.

ರೈತ ಪ್ರಧಾನಮಂತ್ರಿ ಎಂದು ಎಂದೆಂದಿಗೂ ನೆನಪಿನಲ್ಲಿ ಉಳಿಯುವ ಮಹಾನುಭಾವರಾದ ಮಾಜಿ ಪ್ರಧಾನಮಂತ್ರಿ ಶ್ರೀ ಹೆಚ್.ಡಿ. ದೇವೇಗೌಡರ ಅವರ ಉಪಸ್ಥಿತಿಯಿಂದ ನಾನು ನಿಜಕ್ಕೂ ಸವಲತ್ತು, ಸೌಕರ್ಯ , ವ್ಯವಸ್ಥೆ, ಗೌರವ, ವಿನಮ್ರತೆ ಮತ್ತು ಸಂತಸಗಳಿಂದ ಪುಳಕಿತವಾಗಿದ್ದೇನೆ. ರೈತ ಅವರ ಹೃದಯದಲ್ಲಿ ನೆಲೆಸಿದ್ದಾನೆ ಮತ್ತು ಗ್ರಾಮೀಣ ಅಭಿವೃದ್ಧಿಯು ಅವರ ಆಲೋಚನೆಗಳಿಂದ ಹೊರಹೊಮ್ಮುತ್ತದೆ. ರೈತರ ಸದಸ್ಯನಾಗಿದ್ದೇನೆ ಮತ್ತು ರೈತರ ಮಹಾನ್ ಆಶೀರ್ವಾದದಿಂಗಾಗಿ ನಾನು ಪ್ರಧಾನಮಂತ್ರಿಯಾಗಿದ್ದೇನೆ ಎಂದು ಅವರು ಸದಾ ಭಾವಿಸುತ್ತಿದ್ದಾರೆ. ಈ ವಯಸ್ಸಿನಲ್ಲಿಯೂ ಅವರು ರೈತರು, ರಾಷ್ಟ್ರೀಯ ಕಲ್ಯಾಣ ಮತ್ತು ಗ್ರಾಮೀಣಾಭಿವೃದ್ಧಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪ್ರಸ್ತಾಪಿಸುವ ಅವಕಾಶವನ್ನು ಎಂದಿಗೂ ತಪ್ಪಿಸಲಿಲ್ಲ.

ಇದು ನಿಜಕ್ಕೂ ನನ್ನ ಜೀವನದ ಹೆಮ್ಮೆಯ ಕ್ಷಣವಾಗಿದೆ ಮತ್ತು ಹೀಗೆ ಇಲ್ಲಿ ಭಾರತದ ಶ್ರೇಷ್ಠ ಪುತ್ರ ಶ್ರೀ ಹೆಚ್.ಡಿ. ದೇವೇಗೌಡರ ಜೊತೆಯ ಕುರ್ಚಿಯಲ್ಲಿ ಇರುತ್ತೇನೆ ಎಂದು ನಾನು ಎಂದಿಗೂ ಊಹಿಸಿರಲಿಲ್ಲ. ನನ್ನ ಜೀವನದ ಇತಿಹಾಸದಲ್ಲಿ ಈ ಒಂದು ಅಪರೂಪದ ಅವಕಾಶ ಮತ್ತು ಗೌರವವು ಬೇರೆ ಎಲ್ಲವನ್ನೂ ಮೀರಿ ನನ್ನ ಹೆಸರನ್ನು ಬರೆಯುತ್ತದೆ. ನನಗೆ, ನನ್ನ ಕುಟುಂಬಕ್ಕೆ, ರೈತರಿಗೆ ಮತ್ತು ದೇಶಕ್ಕೆ ಅವರ ಆಶೀರ್ವಾದವು ಎಲ್ಲಾ ಪದಪುಂಜಗಳಿಗೆ ಮೀರಿದ್ದಾಗಿದೆ.
 
ಅವರಂತಹ ಉದಾತ್ತ ಚೇತನದ ವ್ಯಕ್ತಿತ್ವಕ್ಕೆ ಕೃತಜ್ಞತೆ ಸಲ್ಲಿಸಲು ನನ್ನಲ್ಲಿ ಪದಗಳಿಲ್ಲ, ನಾನು ವಿದ್ಯಾರ್ಥಿಯಾಗಿದ್ದಾಗಲೂ ಈ ಹೆಸರು ನನ್ನ ಕಿವಿಯಲ್ಲಿ ಅನುರಣಿಸುತ್ತಿತ್ತು ಮತ್ತು ಕರ್ನಾಟಕದಲ್ಲಿ ರೈತ ಕಲ್ಯಾಣಕ್ಕಾಗಿ ಮಿಡಿಯುವ ಹೃದಯವು ಯಾರೋ ಇದ್ದಾರೆ ಎಂದು ನನಗೆ ತಿಳಿದಿತ್ತು. ಅದೃಷ್ಟವಶಾತ್, ಇತಿಹಾಸವು ನಮ್ಮನ್ನು ಒಟ್ಟುಗೂಡಿಸಿದೆ, ಬಹುಶಃ ಅದು ಅವರು ನನ್ನನ್ನು ಆಶೀರ್ವದಿಸಲು ಮಾತ್ರವಾಗಿರುತ್ತದೆ ಎಂದು ನಾನು ಭಾವಿಸುತ್ತೇನೆ.

ಪರಮಪೂಜ್ಯ ಜಗದ್ಗುರು ಸ್ವಾಮಿ ಪರಮಾನಂದ ಸರಸ್ವತೀಜಿ  ಅವರು ಮಾತನಾಡುವ ಸಂದರ್ಭವಿಂದು ಹೊಂದಿಲ್ಲ ಆದರೆ ನಾನು ಅವರ ಬಗ್ಗೆ ಬಹಳಷ್ಟು ತಿಳಿದಿದ್ದೇನೆ. ಅವರು ಒಬ್ಬ ಮಹಾನ್ ಬದ್ಧತೆ, ಆಧ್ಯಾತ್ಮಿಕತೆ ಮತ್ತು ಸಮರ್ಪಣಾ ಮನೋಭಾವದ ಪೂಜನೀಯ ವ್ಯಕ್ತಿಯಾಗಿದ್ದಾರೆ. ಅವರ ಉಪಸ್ಥಿತಿಯೇ ನಮಗೆಲ್ಲರಿಗೂ ಬಹಳಷ್ಟು ಅರ್ಥವತ್ತಾದ ವಿಷಯವಾಗಿದೆ.

ಅರಣ್ಯಕ (आरण्यक) -  ಎಂದರೆ ಅರಣ್ಯ. ಇದು ವೇದಗಳ ಮೂರನೇ ವಿಭಾಗವಾಗಿದೆ, ಆದರೆ ಇಲ್ಲಿ ವ್ಯತ್ಯಾಸವು ವಿಭಿನ್ನವಾಗಿದೆ ಮತ್ತು ವ್ಯತ್ಯಾಸ ತುಂಬಾ ಗಂಭೀರವಾಗಿದೆ. ಪ್ರಕೃತಿ ತಾಯಿಯ ಮಡಿಲಲ್ಲಿ ಕೆಲವು ಅತ್ಯುತ್ತಮ ತಾತ್ವಿಕ ಚರ್ಚೆಗಳು ನಡೆಯುವ  ಸ್ಥಳವಾಗಿದೆ. 

ಸ್ವಾಮೀಜಿ, ಆಧುನಿಕ ಕಾಲದ ಕಲಿಯುವವರಿಗೆ, ತತ್ವಜ್ಞಾನಿಗಳಿಗೆ ಮತ್ತು ಅನ್ವೇಷಕರಿಗೆ ಆದರ್ಶವಾಗಿರುವ ತಪ್ಪಲಿನಲ್ಲಿನ ಹಸಿರು ಭೂದೃಶ್ಯದ ಅರಣ್ಯಕವನ್ನು ಹೊಂದಲು ನಿಜಕ್ಕೂ ದೂರದೃಷ್ಟಿಯ ದಾರ್ಶನಿಕ ಹೆಜ್ಜೆ ಹೊದಿರಬೇಕು.

ಆಧುನಿಕ ಶಿಕ್ಷಣವನ್ನು ನೀಡುವ ಮತ್ತು ಅದರ ಕೇಂದ್ರಬಿಂದುವಾಗಿ ಸಾಂಸ್ಕೃತಿಕ ಮೌಲ್ಯಗಳನ್ನು ಹೊಂದಿರುವ ಇಂತಹ ಸಂಸ್ಥೆಗಳ ಬಗ್ಗೆ ನಾನು ಯೋಚಿಸಿದಾಗ, ನಿಮ್ಮಂತಹ ಸ್ವಾಮೀಜಿ ಮತ್ತು 50 ವರ್ಷಗಳ ಹಿಂದೆ ಅದನ್ನು ಪ್ರಾರಂಭಿಸಿದ ಮಹಾನ್ ದಾರ್ಶನಿಕರು, ಇತಿಹಾಸ ಮತ್ತು ನಾಗರಿಕತೆಯ ಈ ಮಹಾನ್ ವ್ಯಕ್ತಿಗಳು. ರಾಡಾರ್ ಮೇಲೆ.

ಸಂಸ್ಥೆಯು ನಮ್ಮ ಸಾಂಸ್ಕೃತಿಕ ಸಾರ ಮತ್ತು ಆಧುನಿಕತೆಯ ತಡೆರಹಿತ ಒಮ್ಮುಖವಾಗಿದೆ. ಮಹಾಸ್ವಾಮೀಜಿ, ಎಂಜಿನಿಯರಿಂಗ್ ಮತ್ತು ತತ್ತ್ವಶಾಸ್ತ್ರದಲ್ಲಿ ನಿಮ್ಮ ಸುಪ್ರಸಿದ್ಧ ರುಜುವಾತುಗಳೊಂದಿಗೆ, ಸಾಂಸ್ಥಿಕ ಅಡಿಪಾಯಗಳು ನಿಸ್ಸಂಶಯವಾಗಿ ದೃಢವಾಗಿವೆ.  

ನಮ್ಮ ಮಂದಿರಗಳು ಮತ್ತು ಮಠಗಳು ಸಂಸ್ಕೃತಿ ಮತ್ತು ಸಾಮಾಜಿಕ ಮೌಲ್ಯಗಳನ್ನು ಹೇಗೆ ಉಳಿಸಿಕೊಳ್ಳುತ್ತವೆ ಎಂಬುದಕ್ಕೆ ಈ ಸಂಸ್ಥೆಯು ಒಂದು ಉದಾಹರಣೆಯಾಗಿದೆ. ಈ ಕೇಂದ್ರಗಳು ನಿರ್ಗತಿಕರಿಗೆ, ಸವಾಲಿಗೆ ಒಳಗಾದವರಿಗೆ, ದುರ್ಬಲರಿಗೆ ಮತ್ತು ಅಂಚಿನಲ್ಲಿರುವವರಿಗೆ ಸೇವೆಯ ಕೇಂದ್ರಗಳಾಗಿ ಕಾರ್ಯನಿರ್ವಹಿಸುತ್ತವೆ. ಪ್ರಪಂಚದಾದ್ಯಂತ 26 ಶಾಖಾ ಮಠಗಳಿವೆ. ಅಂಧರು, ಕಿವುಡರು ಮತ್ತು ಮೂಕರಿಗಾಗಿ ಶಾಲೆಗಳನ್ನು ಒಳಗೊಂಡಂತೆ ಶ್ರೀ ಆದಿಚುಂಚನಗಿರಿ ಶ್ರೀ ಆದಿ ಚೂಂಚನ ಗಿರಿ (श्री आदि चूँचना गिरी ) ಶಿಕ್ಷಣ ಟ್ರಸ್ಟ್ ಅಡಿಯಲ್ಲಿ 500 ಕ್ಕೂ ಹೆಚ್ಚು ಶಿಕ್ಷಣ ಸಂಸ್ಥೆಗಳಿವೆ. ಈ ಸಂಸ್ಥೆಗಳು ಅತ್ಯುನ್ನತ ರೀತಿಯ ಸೇವೆಯನ್ನು ಹೊಂದಿವೆ. ನಿಜಕ್ಕೂ ಇದು ಸನಾತನ ಧರ್ಮದ ಟೀಕಾಕಾರರಿಗೆ, ವಿಮರ್ಷೆ ಮಾಡುವವರಿಗೆ ತಕ್ಕ ಉತ್ತರವಾಗಿದೆ.
ಸ್ನೇಹಿತರೇ, ಅಂತಹ ಸಂಸ್ಥೆಗಳು ಸಮಾಜಕ್ಕೆ ನಿಸ್ವಾರ್ಥ ಸೇವೆ ಸಲ್ಲಿಸುತ್ತವೆ.  ಕೆಲವರು ಆರೋಗ್ಯಕರವಾಗಿರುವುದಕ್ಕಿಂತ ಭಿನ್ನವಾದ ಇತರೇ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಬಯಸುತ್ತಿರುವಾಗ ನಾವು ನೆಲದ ಮೇಲೆ ಇಂತಹ ಉತ್ತಮ ಕಾರ್ಯಚಟುವಟಿಕೆಗಳನ್ನು ಮಾಡುತ್ತಾ ಇರಬೇಕು. ನಿರ್ವಿವಾದವಾಗಿ ದಾನ, ಸಹಾಯ ಅಥವಾ ಅಂತಹ ಉಪಕ್ರಮ ಯಾವುದೇ ಸ್ಟ್ರಿಂಗ್ ಗಳನ್ನು ಲಗತ್ತಿಸದೆ ಇರಬೇಕು. ವಾಸ್ತವವಾಗಿ, ನಮ್ಮ ನಾಗರಿಕತೆಯ ನೀತಿಯು ನಮಗೆ ಇದನ್ನೇ ಹೇಳುತ್ತದೆ.  ಎಂದಿಗೂ ದಾನದ ಬಗ್ಗೆ ಮಾತನಾಡಬೇಡಿ, ಮಾಡಿದ ದಾನವನ್ನು ಎಂದಿಗೂ ಹೇಳಿಕೊಳ್ಳಲಾಗುವುದಿಲ್ಲ.

ನೀವು ಅದನ್ನು ಮಾಡುತ್ತೀರಿ ಮತ್ತು ನೀವು ಅದನ್ನು ಸುಮ್ಮನೆ ಮರೆತುಬಿಡುವುದಿಲ್ಲ.ನಿರ್ಗತಿಕರ, ಅಂಚಿನಲ್ಲಿರುವವರ, ದುರ್ಬಲರ ನಂಬಿಕೆಯನ್ನು ನೀವು ಪ್ರಭಾವಿಸಿದಾಗ, ವಿಷಯಗಳು ನಿಜವಾಗಿಯೂ ಬಹಳ ನಿರ್ಣಾಯಕವಾಗುತ್ತವೆ. ಪ್ರಜಾಪ್ರಭುತ್ವ ರಾಷ್ಟ್ರಕ್ಕೆ, ಇದು ಗಂಭೀರ ಪರಿಣಾಮಗಳೊಂದಿಗೆ  ಉತ್ತಮ ಫಲನೀಡುತ್ತವೆ.

ಸದುದ್ದೇಶವಿಲ್ಲದ ವಿಚಾರಗಳು, ರಾಷ್ಟ್ರೀಯತೆಯ ಆತ್ಮ ಮತ್ತು ಸಾರವನ್ನು, ನಮ್ಮ ಸಾಂವಿಧಾನಿಕತೆ ಮತ್ತು ರಾಜಕೀಯ ಭೂದೃಶ್ಯದಲ್ಲಿ ಪರಿಣಾಮಕಾರಿ ವ್ಯತ್ಯಾಸವನ್ನುಂಟು ಮಾಡಿ ಹಾಳುಮಾಡುವ ಗುರಿಯನ್ನು ಕೂಡಾ ಹೊಂದಿವೆ. ಇವುಗಳಿಂದ ದೂರವಿರಬೇಕು. ಈ ಪ್ರಕ್ರಿಯೆಯಲ್ಲಿ, ನಂಬಿಕೆಯ ಸ್ವಾತಂತ್ರ್ಯದ ಮೇಲೆ ಅವುಗಳು ಪರಿಣಾಮ ಬೀರುತ್ತವೆ. ಆ ಆಕರ್ಷಣೆಯಿಂದಾಗಿ ಅದು ಸೆರೆಯಲ್ಲಿ ಸಿಲುಕುತ್ತದೆ. ನಾವು ಅದರ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ನಾವು ಹಿಂದೆಂದಿಗಿಂತಲೂ ಎಚ್ಚರಿಕೆಯಿಂದ ಇರಬೇಕು, ಸವಾಲು ಹೆಚ್ಚುತ್ತಿದೆ.

ಸಾಮಾಜಿಕ ವಲಯದಲ್ಲಿ, ನೈಸರ್ಗಿಕ ವಿಪತ್ತುಗಳು ಮತ್ತು ಇತರ ರೀತಿಯ ಸವಾಲುಗಳ ಸಂದರ್ಭದಲ್ಲಿ ಧಾರ್ಮಿಕ ಸಂಸ್ಥೆಗಳ ಕೊಡುಗೆಗಳ ಹೆಜ್ಜೆಗುರುತು ಸರ್ಕಾರಿ ಪ್ರಯತ್ನಗಳಿಗೆ ಪೂರಕವಾಗಿದೆ. ಈ ಕುರಿತು ಇಲ್ಲಿ ನಾನು ಬೇರೆ ಯಾವುದೇ ಉಲ್ಲೇಖವನ್ನು ಮಾಡಬೇಕಾಗಿಲ್ಲ.

ಕೋವಿಡ್ ಸಮಯದಲ್ಲಿ ಜನರ ಒಳಿತಿಗಾಗಿ ಸರ್ಕಾರ ಮತ್ತು ಇಂತಹ ಸಂಸ್ಥೆಗಳು ಎರಡೂ ಕೈಜೋಡಿಸಿ ಕಾರ್ಯನಿರ್ವಹಿಸಿದವು, ಮತ್ತು ಅದನ್ನು ಜಾಗತಿಕವಾಗಿ ಸಂಪೂರ್ಣ ಮಾದರಿಯ ಉದಾಹರಣೆಯಾಗಿ ಪ್ರದರ್ಶಿಸಲಾಯಿತು.

ನನ್ನ ಯುವ ಸ್ನೇಹಿತರೇ, ಭಾರತವು ಭರವಸೆ ಮತ್ತು ಸಾಧ್ಯತೆಯ ಭೂಮಿಯಾಗಿರುವ ಈ ಕಾಲಘಟ್ಟದಲ್ಲಿ ಬದುಕುತ್ತಿರುವ ನೀವು ಅದೃಷ್ಟವಂತರು; ಅದುವೇ ನಮ್ಮ ಹೂಡಿಕೆ ಮತ್ತು ಅವಕಾಶ. ಒಂದು ದಶಕದ ಹಿಂದೆ ಅಸ್ತಿತ್ವದಲ್ಲಿಲ್ಲದ ಪರಿಸ್ಥಿತಿ ಇಂದು ಇದೆ. ಇದು ಇಂದು ಹೂಡಿಕೆ ಮತ್ತು ಅವಕಾಶಗಳ ಭೂಮಿಯಾಗಿದೆ. ಅಂತರರಾಷ್ಟ್ರೀಯ ಹಣಕಾಸು ನಿಧಿ ಮತ್ತು ವಿಶ್ವಬ್ಯಾಂಕ್ ನಿಂದ ಪ್ರಶಂಸಿಸಲ್ಪಟ್ಟಿದೆ. ಇದರಲ್ಲಿ ನೀವು ಅತ್ಯಂತ ಪ್ರಮುಖ ಪಾಲುದಾರರು. ನೀವು ಭವಿಷ್ಯದ ಭಾರತದ ಸಮೃದ್ಧಿ ಎದ್ದು ಕಾಣುವ ಮಹಾನ್ ವ್ಯಕ್ತಿಗಳು. ನಮ್ಮ ಯುವ ಜನಸಂಖ್ಯಾ ಬಲದ ಲಾಭಾಂಶವು ಪ್ರಪಂಚದ ಪಾಲಿಗೆ ಅಸೂಯೆಯಾಗಿದೆ ಮತ್ತು ನೀವು ಭಾರತವನ್ನು ವಿಕಸಿತಭಾರತ @2047 ಗೆ ಕೊಂಡೊಯ್ಯುತ್ತೀರಿ.

ಸ್ನೇಹಿತರೇ, ನನ್ನ ಯುವ ಸ್ನೇಹಿತರು, ಹುಡುಗರು ಮತ್ತು ಹುಡುಗಿಯರು, ಯುವಜನತೆಯೇ,… ಭಾರತವು ಇಂದು ಮತ್ತು ಇನ್ನು ಮುಂದೆ ಭರವಸೆಯಿರುವ  ರಾಷ್ಟ್ರವಾಗಿದೆ ಎಂದು ತಿಳಿದುಕೊಳ್ಳಿ. ಇದು ಪ್ರಗತಿಯ ಹಾದಿಯ್ಲಿ ಏರುತ್ತಿರುವ ರಾಷ್ಟ್ರವಾಗಿದೆ ಮತ್ತು ಅಭಿವೃದ್ದಿಯ ಏರಿಕೆಯನ್ನು ತಡೆಯಲಾಗದು. ನಮ್ಮ ಆರ್ಥಿಕತೆಯು ಉತ್ಕರ್ಷದ ಮನಸ್ಥಿತಿಯಲ್ಲಿದೆ. ನಾವು ಹೊಂದಿರುವ ಆರ್ಥಿಕತೆಯು ಅತ್ಯಧಿಕ ಜಿಡಿಪಿ ಬೆಳವಣಿಗೆಯಲ್ಲಿ ಒಂದಾಗಿದೆ, ನಾವು ಇಂದು ಎಲ್ಲಾ ಭಾಗಗಳಿಂದ ಪ್ರಶಂಸಿಸಲ್ಪಡುತ್ತಿದ್ದೇವೆ.

ಕಳೆದ ದಶಕವು ಕಂಡಂತೆ, ಕಳೆದ ವರ್ಷಗಳಲ್ಲಿ ಭರವಸೆ ಕಳೆದುಕೊಂಡಿದ್ದ ಕೊನೆಯ ಸಾಲಿನ ಜ,  ಲಕ್ಷಾಂತರ ಜನರ ಜೀವನಕ್ಕೆ ಪರಿವರ್ತನೆ ಸಾಕಾರವಾಗಿದೆ. ಅವರ ಜೀವನದಲ್ಲಿ ಸುಧಾರಣೆಗಾಗಿ ಕ್ರಾಂತಿಕಾರಿ ಪರಿವರ್ತನೆಯಾಗಿದೆ.

ನನ್ನ ಯುವ ಸ್ನೇಹಿತರೇ, ಅಭಿವೃದ್ಧಿಯ ಬಗ್ಗೆ ನಿಮಗೆ ಅರಿವು ಮೂಡಿಸೋಣ ಅನ್ನಿಸುತ್ತದೆ. ಈ ದೇಶದಲ್ಲಿ, ಈಗ ನಾವು ಪ್ರತಿ ವರ್ಷ ನಾಲ್ಕು ಹೊಸ ವಿಮಾನ ನಿಲ್ದಾಣಗಳು ಮತ್ತು ಒಂದು ಮೆಟ್ರೋವನ್ನು ಹೊಂದುತ್ತಿದ್ದೇವೆ. ನಿಮಗೆ ಆಶ್ಚರ್ಯವಾಗಬಹುದು, ನಾವು ಪ್ರತಿದಿನವೂ 14 ಕಿಲೋಮೀಟರ್ ಹೆದ್ದಾರಿಗಳು ಮತ್ತು 6 ಕಿಲೋಮೀಟರ್ ರೈಲ್ವೆಗಳನ್ನು ಹೊಂದಿದ್ದೇವೆ. ಈ ಬೆಳವಣಿಗೆಗಳು, ಈ ಅಂಕಿಅಂಶಗಳು ನಾವು ಎಷ್ಟು ವೇಗವಾಗಿ ಮುಂದಕ್ಕೆ ಹೋಗುತ್ತಿದ್ದೇವೆ ಎಂಬುದನ್ನು ಸೂಚಿಸುತ್ತವೆ.

ನನ್ನ ಯುವ ಸ್ನೇಹಿತರೇ, ನೀವು ಈಗ ಪ್ರೋತ್ಸಾಹವು ಅರ್ಹತೆಗೆ ಮಣಿದಿದೆ ಸಮತಟ್ಟಾದ ಸ್ಪರ್ಧಾತ್ಮಕ ಆಟದ ಮೈದಾನವನ್ನು ಹೊಂದಿದ್ದೀರಿ, ಅದನ್ನು ಆನಂದಿಸುತ್ತಿದ್ದೀರಿ, ಇಂದು ಪಾರದರ್ಶಕ ಮತ್ತು ಜವಾಬ್ದಾರಿಯುತ ಆಡಳಿತವು ಹೊಸ ನಿಯಮಗಳಾಗಿ ಪರಿವರ್ತಿತಗೊಂಡಿವೆ. ಇನ್ನು ಮುಂದೆ ಉದ್ಯೋಗ ಅಥವಾ ಒಪ್ಪಂದಕ್ಕೆ ಭ್ರಷ್ಟಾಚಾರವು ಪಾಸ್‌ವರ್ಡ್ ಆಗಿರುವುದಿಲ್ಲ.

ನಿಮ್ಮ ಕನಸುಗಳು ಮತ್ತು ಆಕಾಂಕ್ಷೆಗಳನ್ನು ಸಾಧಿಸಲು ನಿಮ್ಮ ಶಕ್ತಿಯನ್ನು ಹೊರಹಾಕಲು ಯುವ ಸ್ನೇಹಿತರಿಗಾಗಿ ಆರೋಗ್ಯಕರ ಪರಿಸರ ವ್ಯವಸ್ಥೆಯು ತೆರೆದುಕೊಳ್ಳುತ್ತದೆ. ನಾನು ನಿಮಗೆ ಹೇಳಬೇಕಾದ ಒಂದು ವಿಷಯವೆಂದರೆ, ನಿಮ್ಮ ಅವಕಾಶಗಳ ಬುಟ್ಟಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ನೀವು ಸಿಲೋಸ್ ನಿಂದ ಹೊರಬರುತ್ತೀರಿ ಎಂದು ನಾನು ನಿರೀಕ್ಷಿಸುತ್ತೇನೆ.

ನಿಮ್ಮಲ್ಲಿ ಕೆಲವರು ಸರ್ಕಾರಿ ಸೇವೆ “ಮಾತ್ರ” ಎಂದು ಭಾವಿಸುತ್ತಾರೆ. ಇಲ್ಲ, ಇದುವಲ್ಲ ಸತ್ಯ. ನೀವು ಕಂಡುಕೊಳ್ಳುತ್ತೀರಿ, ಒಮ್ಮೆ ಸುತ್ತಲೂ ನೋಡಿ ಮತ್ತು ಭಾರತವು ಸಮುದ್ರದಲ್ಲಿ, ಭೂಮಿಯಲ್ಲಿ, ಆಕಾಶ ಮತ್ತು ಬಾಹ್ಯಾಕಾಶದಲ್ಲಿ ಸಾಧನೆಯ ಹಾದಿಯಲ್ಲಿ ಅಭಿವೃದ್ದಿಗೊಳ್ಳುತ್ತಿದೆ. ಇವು ನೀಲಿ ಆರ್ಥಿಕತೆ ಅಥವಾ ಬಾಹ್ಯಾಕಾಶ ಆರ್ಥಿಕತೆಯ ಮೂಲಕ ನಿಮಗೆ ಉತ್ತಮ ಅವಕಾಶಗಳ ಬಾಗಿಲುಗಳಾಗಿವೆ.

ನನ್ನ ಯುವ ಸ್ನೇಹಿತರಿಗಾಗಿ ನಾನು ಎಚ್ಚರಿಕೆಯ ಮಾತನ್ನು ಹೇಳ ಬಯಸಿದ್ದೇನೆ. ದೇಶದಲ್ಲಿ ತಪ್ಪು ಮಾಹಿತಿಯ ಪ್ರಸಾರದಲ್ಲಿ ವ್ಯಾಪಕವಾಗಿ ತೊಡಗಿಸಿಕೊಳ್ಳುವ ಅಂಶಗಳಿವೆ. ಕೆಲವರಿಗೆ ಅದುವೇ ಕಾಯಕವಾಗಿದೆ. ಈ ಪ್ರಸಾರವು ರಾಷ್ಟ್ರೀಯ ಆರೋಗ್ಯಕ್ಕೆ ತುಂಬಾ ಹಾನಿಕಾರಕವಾಗಿದೆ. ಯುವಕರಾದ ನೀವು ನಮ್ಮ ರಾಷ್ಟ್ರೀಯತೆಗೆ ಒಳ್ಳೆಯದನ್ನು ಹೀರಿ,  ಈ ಕೆಟ್ಟ ಪ್ರವೃತ್ತಿಗಳನ್ನು ತಟಸ್ಥಗೊಳಿಸಬೇಕು ಮತ್ತು ನೀವು ಈ ಮಾಡುತ್ತೀರಿ ಎಂದು ನನಗೆ ಖಾತ್ರಿಯಿದೆ.

ನಮ್ಮ ಋಷಿಗಳು, ನಮ್ಮ ಸಂತರು ಮತ್ತು ಧರ್ಮಗ್ರಂಥಗಳು ಮತ್ತು ತತ್ತ್ವಶಾಸ್ತ್ರ  'ವಸುಧೈವ ಕುಟುಂಬಕಂ' ಎಂಬ  ಎಲ್ಲರ ಒಳಗೊಳ್ಳುವಿಕೆ, ಎಲ್ಲರ ಕಲ್ಯಾಣವನ್ನು ಸೂಸುವ ಪರಿಕಲ್ಪನೆಯನ್ನು ಹೊಂದಿರುತ್ತದೆ. ಮತ್ತು ನಮ್ಮ ಜಿ20 ಯ ಧ್ಯೇಯವಾಕ್ಯವೂ ಕೂಡಾ ಇದನ್ನೇ ಕೂಡಿದೆ. ನಮ್ಮದು ಪ್ರತಿಯೊಬ್ಬರಿಗೂ ಮತ್ತು ಭೂಮಿಯ ಮೇಲಿನ ಎಲ್ಲರಿಗೂ ಒಳಗೊಳ್ಳುವಿಕೆ ಏನು ಎಂದು ಮಾರ್ಗದರ್ಶನ ನೀಡುವ ರಾಷ್ಟ್ರವಾಗಿದೆ. ನಾವು 5,000 ವರ್ಷಗಳಿಗಿಂತ ಹೆಚ್ಚು ಕಾಲ ಸಹಯುತವಾಗಿ ಬದುಕಿರುವಾಗ ಇತರ  ಯಾವುದೋ ಪಾಠಗಳ ಅಗತ್ಯವಿಲ್ಲ. ಈ ನಮ್ಮ ತತ್ತ್ವಶಾಸ್ತ್ರವು ಮಾತ್ರ ಸಮರ್ಥನೀಯವಾಗಿದೆ ಮತ್ತು ಜಾಗತಿಕ ಶಾಂತಿ ಮತ್ತು ಸೌಹಾರ್ದತೆಯನ್ನು ಉಂಟುಮಾಡುತ್ತದೆ ಆದರೆ ಕೆಲವು ಜನರು ಅಂತರ್ಗತತೆಯ ಪ್ರಜ್ಞೆಯನ್ನು ವಿನಾಶಕಾರಿಗೊಳಿಸುವ ವಿಭಿನ್ನ ಪರಿಕಲ್ಪನೆಯನ್ನು ಹೊಂದಿದ್ದಾರೆ.

ನಾವು ಅತ್ಯಂತ ಜಾಗರೂಕರಾಗಿರಬೇಕು ಮತ್ತು ಎಚ್ಚರಿಕೆಯಿಂದಿರಬೇಕು. ದೇಶಕ್ಕೆ ಅಪಸ್ವರ ಎತ್ತುವ ಧ್ವನಿಗಳು ನಮ್ಮ ನಾಗರಿಕತೆಯ ಸಾರದಿಂದ ಪಾಠಗಳನ್ನು ಕಲಿಯಬೇಕಾಗಿದೆ, ಪಾಠಗಳನ್ನು ಸಂಗ್ರಹಿಸಬೇಕಾಗಿದೆ.

ಸ್ನೇಹಿತರೇ, ಇಂದಿನ ಯುಗದಲ್ಲಿ ನಾನು ನೋಡಿದ್ದಕ್ಕಿಂತ ಹೆಚ್ಚಿನದನ್ನು ನೀವು ನೋಡಿದ್ದೀರಿ. ವ್ಯಾಪಕವಾದ ಮಾಹಿತಿ ವಿನಿಮಯ ಅವಕಶ ನಿಮ್ಮಲ್ಲಿದೆ. ಪ್ರತಿಯೊಬ್ಬರ ಕೈಯಲ್ಲೂ ಸಾಮಾಜಿಕ ಮಾಧ್ಯಮಗಳ ಶಕ್ತಿ ಇದೆ. ರಾಷ್ಟ್ರವಿರೋಧಿ ನಿರೂಪಣೆಗಳನ್ನು ಎದುರಿಸಲು ನಿಮ್ಮ ಶಿಕ್ಷಣ, ಬುದ್ಧಿವಂತಿಕೆಯನ್ನು ಬಳಸಲು ನಾನು ನಿಮ್ಮನ್ನು ಬೇಡಿಕೊಳ್ಳುತ್ತೇನೆ ಮತ್ತು ನೀವು ಯಾವಾಗಲೂ ನಿಮ್ಮ ರಾಷ್ಟ್ರವನ್ನು ಎಲ್ಲಕ್ಕಿಂತ ಹೆಚ್ಚಾಗಿ ಇರಿಸಿಕೊಳ್ಳುವ ಸಂಸ್ಕೃತಿಯನ್ನು ಬೆಳೆಸಿಕೊಳ್ಳಿ. ರಾಷ್ಟ್ರ ಅಥವಾ ರಾಷ್ಟ್ರೀಯತೆಗೆ ನಮ್ಮ ಬದ್ಧತೆಯ ಮೇಲೆ ಯಾವುದೇ ಆಸಕ್ತಿ, ವೈಯಕ್ತಿಕ, ರಾಜಕೀಯ ಅಥವಾ ವಿಶ್ವಾಸಾರ್ಹತೆಯನ್ನು ಹೇರಲಾಗುವುದಿಲ್ಲ. ದಯವಿಟ್ಟು ಅದನ್ನು ಮನಸ್ಸಿನಲ್ಲಿಟ್ಟುಕೊಳ್ಳಿ.

ನಮ್ಮ ಧರ್ಮಗ್ರಂಥಗಳನ್ನು ನೆನಪಿಡಿ: ಜನನಿ ಜನ್ಮಭೂಮಿಶ್ಚ ಸ್ವರ್ಗಾದಪಿ ಗರೀಯಸಿ. ಜನನಿ ಜನ್ಮ/ಭೂಮಿಶ್ಚ, ಸ್ವರ್ಗ/ದಪಿ ಗರಿ/ಯಸಿ – ಅಂದರೆ, ತಾಯಿ ಮತ್ತು ಮಾತೃಭೂಮಿ ಸ್ವರ್ಗಕ್ಕಿಂತ ಶ್ರೇಷ್ಠ. ಈ ಅದ್ಭುತ ಸಂಸ್ಥೆಯ ವಿದ್ಯಾರ್ಥಿಗಳಿಗೆ ನಾನು ರಾಷ್ಟ್ರೀಯತೆಯ ಪಾಠಗಳನ್ನು ಕಲಿಸುವ ಅಗತ್ಯವಿಲ್ಲ ಎಂದು ನನಗೆ ಖಾತ್ರಿಯಿದೆ. ನೀವು ವಿದ್ಯಾರ್ಥಿಗಳು ಈ ದೊಡ್ಡ ಬದಲಾವಣೆಯ ಕೇಂದ್ರಬಿಂದುವಾಗಲು ಅದ್ಭುತ ಸಂಸ್ಥೆಯಲ್ಲಿದ್ದೀರಿ. ನನ್ನ ಯುವ ಸ್ನೇಹಿತರೇ, ರಾಷ್ಟ್ರವನ್ನು ಯಾವಾಗಲೂ ಎಲ್ಲಕ್ಕಿಂತ ಹೆಚ್ಚಾಗಿ ಇನ್ನೂ  ಮೇಲಿನ ಸ್ಥರದಲ್ಲಿ ಇರಿಸಿ. ರಾಷ್ಟ್ರೀಯತೆಯೊಂದಿಗೆ ಎಂದಿಗೂ ಹೊಂದಿಕೊಳ್ಳಿ. ಇದರಲ್ಲಿ, ಯಾವುದೇ ವೈಯಕ್ತಿಕ ಅಥವಾ ರಾಜಕೀಯ ಲಾಭ ಇರಬಾರದು, ಬರಬಾರದು.

ನಾನು ಈ ವಿಷಯದ ಹತ್ತಿರ ಬರುತ್ತಿದ್ದಂತೆ, ಒಂದು ದಶಕದ ಹಿಂದೆ ಈ ವಿಶ್ವವಿದ್ಯಾನಿಲಯಕ್ಕೆ ಭೇಟಿ ನೀಡಿದ್ದ ಡಾ.ಎ.ಪಿ.ಜೆ. ಅಬ್ದುಲ್ ಕಲಾಂ ಅವರನ್ನು ನೆನಪಿಸಿಕೊಳ್ಳ ಬಯಸುತ್ತೇನೆ. ಅವರ ಮಾತು, ಆಲೋಚನೆಗಳನ್ನು ನೆನಪಿಸಿಕೊಳ್ಳ ಬಯಸುತ್ತೇನೆ. ಕನಸುಗಳು ಆಲೋಚನೆಗಳಾಗಿ ರೂಪಾಂತರಗೊಳ್ಳುತ್ತವೆ ಮತ್ತು ಆಲೋಚನೆಗಳು ಕ್ರಿಯೆಗೆ ಕಾರಣವಾಗುತ್ತವೆ. ಅವರ ಈ ಸಂದೇಶವು ಹಿಂದೆಂದಿಗಿಂತಲೂ ಇಂದು ಹೆಚ್ಚು ಪ್ರಸ್ತುತವಾಗಿದೆ. ಇದು ದೇಶದಲ್ಲಿ ಸಕ್ರಿಯ ಪ್ರಕ್ರಿಯೆಯಲ್ಲಿದೆ. ನೀವು ಅದರ ಭಾಗವಾಗಬೇಕು.

ದೊಡ್ಡ ಕನಸುಗಳನ್ನು ಕಾಣಿರಿ, ಏಕೆಂದರೆ ನಿಮ್ಮ ಕನಸುಗಳು ಮತ್ತು ಕಾರ್ಯಗಳ ಮೂಲಕ ಭಾರತದ ಭವಿಷ್ಯವು ರೂಪುಗೊಳ್ಳುತ್ತದೆ. ಮುಂದಿನ ಹಾದಿಯು ಅವಕಾಶಗಳಿಂದ ತುಂಬಿದೆ, ದಯವಿಟ್ಟು ಅವುಗಳನ್ನು ರೂಪಿಸಿ,  ಪಡೆದುಕೊಳ್ಳಿ. ಧೈರ್ಯ, ಮಹತ್ವಾಕಾಂಕ್ಷೆ ಮತ್ತು ರಾಷ್ಟ್ರದ ಸೇವೆಯ ಮನೋಭಾವದಿಂದ ಅವುಗಳನ್ನು ಪಡೆದುಕೊಳ್ಳಿ, ಬೆಳೆಸಿಕೊಳ್ಳಿ.

ನನ್ನ ಯುವ ಸ್ನೇಹಿತರೇ, ನೀವು ನಿಮ್ಮ ಜೀವನದಲ್ಲಿ ಹೊಸ ಅಧ್ಯಾಯದ ಹೊಸ್ತಿಲಲ್ಲಿ ನಿಂತಿರುವಾಗ, ಉದ್ದೇಶ ಮತ್ತು ಪ್ರಭಾವದಿಂದ ತುಂಬಿದ ಭವಿಷ್ಯದ ಕಡೆಗೆ ದೃಷ್ಟಿಸಿನೋಡುವಾಗ, " ವಿಕಸಿತ ಭಾರತ " ದ ಚೈತನ್ಯವು ನಿಮ್ಮನ್ನು ಮಾರ್ಗದರ್ಶಿಸಲಿ. ಗಳಿಕೆ ಮತ್ತು ಖರ್ಚು ಮಾಡುವುದಕ್ಕಿಂತ ಹೆಚ್ಚಿನ ಗುರಿಯಿಲ್ಲದ ಜೀವನ ಯಾವುದು? ಅರಿತು , ಗುರಿಯನ್ನು ಬೆಳೆಸಿಕೊಳ್ಳಿ ಮತ್ತು ಅನುಸರಿಸಿ….

ಸ್ವಾಮಿ ವಿವೇಕಾನಂದರು ನಿರಂತರತೆಗೆ ಒತ್ತು ನೀಡಿರುವುದನ್ನು ನೆನಪಿಸಿಕೊಳ್ಳಿ: "ಎದ್ದೇಳಿ, ಎಚ್ಚರಗೊಳ್ಳಿ ಮತ್ತು ಗುರಿಯನ್ನು ತಲುಪುವವರೆಗೆ ನಿಲ್ಲಬೇಡಿ." ಸೋಲಿನ ಭಯ ಬೇಡ, ಸೋಲಿನ ಭಯ ಬೇಡ, ಸೋಲು ಯಶಸ್ಸಿನ ಮೆಟ್ಟಿಲು. ನಿಮ್ಮ ಅದ್ಭುತ ಕಲ್ಪನೆಯು ನಿಮ್ಮ ಮನಸ್ಸಿನಲ್ಲಿ ಮೂಡುತ್ತದೆ, ಅದನ್ನು ನಿಮ್ಮ ಮನಸ್ಸಿನಲ್ಲಿ ನಿಲ್ಲಿಸಲು ಬಿಡಬೇಡಿ, ದಯವಿಟ್ಟು ಅದರೊಂದಿಗೆ ಪ್ರಯೋಗ ಮಾಡಿ, ಹೊಸತನವನ್ನು ಕಂಡುಕೊಳ್ಳಿ.

ನಾನು ನಿಮಗೆ ಒಂದು ಅಂತಿಮ ಆಲೋಚನೆಯನ್ನು ನೀಡಲು ಬಯಸುತ್ತೇನೆ. ವಿಕಸಿತ ಭಾರತ ಅಥವಾ ಅಭಿವೃದ್ಧಿ ಹೊಂದಿದ ಭಾರತವು ಕೇವಲ ಕನಸು ಅಥವಾ ಘೋಷಣೆಯಲ್ಲ. ಅದು ಯಾವುದೋ ಒಂದು ತಾಣವಾಗಿದೆ ಮತ್ತು ನಾವು ಅದರತ್ತ ಸಾಗುತ್ತಿದ್ದೇವೆ. ಇದು ಲಕ್ಷಾಂತರ ಯುವ ನಾಗರಿಕರಿಂದ ಆಹುತಿ , ತ್ಯಾಗ, ಅಥವಾ ಕೊಡುಗೆಗಳ ಅಗತ್ಯವಿರುವ ಮಹಾ ಯಜ್ಞವಾಗಿದೆ.

ನೀವು ಜೀವನದಲ್ಲಿ ಮುಂದೆ ಸಾಗುತ್ತಿರುವಾಗ, ಈ ಮಹಾಯಜ್ಞಕ್ಕೆ ನನ್ನ ಕೊಡುಗೆ ಏನು ಎಂದು ಒಮ್ಮೆ ಯೋಚಿಸಿಕೊಳ್ಳಿ. ನನ್ನ ದೇಶಕ್ಕಾಗಿ ನಾನು ಏನು ಮಾಡುತ್ತಿದ್ದೇನೆ? ನನ್ನ ಕೊಡುಗೆಯೇನು? ನೀವು ಇದನ್ನು ಸದಾ ನೆನಪಿನಲ್ಲಿಟ್ಟುಕೊಂಡರೆ, ಇದಕ್ಕೆ ನಿಮ್ಮ ಉತ್ತರ ಧೃವ ನಕ್ಷತ್ರವಾಗಿದ್ದರೆ, ರಾಷ್ಟ್ರವು ಶತಮಾನಗಳ ಹಿಂದೆ ಹೊಂದಿದ್ದ ವಿಶ್ವದ ನಂಬರ್ ಒನ್ ಸ್ಥಾನ-ಮಾನವನ್ನು ಪುನಃ ಪಡೆದುಕೊಳ್ಳಲಿದೆ.

ಆ ಚಿಂತನೆ ಮತ್ತು ಮಹಾಸ್ವಾಮೀಜಿಯವರ ಆಶೀರ್ವಾದ ನಿಮಗೆ ಮಾರ್ಗದರ್ಶನವಾಗಲಿ. ನಿಮ್ಮ ಮುಂದಿನ ಪ್ರಯತ್ನಗಳಿಗೆ ಶುಭ ಹಾರೈಸುತ್ತೇನೆ. ಜೈ ಶ್ರೀ ಗುರುದೇವ! ಜೈ ಶ್ರೀ ಗುರುದೇವ!

ಜಾಗತಿಕ ಜನಸಂಖ್ಯೆಯ ಆರನೇ ಒಂದು ಅಂಶದಷ್ಟು ಜನಸಂಖ್ಯೆಗೆ ನೆಲೆಯಾಗಿರುವ ಭಾರತದಂತಹ ಮಹಾನ್‌ ದೇಶದ ಸೇವೆಯಲ್ಲಿರಲು ನನ್ನನ್ನು ಸದಾ ಪ್ರೇರೇಪಿಸಲು, ನನ್ನನ್ನು ಪ್ರೋತ್ಸಾಹಿಸಲು ಹಾಗೂ ಇನ್ನೂ ಶಕ್ತಿಯುತವಾಗಿರಲು ಇಲ್ಲಿ ಪಡೆದಿರುವ ಆಶೀರ್ವಾದ ಯಾವತ್ತೂ ನನ್ನ ಜೊತೆಗಿರುತ್ತದೆ ಎಂದು ಭಾವಿಸುತ್ತೇನೆ 

ಧನ್ಯವಾದಗಳು.
 
 

*****

(Release ID: 2068409) Visitor Counter : 32