ঙসি দিল্লী য়ুনিভর্সিতীগী মেদিকেল ইন্সতিত্যুসন অমা ওইরিবা য়ুনিভর্সিতী কোলেজ ওফ মেদিকেল সাইন্সেস (UCMS) গী  53শুবা ফাউন্দেসন দে অমসুং কনভোকেসনদা কেন্দ্রগী হকশেল অমসুং য়াইফ-য়ুম্বালগী মন্ত্রী শ্রী জগৎ প্রকাশ নদ্দানা অখন্নবা মীথুংলেন ওইনা শরুক য়াখ্রে। মহাক্কা লোয়ননা দিল্লীগী লেফতেন্ত গভর্নর, শ্রী ভিনাই কুমার সক্সেনাসু শরুক য়াখি।

মীয়াম তিনখিবা অদুদা ৱা ঙাংলদুনা শ্রী নদ্দানা হেল্থকিয়র প্রোফেস্নেলশিংনা খুন্নাইদা পীরিবা মরুওইবা কন্ত্রিব্যুসনশিং অদু পনখি অমসুং গ্রেজুএৎশিংদা মখোয়গী থবকশিংদা মীনুংশি, ইকাইখুম্নবা অমসুং কত্থোকপা উৎনবা হায়খি। ভারতকী হেল্থকিয়র সিস্তেম মপাঙ্গল কনখৎহন্নবা অমসুং মেদিকেল সর্ভিসশিং মীপুম খুদিংমক্তা ফংহন্নবা সরকারগী অচেৎপা ফিরেপ অদু মহাক্না অমুক হন্না ফোংদোকখি। মহৈরোয়শিংদা ৱা ঙাংলদুনা মহাক্না হায়খি, "নখোয়গী হোৎনরিবশিং অসি 'ভিকসিৎ ভারত'কী ঐখোয়গী নেস্নেল ভিজন শেমগৎপদা মীৎয়েং থমগদবনি।"

কেন্দ্রগী হকশেল মন্ত্রীনা হায়খি মদুদি "বেসিক এজুকেসন অসি মীপুম খুদিংমক্কী পোকপদা য়াওরক্লবা হকনি অদুবু প্রোফেস্নেল এজুকেসন অসি খুন্নাই অসিনা মীওই খরা খক্তদা পীবা খুদোংচাবা অমনি।" MBBS মহৈরোই খুদিংগীদমক সরকারনা লুপা লাখ 30-35গী মরক্তা চাদিং তৌরি হায়না পল্লদুনা মহাক্না অনৌবা দোক্তরশিংদা মখোয়গী প্রোফেস্নেল কেরিয়রদা চংশিল্লকপদা হেন্না থৌদাং লৈবা ওইনবা হায়খি।

শ্রী নদ্দানা 2017তা কেন্দ্র সরকারনা নেস্নেল হেল্থ পোলিসীদা অহোংবা পুরকখিবা অদুগী মতাংদসু পাউদমখি। মসিনা হেল্থকিয়রগী মতাংদা হান্নগী ক্যুরেতিব এঙ্গেল অমখক্তদগী প্রিভেন্তিব, ইন্তিগ্রেতিব অমসুং ক্যুরেতিব হেল্থকেয়রগী মতাংদা হোলিস্তিক এপ্রোচ অমদা অহোংবা পুরকখি। মহাক্না হেল্থকিয়র সেক্তরদা হৌজিক্কী মতমদা ফংলিবা মায়পাকপশিং হায়বদি, AIIMS ২২ লিংখৎপা, অনৌবা মেদিকেল অমসুং নর্সিং কোলেজশিং, MBBS অমসুং MD সীত চাদা 100 হেনগৎহনখিবা অদু পনখি। মহাক্না মখা তারদুনা হায়খি মদুদি, “প্রধান মন্ত্রী শ্রী নরেন্দ্র মোদীনা মথংগী চহি মঙাদা মেদিকেল সীৎ 75,000 হেন্না হাপ্নবা ৱাশক লৌখি অমসুং ঐখোয়না মসি পাংথোক্লগনি”।

থৌরম অদুগী মনুংদা MBBS মহৈরোই 146, MD/MS মহৈরোই 185, B.Sc (MT) রেদিওলোজী মহৈরোই 17 অমসুং M.Sc (R&MIT)) মসিগী মথক্তা, মেদিকেল লেবোরেতরী তেক্নোলোজী (MLT) দা সর্তিফিকেৎ 4 পীখি। শ্রী নদ্দানা মেদিকেল সাইন্সেসকী লমদা অখন্নবা মায় পাকপগীদমক মেরিতোরিয়স মহৈরোইশিংদা এৱার্দশিংসু য়েন্থোকখি।

অনৌবা দোক্তরশিংবু থাগৎলদুনা, শ্রী বিনয় কুমার সক্সেনানা মখোয়গী তুংগী থবকশিংদা য়াইফ-পাউজেল পীখি। মহাক্না ফোংদোকখি মদুদি লৈবাক অসিদা হৌজিক থেংনরিবা অরুবা হকশেলগী শীংনবশিং অসি থেংনবদা UCMSগী হৈথোই-শিংথোইরবা অমসুং নুংশিজরবা হেল্থকেয়র প্রোফেস্নেলশিং শেমগৎনবা লেপ্পা লৈতনা হোৎনরিবা অসি থাগৎনিংঙাই ওই অমসুং মরু ওই হায়খি। মহাক্না হায়খি, “কনভোকেসন অসি UCMS কী লেমহৌদ্রবা লেগেসিবু শকখঙবনি”।

থৌরম অদু নীংশিংনবগীদমক, UCMSনা হৌখিবা চহিদা ফংখিবা একাদমিক এচিবমেন্তশিংবু ময়েক শেংনা তাক্লিবা অখন্নবা সোভিনিয়র অমসু রিলিজ তৌখি।

কনভোকেসন সেরিমোনী অসিনা গ্রেজুএৎশিং, ফেকল্তী অমসুং ইমুং মনুংগী মীওইশিংগীদমক চাউথোকচনীংঙাই ওইবা তাঞ্জা অমা ওইখি, মরমদি অনৌবা মেদিকেল প্রোফেস্নেলশিংনা ভারতকী মকোক থোংবা মেদিকেল ইন্সতিত্যুসন অমদগী লৌরকপা লৌশিং অমসুং হৈশিংবগা লোয়ননা মখোয়গী কেরিয়র হৌনবা শেম-শাদুনা লৈরি।

থৌরম অদুদা প্রোফেসর বলরাম পানী, দিল্লি য়ুনিভর্সিতীগী কোলেজকী দিকন; প্রোফেসর. (দাক্তর) মহেশ ভর্মা, UCMSগী গবর্নিং বোদীগী চেয়রপর্সন অমসুং গুরু গোবিন্দ সিংহ ইন্দ্রপ্রস্থ য়ুনিভর্সিতীগী ভাইস-চেঞ্চেলর; প্রোফেসর বি. শ্রীনিবাস নেস্নেল মেদিকেল কম্মিসন (NMC) গী সেক্রেতরী অমসুং দিপুতি দিরেক্তর জেনরেল (মেদিকেল এজুকেসন); দা. গিরিশ তিয়াগী, দিল্লী মেদিকেল কাউন্সিল (DMC) গী রেজিস্তারর অমসুং দিল্লী মেদিকেল এসোসিএসনগী প্রসিদেন্ত-ইলেক্ত, দোক্তর অমিতা সুনেজা UCMSকী প্রিন্সিপল অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংসু শরুক য়াখি।

***