صحت اور خاندانی بہبود کے مرکزی وزیر جناب جگت پرکاش نڈا نے یہاں آج یونیورسٹی کالج آف میڈیکل سائنسز (یو سی ایم ایس) کی 53 ویں یوم تاسیس اور کانووکیشن میں مہمان خصوصی کی حیثیت سے صدارت کی، جو دہلی یونیورسٹی کا ایک ذیلی طبی ادارہ ہے۔ ان کے ساتھ دہلی کے لیفٹیننٹ گورنر جناب وینائی کمار سکسینہ بھی موجود تھے۔

تقریب سے خطاب کرتے ہوئے، جناب نڈا نے صحت کی دیکھ بھال کے پیشہ ور افراد کی جانب سے معاشرے میں کیے جانے والے اہم کردار کو اجاگر کیا اور گریجویٹس سے کہا کہ وہ اپنے کام کو ہمدردی، دیانت داری اور لگن کے ساتھ انجام دیں۔ انہوں نے حکومت کے عزم کو دہراتے ہوئے ہندوستان کے صحت کے نظام کو مضبوط کرنے اور طبی خدمات کو سب کے لیے قابل رسائی بنانے کی یقین دہانی کرائی۔ طلباء سے خطاب کرتے ہوئے انہوں نے کہا کہ آپ کی کوششیں ہمارے قومی وژن ’وِکست بھارت‘ کی تشکیل پر مرکوز ہونی چاہئیں۔‘‘

مرکزی وزیر صحت نے کہا کہ ’’بنیادی تعلیم ہر ایک کا پیدائشی حق ہے، لیکن پیشہ ورانہ تعلیم ایک ایسا حق ہے جو معاشرہ صرف چند لوگوں کو عطا کرتا ہے۔‘‘ انہوں نے یہ بھی اجاگر کیا کہ حکومت ہر  ایم بی بی ایس طالب علم پر 30-35 لاکھ روپے خرچ کرتی ہے۔ انہوں نے نئے ڈاکٹروں سے کہا کہ وہ اپنے پیشہ ورانہ کیریئر کا آغاز کرتے ہوئے زیادہ ذمہ داریوں کو قبول کریں۔

جناب نڈا نے مرکزی حکومت کی جانب سے 2017 میں قومی صحت پالیسی میں کی گئی تبدیلیوں کے بارے میں بھی آگاہ کیا، جس نے صحت کی دیکھ بھال کو صرف علاج کے زاویے سے ایک جامع نقطہ نظر کی طرف منتقل کر دیا جو حفاظتی، انضمامی اور علاج کی دیکھ بھال دونوں کو مدنظر رکھتا ہے۔  انہوں نے صحت کی دیکھ بھال کے شعبے میں حالیہ کامیابیوں پر بھی زور دیا جن میں 22 ایمس کا قیام، نئے میڈیکل اور نرسنگ کالج، ایم بی بی ایس اور ایم ڈی کی نشستوں میں 100 فیصد سے زیادہ اضافہ وغیرہ شامل ہیں۔ انہوں نے مزید کہا کہ ’’عزت مآب وزیر اعظم جناب نریندر مودی نے اگلے پانچ سالوں میں مزید 75,000 میڈیکل سیٹیں بڑھانے کا وعدہ کیا تھا اور ہم اسے کرنے جا رہے ہیں۔‘‘

تقریب کے دوران 146 ایم بی بی ایس طلباء، 145 ایم ڈی / ایم ایس طلباء، 17 بی ایس سی (ایم ٹی) ریڈیالوجی کے طلباء، اور 4 ایم ایس سی (آر اینڈ ایم آئی ٹی) کے طلباء کو ڈگریاں دی گئیں اور 62 انعامات تقسیم کیے گئے۔ اس کے علاوہ، 4 سرٹیفکیٹس میڈیکل لیبارٹری ٹیکنالوجی (ایم ایل ٹی) میں دیے گئے۔ جناب نڈا نے میڈیکل سائنسز کے میدان میں غیر معمولی کامیابیوں کے لیے باصلاحیت طلباء کو انعامات بھی تقسیم کیے۔

نئے ڈاکٹروں کو مبارکباد دیتے ہوئے جناب وینائی کمار سکسینہ نے ان کے مستقبل کی کوششوں کے لیے اپنی بہترین خواہشات کا اظہار کیا۔ انہوں نے کہا کہ یو سی ایم ایس کا قابل اور ہمدرد صحت کے پیشہ ور افراد کی پرورش کے لیے مستقل عزم قابل ستائش اور ملک کی جاری پیچیدہ صحت کے چیلنجز کا مقابلہ کرنے کے لیے اہم ہے۔ انھوں نے کہا کہ ’’یہ کانووکیشن یو سی ایم ایس کی انتھک وراثت کی پہچان ہے۔‘‘

اس تقریب کو یادگار بنانے کے لیے ایک خصوصی سوینئر بھی جاری کیا گیا، جس میں پچھلے سال کی یو سی ایم ایس کی تعلیمی کامیابیوں کو اجاگر کیا گیا۔

یہ کانووکیشن تقریب گریجویٹس، فیکلٹی اور خاندان کے افراد کے لیے ایک فخر کا لمحہ تھا، کیونکہ نئے طبی پیشہ ور افراد ہندوستان کے ایک ممتاز طبی ادارے سے حاصل کردہ علم اور مہارت کے ساتھ اپنے کیریئر کا آغاز کرنے کے لیے تیار ہیں۔

تقریب میں پروفیسر بالارام پانی، ڈین آف کالجز، دہلی یونیورسٹی؛ پروفیسر (ڈاکٹر) مہیش ورما، یو سی ایم ایس کے گورننگ باڈی کے چیئرپرسن اور گرو گووند سنگھ اندراپرستھ یونیورسٹی کے وائس چانسلر؛ پروفیسر بی سری نیواس، قومی طبی کمیشن (این ایم سی) کے سکریٹری اور ڈپٹی ڈائریکٹر جنرل (میڈیکل ایجوکیشن)؛ ڈاکٹر گریش تیاگی، دہلی میڈیکل کونسل (ڈی ایم سی) کے رجسٹرار اور دہلی میڈیکل ایسوسی ایشن کے پریسیڈنٹ- الیکٹ؛ ڈاکٹر امیتا سنیجا، یو سی ایم ایس کی پرنسپل اور مرکزی وزارت صحت کے سینئر اہلکار موجود تھے۔

******

ش ح۔ا س ک ۔ م ر

U-NO.1728