সিক্কিম সরকার অমসুং ভারত সরকারগী কমর্স অমসুং ইন্দস্ত্রী মন্ত্রালয়গী মখাদা লৈবা গোবর্নমেন্ত ই মার্কেতপ্লেস (GeM)না গুদস অমসুং সর্বিসেসকী পব্লিক প্রোক্যুওরমেন্তকীদমক্তা সিক্কিম সরকারগী বায়র দিপার্তমেন্তশিংগী মরক্তা GeM শিজিন্নবা হেনগৎনবগী মাইকৈদা থবক তৌনবা ঙসি সিক্কিমগী গেঙতোক্তা মেমোরেন্দম ওফ অন্দস্তেন্দিং (MoU) অমা খুৎয়েক পীনখ্রে। সিক্কিম সরকার অমসুং GeMগী মরক্তা MoUগী খুৎয়েক পীনখিনা অসিনা গুদস অমসুং সর্বিসেসকী পব্লিক প্রোক্যোরমেন্ত তৌবদা য়াম্না এফিসিয়েন্ত, ত্রান্সপরেন্ত অমসুং ইনক্লুসিব ওইবা মওংদা পাংথোকপদা মতেং পাংলিবা অমা ওইনা তোঙান-তোঙানবা সরকারশিংগা GeMগা খুৎশম্নদুনা থবক তৌমিন্নবদা য়াম্না অচৌবা মাইপাকপা অমনি। মসিগী MoU খুৎয়েক পীনখিবা অসিগা লোইননা, GeMনা ভারতকী রাজ্যশিং অমসুং য়ু.তি.শিং পুম্নমক য়ৌবা ঙম্লে।

MoUগী খুৎয়েক পীনবগী থৌরম অসি সিক্কিম সরকারগী চীফ সেক্রেতরী, শ্রী ৱিজয় ভুশন পাথক, IASনা ময়াই তাংবল লৌখি। GeMগী মাইকৈদগী, MoU অদু চীফ বায়র ওফিসর (রাজ্যশিং অমসুং য়ু.তি.শিং), শ্রী এ.ভি. মুরালিধরন্না খুৎয়েক পীখি, অদুগা সিক্কিম সরকারগী মাইকৈদগী সিক্কিম সরকারগী ওম দিপার্তমেন্তকী একাউন্তস ওফিসর, শ্রী তরুন কুমার শর্মানা মীহুৎ ওইখি। সিক্কিমগী GeM দাইরেক্তর অমসুং নোদল ওফিসর, শ্রী অমরদীপ গুপ্তা, GeMগী দেপ্যুতী দাইরেক্তর (স্তেতস), শ্রী আশুতোশ কুমার অমসুং সিক্কিমগী GeM কন্সলতেন্ত, শ্রী এনোশ কুমারশু থৌরম অদুদা শরুক য়াখি।

২০২৪গী ওক্তোবর ২৩দা সিক্কিম সরকারদগী বায়রশিংনা চাউরাক্না লুপা করোর ৯০গী প্রোক্যোরমেন্ত তৌখি। MoU অসি খুৎয়েক পীনখিবগা লোইননা, GeM অখন্নবা ত্রেনিং, হেন্দওলদিং, কেপাসিতী বিল্দিং প্রোগ্রামনচিংবা কয়া শিন্দুনা স্তেত বয়রগী দিপার্তমেন্তশিং/ওর্গনাইজেশনশিংবু মখাতানা ফেসিলিতেত তৌরগনি।

হৌজিক হৌজিক সিক্কিমদা লৈবা সেলর ৩,০৭৮না GeM পোর্তেলদা য়াওখ্রে। মসিগী মনুংদা সেলর ২৭২০না “মাইক্রো” সেলরশিং ওইনা রেজিস্তর তৌখ্রে। GeM পোর্তেলগী খুত্থাংদা, সিক্কিমদা লৈবা সেলরশিংনা কেন্দ্র সরকার, সিক্কিম রাজ্য, অতোপ্পা রাজ্য সরকারশিং, CPSEনচিংবশিংদগী পোৎলমশিং লৈদুনা ফংবা বিদশিংদা এক্সেস ফংলগনি অমসুং লুপা করোর ১৮২ রোমগী ওর্দরশিং পীখি। মতুং তারকপদা, GeMনা সিক্কিম সরকারগী MSME দিপার্তমেন্তকা খুৎশম্নদুনা GeM পোর্তেলদা অহেনবা সেলরশিং য়াওহন্নবগীদমক্তা য়াওহনবগী থৌরম অমা পাংথোক্লগনি।

GeM অসি কোওপরেতিবশিংদগী বায়রশিং য়াওনা কেন্দ্র সরকার, সেন্ত্রেল পব্লিক সেক্তর অন্দরতেকিংশিং (CPSUs), রাজ্য সরকারশিং অমসুং মরি লৈনবা দেপার্তমেন্তশিংগীদমক্তা গুদস অমসুং সর্বিসেস প্রোক্যোরমেন্ত তৌনবগীদমক্তা ৱান-স্তোপ ওনলাইন প্লেতফোর্ম অমনি। GeMনা তেক্নোলোজী শিজিন্নদুনা পব্লিক প্রোক্যোরমেন্ততা য়াম্না চাউবা অহোংবা অমা পুরকখ্রে অমসুং পব্লিক প্রোক্যোরমেন্ত প্রোসেস অসিবু হেন্না এফিসিয়েন্ত ওইহন্নবা, ত্রান্সপরেন্ত ওইহন্নবা অমসুং ইনক্লুসিব ওইহন্নবা হোৎনরি। ২০২৩-২৪গী ফাইনান্সিয়েল য়িয়র অসিদা GeMগী খুত্থাংদা গুদস অমসুং সর্বিসেসকী প্রোক্যোরমেন্ত তৌবা অদু লুপা করোর লাখ ৪ হেনখ্রে, মসিমক য়াম্না চাউবা মাইপাকপা অমনি। মখোয়গী খ্বাইদগী মরু ওইবা স্তেকহোলদরশিং-সরকারগী বায়রশিং অমসুং সেলরশিংগী সপোর্ত অমসুং থাজবনা মরম ওইরগা GeMনা FY ২০২৪-২০২৫গীদমক্তা হেন্না ৱাংবা প্রোক্যোরমেন্তকী অচৌবা মশিং য়ৌবা ঙম্লগনি।

GeMনা রাজ্যশিংগী বায়রশিং অমসুং লোকেল সেলরশিংবু মসিদা য়াওহন্নবগী ওআন্দমদা পোর্তেল অসিগী খুত্থাংদা প্রোক্যোরমেন্ত হেনগৎহনবদা রাজ্যশিংগী মতেং পাংনবা মাইকৈদা য়াম্না কন্না হোৎনরি। GeMনা রাজ্য সরাকরগী বায়রশিংগী মরক্তা GeM শিজিন্নবা হেনগৎনবা কন্সলতেন্তশিং, ওফিসরশিং অমসুং বিজনেস তৌরিবশিংগী তীম অমা থাদোকখ্রে।

GeM পোর্তেল অসিগী খুত্থাংদা প্রোক্যোরমেন্ত তৌবগী থৌওংদা ত্রান্সপরেন্সী অমসুং ইনক্লুসিবিতী য়াম্না হেনগৎলক্লে, মসিনা মরম ওইরগা রাজ্য সরকারশিংগী শেল চংবগী চাং য়াম্না হন্থহল্লে। মার্কেতপ্লেস লৈবা অমসুং রেভর্স ওক্সন লৈবা অপুনবগী পোর্তেল অমা ওইবনা GeM অসি তেন্দর থোকপা পোর্তেল ওইবা খক্তা নত্তনা এন্দ-তু-এন্দ প্রোক্যোরমেন্ত সোল্যুশন খুদম ওইনা দাইরেক্ত পর্চেজ, L1 পর্চেজ (কোতেশন অহুমদা য়ুমফম ওইবা সিস্তেমগা মান্নবা), বিদদিং তৌবা, রিভর্স ওক্সননচিংবশিং অসিশু পী।

*****

(Release ID: 2067998) Visitor Counter : 9