ITU-WTSA ২০২৪দা, দিজিতেল দিভাইদ লৈহন্দবা, অমসুং নৌনা থোরক্লিবা তেক্নোলোজীশিংনা চাকথুং ফিথুংদ্রবা মীওই কাঙলুপশিংগা কমদৌনা মরী শম্নহনগদগে হায়বসিদা মীৎয়েঙ থমদুনা নুমিৎ হুম্নি চত্থরকখিবা ITU কালৈদোস্কোপ-২০২৪না ঙরাং লোইশিনখ্রে‍। নুমিৎ অদুদা অহেন্বা ওইনা স্তেন্দর্দাইজেসন্দা নহাশিংগী থৌদাংগী মরমদা খন্নবগী থৌরম অমা য়াওদুনা মহৈরোয় অমসুং নহা ওইরিবা প্রোফেস্নেলশিংনা মালেমগী স্তেন্দর্দাইজেসন থৌরাংদা মথঙগী মীরোলশিং কমদৌনা শরুক য়াহনগদগে হায়বগী মখোয়গী মীৎয়েঙশিং ফোঙদোক্নখি‍।

মিস্তর রোহিত শর্ম, মেম্বর (সর্ভিসেস), দিজিতেল কম্ম্যুনিকেসন্স কম্মিসন, দিপার্তমেন্ত ওফ তেলিকম্ম্যুনিকেসন্স, গভর্নমেন্ত ওফ ইন্দিয়ানা “হাও তু রেসপোন্দ ক্বান্তম থ্রেতস এন্দ ইতস স্তেন্দর্দাইজেসন ত্রেন্দ: ক্বান্তম কী দিস্ত্রিব্যুসন এন্দ পোস্ত ক্বান্তম ক্রীপ্তোগ্রাফী” হায়বা হীরমসিদা পাঙথোকখিবা সেসন চেয়র তৌখি‍। প্রোফেসর হিয়ুং য়োল য়োম, চেয়রমেন ওফ ITU-T স্তদী গ্রুপ ১৭ না মহাক্কী কীনোত এদ্রেসতা ক্বান্তম কম্প্যুতিংনা পীরিবা সাইবরসিক্যুরিতীগী শিংনবশিং পুখৎলদুনা পোস্ত-ক্বান্তম ক্রীপ্তোগ্রাফীআ স্তেন্দর্দাইজেসনগী মথৌ তাবশিংগী মরমদা ফোঙদোকখি‍।

মিস্তর রোহিত শর্ম, মেম্বর (সর্ভিসেস), দিপার্তমেন্ত ওফ তেলিকম্ম্যুনিকেসন্সনা মহাক্কী হৌদোকপগী ৱারোলদা হায়খি, “ঐখোয়না দিজিতেল এজকী শিংনবশিং থেংনবগা লোয়ননা, ক্বান্তম কম্প্যুতিং থোরকপনা য়াম্লবা খুদোংচাবশিং অমসুং অচৌবা খুদোংথিবশিংসু পুরক্লি‍। তেক্নোলোজী অসিনা ক্রীপ্তোগ্রাফী অমসুং সিক্যুর কম্মুনিকেসন্সনচিংবা হীরমশিংদা অনৌবা য়াওল পুরক্নবা মতিং লৈজরবসু, মসিনা অনৌবা শিংনবশিংসু পুরক্লি অমদি মসি মালেমগী থাক্তা থেংনবা মথৌ তাই‍। ক্বান্তম কী দিস্ত্রিব্যুসন (QKD) স্তেন্দর্দাইজ তৌবা অমসুং পোস্ত-ক্বান্তম ক্রীপ্তোগ্রাফী শেমগৎপা অসি অসিগুম্বা তেক্নোলোজীগী অহোংবা অসিগীদমক শেম শাবগী খোঙথাং অমনি‍। মসিগী মথক্তা, মালেমগী কম্ম্যুনিতীশিংগা খুৎশম্ননা চৎমিন্নবনা ঐখোয়গী কম্ম্যুনিকেসন সিস্তেমবু ফ্যুচর-প্রুফ ওইহনগনি‍।”

হুম্নি শুবা নুমিৎকী অহান্বা পেনেল – “কন্নেক্তিং দি রিমেনিং ৩ বিলিয়ন” অসিনা মালেমগী দিজিতেল দিভাইদ মেনখৎনবা মরুওইবা ৱাফমশিংদা মীৎয়েঙ থমখি‍। কিং অব্দুল্লাহ য়ুনিভর্সিতী ওফ সাইন্স এন্দ তেক্নোলোজী (KAUST), সাইদি অরাবিয়াগী প্রোফেসর মোহমদ-স্লিম অলুইনিনা ৱাতেমখিবা ওইখিবা সেসন অদুদা এলি জু, মার্কেতিং এন্দ পোলিসী লীদ – তারা এৎ X অমসুং সত্য এন. গুপ্তা, সেক্রেতরী জেনেরেল, ITU-APT ফাউন্দেসন ওফ ইন্দিয়াসু য়াওখি‍। সত্য এন. গুপ্তানা পব্লিক Wi-Fi শীজিন্নদুনা খুঙ্গংগী মীওইশিংদা অতাবা মমলদা ইন্তরনেত এক্সেস ফংহন্নবা থৌশিল অমা ওইরিবা PM-Wani (প্রাইম মিনিস্তর Wi-Fi এক্সেস নেতৱর্ক ইন্তরফেস) কী মরমদা পুখৎখি‍। মহাক্না অসিগুম্বা হেন্না পাকথোক চাউথোকহন্বা য়াবা মোদেল অসি মালেমগী ওইনা দিজিতেল ইনক্লুজন পুরক্নবা অমসুং দিজিতেল দিভাইদ মেনখৎনবা মতৌ করম্না শীজিন্নবা য়াগদগে হায়বগী মতাঙদা ৱাফম কয়া থমখি‍।

“য়ুথ এন্দ স্তেন্দর্দাইজেসন” কৌবা অনিশুবা পেনেল অদুনা তেলিকম্ম্যুনিকেসন্স স্তেন্দর্দ্স দিভেলপমেন্তদা নহাশিংগী থৌদাংদা মীৎয়েঙ চঙখি‍। ই-লর্নিং, সিক্যুরিতী, তেলিকম্ম্যুনিকেসন্স, অমসুং IoTTগী ইন্তরনেস্নেল এক্সপর্ত মিস্তর শরদ অরোরানা দি রোল ওফ স্তেন্দর্দ্স এন্দ স্তেন্দর্দাইজেসন হায়বা হীরমসিদা প্রজেন্তেসন পীখি, অদুগা ITU তেলিকম্ম্যুনিকেসন স্তেন্দর্দাইজেসন ব্যুরোগী তেলিকম্ম্যুনিকেসন স্তেন্দর্দাইজেসন পোলিসী দিপার্তমেন্তকী প্রোগ্রাম ওফিসর মিস্তর থোমাস বাসিকোলোনা ITU স্তেন্দর্দাইজেসন ৱর্ক এন্দ ইতস ইন্তরনেস্নেল সস্তেন্দর্দ্স হায়বা হীরমসিদা প্রজেন্তেসন অমা পীখি‍। মসিগী মথক্তা, পেনেল সেসন অমা পাঙথোক্তুনা দিপার্তমেন্ত ওফ তেলিকম্ম্যুনিকেসন্সকী ADG-দিজিতেল ইন্তলিজেন্স, মিস কুমুদ জিন্দলনা ৱাতেমখি‍। সোনালি গর্গ, মেনেজর-স্তেন্দর্দ্স এন্দ রীছর্চ গ্রুপ, HFCL; ভিনিত রঞ্জন, ADG-ৱাইয়রলেস ফাইনান্স; দিক্সা ধিমন, ADET- NTIPRIT; অমসুং অক্সত শ্রিভাস্তব, B.Tech ফাইনেল ইয়রগী মহৈরোয়, IIT-দিল্লীনা পেনেলিস্ত ওইখি‍। সেসন অসিনা 5G, AI, অমসুং ক্বান্তম কম্ম্যুনিকেসন্সনচিংবা নৌনা থোরক্লিবা তেক্নোলোজীশিংগী মালেমগী স্তেন্দর্দশিং তুংলমচৎ শেম্বদা নাশিংনা শরুক য়াবা হেনগৎহনবগী মথৌ তাবা ৱাফমশিং ফোঙদোক্নখি‍। সেসন অদু ইনক্লুজিব অমসুং সিক্যুর ওইবা দিজিতেল ফ্যুচর অমা শেমগৎপদা মথঙগী মীর,লনা ইচঙ থৌনা থৌদাং য়াহন্নবগীদমক মালেমগী লূপশিংদা নহাশিং শরুক য়াবগী চাং হেনগৎহন্নবা ৱাফম ফোঙদোক্নদুনা লোইশিনখি‍।

দিলেল জমৌসী, দিপুতী তু দি দাইরেক্তর এন্দ চীফ ওফ তেলিকম্ম্যুনিকেসন স্তেন্দর্দাইজেসন পোলিসী দিপার্তমেন্তনা মহাক্কী সেসন অদুগী ৱাহৌদোক্তা হায়খি, “স্তেন্দর্দাইজেসসন প্রোসেসতা নহাশিংনা শরুক য়াবনা ইনোভেসন পুরকপদা নত্তনা স্তেন্দর্দ ইসেন্সিএল পেতেন্তশিং শেমগৎপা য়াওনা খুদোংচাবা কয়াগী থোঙ হাংদোক্কনি‍। মসিনা রিকোগনিসন অমসুং ফাইনেন্সিএল বেনিফিতশিং অনিমক পুরক্কনি‍। স্তেন্দর্দাইজেসন প্রোসেসতা শরুক য়াশিনবনা, অদোম্না মালেমগী পাম্বৈ পুথোকপদা থৌদাং য়াবতা নত্তনা অদোমবু তুংগী মায় পাকপা ভেঞ্চরশিং লমজিংনবা মফমদা থমগনি‍।”

কনফরেন্স অদু রেদিওকম্ম্যুনিকেসন ব্যুরো (BR)​, ITUগী দাইরেক্তর মারিও মনিৱিক, অমসুং নেস্নেল কম্ম্যুনিকেসন একাদমী, দিপার্তমেন্ত ওফ তেলিকম্ম্যুনিকেসন্সকী দাইরেক্তর জেনেরেল অমসুং কালৈদোস্কোপ ২০২৪গী জেনেরেল চেয়রমেন দেব চক্রবর্তীনা লমজিংদুনা লোইশিনবগী থৌরম অমা পাঙথোক্তুনা লোইশিনখি‍। CHF ৬০০০গী মনা খ্বায়দগী ফবা রীছর্চ পেপর অহুমদা লান্থোকখি‍। নহা অইবশিংগী সর্তিফিকেত খনগৎলবা পেপরশিংগী নহা অইবা ১৮দা পীখি‍। তোপ তোপ্না থাগৎলকখিবশিংগী মনুংদা, প্রোজেক্ত অহুমদা মখোয়গী তোপ তোপ্পা কন্ত্রিব্যুসনগীদমক মকোক থোংবা ইকায়খুম্নবা উৎখি‍।

নেস্নেল কম্ম্যুনিকেসন একাদমী, গাজিয়াবাদ, দিপার্তমেন্ত ওফ তেলিকম্ম্যুনিকেসন্সকী দাইরেক্তর জেনেরেল অমসুং কালৈদোস্কোপ ২০২৪গী জেনেরেল চেয়রমেন দেব চক্রবর্তীনা, মহাক্কী লোইশিনবগী ৱারোলদা হায়খি, “থৌরম অসিনা থোত লীদরশিংদা তেলিকোমগী তুংলমচৎকী মরমদা মখোয়গী ৱাখল্লোন শেয়র তৌনবা তোপ তোপ্পা ফম্পাক অমা ফংহনখি, অমসুং ঐহাক্না কালৈদোস্কোপ মনা ফংলিবা অমসুং শরুক য়াখিবা পুম্নমক্কী মফমদা নুংঙাইবা ফোঙদোকচরি‍। খেন্নবা মখলগী প্রজেন্তেসনশিং অসিনা মালেমগী দিজিতেল লেন্দস্কেপ শেম্বদা অমসুং মরুওইবা শিংনবশিং থেংনবদা 6G, IoT, AI, অমসুং ক্বান্তম কম্প্যুতিংনচিংবা তেক্নোলোজীশিংগী মরুওইবা থৌদাংশিং উৎখি‍। ফোঙদোক্নখিবা ৱাফমশিংদুনা তুংগী লাল্লোং লমজিংগনি, তেলিকোম নেতৱর্ক্কী ফীভম ফগৎহনগনি, অমসুং মীওই মিলিয়ন কয়া মপাঙ্গল হাপ্তুনা হেন্না ইনক্লুজিব অমসুং সস্তেনেবল ওইবা মালেম অমা পুরকপদা থৌদাং য়াগনি‍।”

১বা মনা ওক্সফোর্দ কলেজ ওফ ইঞ্জিনিয়রিং, ইন্দিয়াগী প্রীতা শরন অমসুং অনুপ এম. উপধ্যায়গা ওক্সফোর্দ কলেজ ওফ ফীজিওথেরাপী, ইন্দিয়াদগী লার. বসন্থনগনা শেমগৎপা আর্তিফিসিএল দ্রিভন তিল্ত সেন্সর-বেজ স্মার্ত দ্রিঙ্কিং দিভাইস ফোর স্ত্রোক সর্ভাইবর্সতা পীখি‍। ২শুবা মনানা অন্না য়ুনিভর্সিতী, ইন্দিয়াদগী ধনঞ্জয় কুমার, মেহল সক্তি এম.এস. অমসুং সৌবার্নিগা কে.এস.কা নেস্নেল ইন্সতিত্যুৎ ওফ ইনফোর্মেসন এন্দ কম্ম্যুনিকেসন্স তেক্নোলোজী, জাপান্দগী বেদ পি. কাফ্লেগা পুন্না শেমগৎমিন্নবা এল্দরলী ৱেলনেস কম্পেনিয়ন ৱিথ ভোইস এন্দ ভিদিও-বেজ হেল্থ এনোমেলী দিতেক্সনদা পীখি‍। ৩শুবা মনানা খ্রাইস্ত য়ুনিভর্সিতী, ইন্দিয়াদগী গোবি রামাসামী, অরোকিয়া পোল রজন, অমসুং প্রিয়াদর্সিনি রেঙ্গসামীগা য়ুনিভর্সিতী ওফ ৱেস্তর্ন কেপ, সাউথ অফ্রিকাদগী এন্তোইন বগুলাগা পুন্না শেমগৎমিন্নবা অল্ফা-বিত: এন এন্দ্রোইদ এপ ফোর ইনহেন্সিং পেত্তর্ন রিকোগনিসন য়ুজিং CNN এন্দ সিক্বেন্সিএল দীপ লর্নিংদা পীখি‍।

থৌরম অদুনা মরুওইনা ইনক্লুজিবিতী অমসুং এক্সেসকী খুত্থাঙদা গ্লোবেল দিজিতেল ত্রান্সফোর্মেসন ফংনবগীমক মখা তানা খুৎশম্ননা চৎমিনন্বগী মরুওইবা ৱাফমশিং থম্নখি‍।

ITU কালৈদোসস্কোপকী মরমদা

ITU কালৈদোস্কোপ অসি একাদমিয়া অমসুং ইন্দস্ত্রীগী মরক্তা লৈরিবা লৈরিবা অহোবা মেনশিন্বা, তেলিকম্ম্যুনিকেসন্স তেক্নোলোজীশিংগী মালেমগী স্তেন্দর্দাইজেসন্দা থৌদাং য়ানবা ৱাখল্লোন তাথোক তাশিন তৌবগী থৌওং য়োকখৎনবা মরুওইবা চহিগী ওইনা পাঙথোকপা থৌরম অমনি‍। ২০০৮দা অহান্বা হৌরকখিবদগী, কালৈদোস্কোপ অসি রীছর্চর অমসুং ইনোভেতরশিংনা মখোয়গী খ্বায়দগী ফবা থবকশিং পুথোক্নবা মফম অমা পীরিবা দিজিতেল কম্ম্যুনিকেসন্সকী তুংলমচৎ খন্ননবা খ্বায়দগী হেন্না ইথিল পীবা ফম্পাক অমা ওইরে‍।

ITU কালৈদোস্কোপ ২০২৪গী ওফিসিএল ৱেবসাইত https://www.itu.int/en/ITU-T/academia/kaleidoscope/2024/Pages/default.aspx তা চঙবিয়ু নৎত্রগা গুগলদা ইচম চম্না গুগলদা ITU Kaleidoscope 2024 তাইপ তৌবিয়ু অমসুং অহান্বা থোক্লিবা ৱেবসাইত অদুদা চঙবিদুনা থৌরমশিং, ৱাঙাংলোয়শিং, অমসুং সেসনশিংগী মরমদা মচা খায়বা ৱারোল উবা ফংবিগনি‍।

WTSA ২০২৪গী মরমদা:

ইন্তরনেস্নেল তেলিকম্ম্যুনিকেসন য়ুনিয়ন (ITU)না পাঙথোকপা WTSA ২০২৪ অসিনা মালেমগী তেলিকম্ম্যুনিকেসন্স স্তেন্দর্দ্স শেমগৎপা অমসুং পায়খৎনবগী ফম্পাক অমা ওইদুনা, মালেম পুম্বগী ওইনা তেলিকম্ম্যুনিকেসসন্সকী তুংলমচৎ শেম্নবগীদমক রিগুলতরশিং, ইন্দস্ত্রী লীদরশিং, অমসুং পোলিসীমেকরশিং পুনশিল্লি‍।

*****