کرم یوگی سپتاہ/ قومی تعلیمی ہفتہ  کے دوران، چیئرمین، سی بی آئی سی کے چیئر مین  جناب  روی اگروال نے سی بی آئی سی میں طرزعمل کی آگاہی کے پروگرام کا ملک گیر آغاز  کیا۔ اس پہل کوسی بی آئی سی  کے تمام 32 زونوں میں 52 بیچوں  کی شمولیت سے  شروع کیا گیا ہے۔

 

 

اس اہم پہل  کا مقصد طرز عمل کی آگاہی  کے  تربیتی پروگرام کے ذریعے اپنی افرادی قوت کی صلاحیتوں کو بہتر کرنا ہے ۔ یہ پروگرام تقریباً 35,000 اہلکاروں کو مختلف سطحوں پر تربیت دینے کے لیے ڈیزائن کیا گیا ہے، جن میں  انسپکٹرز، سپرنٹنڈنٹ، اسسٹنٹ کمشنرز، اور ڈپٹی کمشنرز شامل ہیں۔ پروگرام کے ڈیزائن اور نفاذ میں مدد کرنے کے  واسطے  ایک ایکسٹرنل  نالج پارٹنرکی خدمت لی گئی ہے تاکہ  اس بات کو یقینی بنایا جائے کہ یہ تربیتی پروگرام  جامع اور اثر انگیز ہو۔

 

 

مزید برآں، این اے سی آئی این  اور زیڈ ٹی آئی سمیت  تمام زونز کی شمولیت، اس  پہل کو کامیاب کرنے کے لیے اہم ہوگی۔ طرز عمل کی مہارتوں اور آگاہی  پر توجہ مرکوز کرکے  اس  پروگرام کا مقصد  نظم ونسق کے لیے زیادہ ذمہ دار اور ہمدردانہ طرز عمل   کو فروغ دینا ہے، جس کے نتیجے میں  خدمات کی فراہمی اور عوامی رابطے کو بہتر بنانے کا ہدف پورا ہوسکتا  ہے۔  اس اقدام سے مسلسل پیشہ ورانہ ترقی اور ان پالیسیوں کے موثر نفاذ کے تئیں سی بی آئی سی کی عہد بندی  کی نشاندہی ہوتی ہے  جو کرم یوگی پہل کے وسیع تر اہداف سے ہم آہنگ ہے۔

 

 

****

ش ح۔م  ش ع۔ خ م

U NO:1673

(रिलीज़ आईडी: 2067659) आगंतुक पटल : 64