কোরিয়র এক্সপ্রেস অমসুং পার্সেল (সি.ই.পি.) মার্কেত্তা অনৌবা খুমাং চাউশিনবা কয়া অসিগা খোঙজেল মান্ননবা হোৎনরদুনা পোস্ত বিভাগনা ওক্তোবর ২১, ২০২৪ দা অরুনাচল প্রদেশকী নমসাই অমসুং লোহিত জিলাদা মথং শিৎনা লৈরিবা চৌখম পোস্ত ওফিস (পি.ও.) অমসুং ৱাক্রো ব্রাঞ্চ পোস্ত ওফিস (বি.ও.) দা অয়ুক পুং ১০.৪০দা চৌখম পি.ও.দগী দ্রোন অমা এয়রলিফ তৌদুনা ৱাক্রো বি.ও.দা অয়ুক পুং ১১.০২দা বি.ও.গী চিথী অমা পুদুনা প্রুফ ওব কন্সেপ্ত অমা হৌখ্রে। হল্লকপগী খোঙচৎতা,দ্রোন অসিনা ৱাক্রো বি.ও. দগী অয়ুক পুং ১১.০৪ দা দ্রোন অমা এয়রলিফ তৌদুনা নুমিৎ য়ুং পুং ১২.০৮তা চৌখম পি.ও.দা থুংখি। পোস্ত বিভাগনা স্কাই এয়র মোবিলিতী প্রাইবেত লিমিতেদকা খুৎশম্নদুনা পি.ও.সি. অসি পায়খৎখি। ৱাক্রো বি.ও. অসি চৌখম পি.ও.দগী কিলোমিতর ৪৫ লাপ্না লৈ। অদুমওইনমক, চীংগী মফম ওইনা তৌবনা চৌখম পি.ও.দগী ৱাক্রো বি.ও. ফাওবদা চিথি পুথোক পুশিন তৌবগী মতম অসি অরুনাচল প্রদেশ স্তেত ত্রান্সপোর্ত সর্ভিসকী বসকী খুত্থাংদা পুবনা পুং ২ দগীনা ২­ ^১/_২ ফাওবা চঙই। অকোইবদা অকাইবা পীদবা দ্রোনশিংনা চিথী পুবগী থবক অসিনা চৌখম পি.ও.দগী ৱাক্রো বি.ও. ফাওবদা চিথী পুথোক পুশিন তৌবদা চঙবা মতম অসি মিনৎ ২২ দগী ২৪ ফাওবা হন্থবদা মতেং ওইরে। দ্রোন্দা পুথোক পুশিন তৌবনা মতম হন্থহনবদা নত্তনা দিপার্ত অসিগী চিথীশিং পুথোক পুশিন তৌবদা ত্রেকিং তৌবসু নুংঙাইহল্লে। পি.ও.সি. অসিনা দিপার্ত্মেন্ত অসিবু ৱাক্রো বি.ও.দা সর্ভিস পীবদা ফগৎহল্লগনি। পোস্ত বিভাগনা পি.ও.সি. অসিনা মায় পাক্না পাঙথোক্লবা মতুংদা দ্রোন্দা চিথী পুবগী থবক পাকথোক চাউথোক্না পুগনি।

*****

(Release ID: 2067293) Visitor Counter : 25