அக்டோபர் 22, 2024 அன்று புதுதில்லியில் நடைபெறும் ஆறாவது இந்தியா-சிங்கப்பூர் பாதுகாப்பு அமைச்சர்கள் பேச்சுவார்த்தைக்கு, பாதுகாப்பு அமைச்சர் திரு ராஜ்நாத் சிங் மற்றும் சிங்கப்பூர் பாதுகாப்பு அமைச்சர் டாக்டர் இங் எங் ஹென் ஆகியோர் கூட்டாக தலைமை தாங்குவார்கள். இரு நாடுகளுக்கும் இடையிலான பாதுகாப்பு ஒத்துழைப்பை முன்னெடுத்துச் செல்வதை இந்த சந்திப்பு நோக்கமாகக் கொண்டுள்ளது. பகிர்ந்து கொள்ளப்பட்ட, ஆர்வமுள்ள பிராந்திய மற்றும் உலகளாவிய பிரச்சினைகள் குறித்தும், இரு தரப்பினரும் கருத்துக்களை பரிமாறிக் கொள்வார்கள்.

இந்தியாவும் சிங்கப்பூரும் விரிவான உத்திசார் கூட்டாண்மையைப் பகிர்ந்து கொள்கின்றன. இந்த ஒத்துழைப்புக்கு இருதரப்பு பாதுகாப்பு உறவுகள் ஒரு குறிப்பிடத்தக்க தூணாக அமைகின்றன. ராணுவங்களுக்கு இடையேயான தொடர்புகள், ராணுவங்களுக்கு இடையிலான பரிமாற்றங்கள், உயர்மட்ட பயணங்கள், திறன் மேம்பாடு மற்றும் பயிற்சித் திட்டங்கள், ஐ.நா அமைதிகாக்கும் ஒத்துழைப்பு, கப்பல் பயணங்கள் மற்றும் இருதரப்பு பயிற்சிகள் உள்ளிட்ட பல்வேறு துறைகளில் இந்த ஈடுபாடுகள் விரிவடைந்துள்ளன.

இந்தியாவின் கிழக்கு நோக்கிய கொள்கையின் முக்கியத் தூணாக சிங்கப்பூர் திகழ்வதுடன், இந்தோ-பசிபிக் தொலைநோக்குப் பார்வையின் முக்கிய பங்குதாரராகவும் உள்ளது. இரு நாடுகளுக்கும் இடையிலான பாதுகாப்பு மற்றும் பாதுகாப்பு கூட்டாண்மை இந்தோ-பசிபிக் பிராந்தியத்தில் ஸ்திரத்தன்மைக்கு ஒரு முக்கிய காரணியாகும்.

சிங்கப்பூர் பாதுகாப்பு அமைச்சர் 2024 அக்டோபர் 21-23 வரை இந்தியாவுக்கு வருகை தருவார். பாதுகாப்பு அமைச்சர்களின் உரையாடலின் ஐந்தாவது பதிப்பு 2021 ஜனவரியில் மெய்நிகர் முறையில் நடந்தது.

-----

MM/KPG/DL

 

(Release ID: 2066807) Visitor Counter : 61