عملہ اور عوامی شکایات کی وزارت کے افسران  کےلئے    کرم یوگی سپتاہ ،ساموہک چرچا کے سیاق و سباق طے کرنے کےلئے ، سائنس اور ٹیکنالوجی، وزیر مملکت (آزادانہ چارج) ،ارضیاتی  سائنسز، وزیر اعظم کے دفتر،محکمہ جوہری توانائی، محکمہ خلائی، عملہ، عوامی شکایات اور پنشن کے مرکزی وزیر مملکت (آزادانہ چارج)  ڈاکٹر جتیندر سنگھ نے مشن کرم یوگی، نیشنل لرننگ ویک اور کرم یوگی قابلیت ماڈل کے بارے میں بتایا۔

وزیر موصوف نے اس بات پر زور دیا کہ مشن کرم یوگی "حکمرانی " سے "عملی کردار" کی طرف متوازی تبدیلی کی نشاندہی کرتا ہے اور اس بات پر توجہ مرکوز کرتا ہے کہ سرکاری ملازمین کو قواعد کا پابند نہیں ہونا چاہئے بلکہ ذمہ داریوں کا پابند ہونا چاہئے۔

مرکزی وزیر نے اس بات کا خاکہ پیش کیا کہ کس طرح عملہ، عوامی شکایات اور پنشن کی وزارت باقاعدہ سیکھنے کے اس عمل  کو شروع کرنے والی وزارتوں میں پہلی ہے۔ اس موقع کے دوران وزیر نے مشن کرم یوگی کے قیام کے سفر کا بھی ذکر کیا، جو وزیر اعظم جناب نریندر مودی سے تحریک لے کر شروع ہوا تھا۔ انہوں نے اس کام کوکرنے کے لیے کیپیسٹی بلڈنگ کمیشن (سی بی سی) کی بھی تعریف کی۔

مرکزی وزیر نے اس بات پر زور دیا کہ مشن کرم یوگی نے طرز حکمرانی میں ایک نئی ثقافت کو فروغ دیا ہے جو کہ جوابدہ، متحرک اور عصری ہندوستان کے ساتھ وابستہ ہے۔ انہوں نے مزید بتایا کہ مشن کرم یوگی مختلف وزارتوں میں حکومت کے مختلف کاموں کو انجام دینے میں نوکرشاہوں کی مدد کرے گا۔

مرکزی وزیر نے اس بات پر روشنی ڈالی کہ کس طرح مشن کرم یوگی 'ایک حکومت' کے نقطہ نظر کے ساتھ پائیدار ماحولیاتی نظام کی ایک تہہ بناتا ہے تاکہ وکست بھارت کے خواب کو پورا کیا جاسکے۔ انہوں نے یہ بھی کہا کہ بدلتے وقت کی ضروریات کو دیکھتے ہوئے سیکھنے کے عمل میں مسلسل مشغول رہنا چاہیے۔ یہ ان بیوروکریٹس کے لیے بہت اہمیت کا حامل ہوگا جو وکست بھارت 2047 میں سب سے آگے ہوں گے۔

انہوں نے کہا کہ  ساموہک چرچا کا یہ ذہن سازی کا عمل  ایک مربوط، وسیع فریم ورک، ایک وسیع ماحولیاتی نظام کی تخلیق میں مدد کرے گا، جو صنعتوں، پورے محکمے اور پوری حکومت کے ساتھ منسلک ہے۔

اس کے علاوہ ، عملے، عوامی شکایات اور پنشن کی وزارت کے افسران کے لیے ’ساموہک چرچا‘ کا مقصد وزارت کے اندر تمام محکموں کے افسران کو ایک ساتھ لا کر ایک منتخب موضوع پر سیکھنے کی سہولت فراہم کرنا اور اس پر عمل کرنا ہے۔ ’ساموہک چرچا‘ کو اس لیے ڈیزائن کیا گیا ہے کہ وہ افسروں کو ایک ویبنار سے اخذ کردہ ایک منتخب تھیم پر غور و فکر کرنے اور خیالات کا تبادلہ کرنے کے قابل بنائے جو ’نیشنل لرننگ ویک‘ پروگرام کا حصہ ہے۔

**************

ش ح ۔ ا م۔م ر۔

U. No.1540

(Release ID: 2066761) Visitor Counter : 40