کینڈی کی پتی (اسٹیویا ریبوڈیانا (برٹونی) برٹونی)  ایک پودا جو اس کی قدرتی غیر کیلوری میٹھاس پیدا  کرنے کی خصوصیات کے لیے جانا جاتا ہے، ایک نئے مطالعے کے مطابق اس میں اینڈوکرائن، میٹابولک، مدافعتی، اور قلبی امراض جیسی بیماریوں کے لیے بھی علاج کی خصوصیات ہیں، کیونکہ سیلولر سگنلنگ سسٹم پر اس کا اثر ہوتا ہے۔

آسام دنیا بھر میں اسٹیویا برآمد کرتا ہے۔ شمال مشرقی کونسل (حکومت ہند) نے بھی زیادہ مانگ اور استعمال کی وجہ سے شمال مشرقی ہندوستانی معیشت میں مدد کرنے کے لیے اسٹیویا کی کاشت کی صلاحیت کو اجاگر کیا۔

سائنس اور ٹیکنالوجی کے شعبہ کے ایک خود مختار ادارے گوہاٹی میں انسٹی ٹیوٹ آف ایڈوانسڈ اسٹڈی ان سائنس اینڈ ٹیکنالوجی (آئی اے ایس ایس ٹی) میں محققین کی ایک ٹیم ڈاکٹر اسیس بالا، ایسوسی ایٹ پروفیسر، پروفیسر اشیس کے مکھرجی، ڈائریکٹر، اور محترمہ پیالی ڈیروائے، ریسرچ اسکا لر نے آسام کی اسٹیویا کی علاج کی خصوصیات کو ثابت کرنے کے لیے اسٹیویا کی طبی خصوصیات، سیلولر سگنلنگ میکانزم پر اثرات پر اہم تحقیق کی ہے۔

ان کی ملٹی موڈل حکمت عملی نے نیٹ ورک فارماکالوجی کو وٹرو اور ان ویوو تکنیکوں کے ساتھ مربوط کیا، جس سے یہ ظاہر ہوتا ہے کہ پلانٹ نے ایک اہم سیلولر سگنلنگ روٹ کو روکنے کے لیے پروٹین کناز سی (پی کے سی) کے فاسفوریلیشن کا استعمال کیا۔

پی کے سی سوزش، آٹوامیمون، اینڈوکرائن، اور دل کی بیماریوں سے منسلک ہے۔ اسٹیویا پی کے سی فاسفوریلیشن کو دباتا ہے، جو نیچے کی طرف جانے والے راستوں کو تبدیل کرتا ہے، جو سوزش کا باعث بنتے ہیں، جو اینڈوکرائن میٹابولک اور قلبی مسائل کی ایک اہم وجہ ہے۔

مطالعہ پہلی بار اس میدان میں اسٹیویا کی امید افزا صلاحیت کو ظاہر کرتا ہے۔ مطالعہ نے یہ بھی پایا کہ فعال اسٹیویا مالیکیولز اے ایم پی کے  کے ساتھ مضبوطی سے تعامل کرتے ہیں اور اضافی تحقیق کی ضرورت کو اجاگر کرتے ہیں۔

جریدے "فوڈ بائیو سائنس" میں شائع ہونے والے اس کام نے اسٹیویا کی صلاحیت کا انکشاف کیا اور امیونولوجیکل اینڈوکرائن اور قلبی مسائل کے لیے نئے اہداف کی نشاندہی کی۔ اس کا ذیابیطس، ٹائپ 1، ٹائپ 2، آٹو امیون ذیابیطس، پری ذیابیطس، دائمی سوزش سے متعلق آٹو امیون بیماری -  رمیٹی گٹھیا دائمی گردے کی بیماریاں اور قلبی امراض جیسے ہائی بلڈ پریشر؛ واسکلو پیتھی  ورغیرہ  پر  علاج  والے اثر ات مرتب  کر سکتا ہے۔

یہ مطالعہ اسٹیویا کے ایک غیر دریافت شدہ پہلو کو روشن کرتا ہے، جو روایتی علاج کے طریقوں کی حمایت کے لیے تخلیقی حکمت عملی اور سائنسی ڈیٹا کی ضرورت کو واضح کرتا ہے۔

تصویر: تحقیقی ٹیم کے ذریعے استعمال کیا جانے والا سائنسی طریقہ: ہدف کی شناخت کے لیے نیٹ ورک فارماکولوجی اور پھر ہدف کی توثیق کے لیے مالیکیولر ڈاکنگ کی گئی۔ اس کے بعد، ایچ پی ٹی ایل سی کے وٹرو اور ان ویوو اسٹڈیز نے اسٹیویا کی توثیق کی، جس نے پروٹین کناز سی فاسفوریلیشن کو روکنے میں اسٹیویا ریباڈیانا کی تاثیر کا مشورہ دیا۔

************

U.No:1533

ش ح۔اک۔ق ر

(Release ID: 2066735) Visitor Counter : 34