மலபார் 2024-ன் கடல் கட்டம் 18 அக்டோபர் 24 அன்று விசாகப்பட்டினத்தில் நிறைவடைந்தது. மலபாரின் இந்தப் பதிப்பில், ஒருங்கிணைந்த ஹெலிகாப்டர்கள், நீண்ட தூர கடல்சார் ரோந்து விமானங்கள் மற்றும் நீர்மூழ்கிக் கப்பல்களுடன் போர்க்கப்பல்கள் பங்கேற்றன.  வான் போர் களங்களில் சிக்கலான மற்றும் மேம்பட்ட பயிற்சிகளில் அவை பங்கேற்றன. முக்கியப் பயிற்சிகளில் மேற்பரப்பு ஆயுத துப்பாக்கிப் பிரயோகங்கள், வான் போர் பயிற்சி, வான் பாதுகாப்பு பயிற்சிகள், நீர்மூழ்கிக் கப்பல் எதிர்ப்பு போர் பயிற்சிகள், கப்பல் மூலம் ஹெலிகாப்டர்களின் விரிவான செயல்பாடுகள், டேங்கர்களிலிருந்து எரிபொருள் மற்றும் கடல்சார் தடுப்பு நடவடிக்கைகள் உள்ளிட்ட கடல்சார் பரிணாமங்கள் ஆகியவை அடங்கும்.

மலபார் 2024 கடல் கட்டம், உலகம் பெருகிய முறையில் சிக்கலான கடல்சார் பாதுகாப்பு சவால்களுடன் போராடுகையில், கடல்சார் களத்தில் புரிதல், ஒத்துழைப்பு மற்றும் ஈடுபாட்டை மேம்படுத்துவதற்கான பங்கேற்பு நாடுகளின் உறுதிப்பாட்டிற்கு ஒரு சான்றாக செயல்படுகிறது.  இந்தியா,அமெரிக்கா, ஆஸ்திரேலியா, ஜப்பான்  ஆகிய நாடுகளின் கடற்படை கப்பல்கள், போர் விமானங்கள்,ஹெலிகாப்டர்கள் உள்ளிட்டவை இதில் பங்கேற்றன.

கடல் கட்டத்தின் செயல்பாட்டு அம்சங்களை மதிப்பாய்வு செய்வதை உள்ளடக்கிய ஒரு நிறைவு விழாவுடன் கடல் கட்டம் முடிவடைந்தது மற்றும் பங்கேற்கும் அனைத்து கடற்படைகளும் அனுபவங்களையும் சிறந்த நடைமுறைகளையும் பகிர்ந்து கொள்வதன் மூலம் கலந்துரையாடவும் கருத்துக்களைப் பரிமாறிக் கொள்ளவும் உதவியது.

*****

PKV/ KV

 

 

 

 

(வெளியீட்டு அடையாள எண்: 2066292) வருகையாளர் எண்ணிக்கை : 163