شہری ہوابازی کے وزیر جناب کنجاراپو رام موہن نائیڈو کی قیادت میں شہری ہوا بازی کی وزارت نے وزارت کے احاطے میں ایوی ایشن پارک کی نقاب کشائی کی۔ ایک پُرسکون  آبی ذخیرے  کے درمیان واقع یہ پارک ہوائی جہاز کے ماڈلز کی شاندار نمائش کرتا ہے، جس میں طیاروں کے ارتقاء اور ہندوستان کے شہری ہوا بازی کے شعبے کی ترقی کو دکھایا گیا ہے۔ یہ نمائش  وزارت کے ہوابازی کے شعبے میں ترقی اور جدت کی طرف ایک سفر کی علامت ہے۔

آزادانہ آرکیٹیکچرل کالموں کا ایک پس منظر، جو ہندوستان کے مختلف خطوں کی نمائندگی کرتا ہے، ملک کے بھرپور ثقافتی اور تعمیراتی ورثے کا جشن مناتا ہے۔ پارک میں ایک وقف شدہ راستہ ہندوستان کی شہری ہوا بازی کی تاریخ کے اہم سنگ میلوں کو نمایاں کرتا ہے، ابتدائی پرواز/ہوائی جہاز کی ترقی سے لے کر جدید ترقی تک، مشاہدین کے لیے ایک تعلیمی تجربہ پیدا کرتا ہے۔  

پارک کو پائیداری کی سوچ کے ساتھ  سوچ سمجھ کر تیار کیا گیا ہے۔ سایہ دار بیٹھنے کی جگہوں کے لیےبانس کواستعمال کیا گیا ہے، جو ماحول دوست تعمیراتی طریقوں کو فروغ دیتا ہے۔ یہ پارک ہندوستان کی ہوا بازی کی کامیابیوں کو اس کی تعمیراتی اور ثقافتی میراث کے ساتھ ملا کر، ہوا بازی کےشائقین کی آنے والی نسلوں کو متاثر کرنے کا وعدہ کرتا ہے۔

جناب رام موہن نائیڈو نے اس بات پر زور دیتے ہوئے کہ ایوی ایشن پارک عالمی ہوا بازی میں ہندوستان کے بڑھتے ہوئے اثر و رسوخ کا ثبوت ہے،اس پارک کو تیار کرنے  میں رول نبھانے والے ہر ایک شخص کی ستائش کی۔

************

ش ح ۔ ش ا ر   ۔  م  ص

 (U: 1457)

(Release ID: 2066197) Visitor Counter : 36