நிர்வாக சீர்திருத்தம், பொதுமக்கள் குறைதீர்ப்புத் துறையை ஒருங்கிணைப்புத் துறையாகக் கொண்டு மத்திய அரசால் தொடங்கப்பட்ட சிறப்பு இயக்கம் 4.0, தூய்மை இயக்கங்களை நிறுவனமயமாக்குதல், நிலுவையிலுள்ள கோப்புகளைக் குறைத்தல் என்ற குறிக்கோள்களை நிறைவுசெய்யும் அணுகுமுறையுடன் மேற்கொள்ளப்படுகிறது. சிறப்பு இயக்கம் 4.0-க்கான ஆயத்த கட்டம் (16-30 செப்டம்பர், 2024) 2024, செப்டம்பர் 30 அன்று நிறைவடைந்தது. செயல்படுத்தல் கட்டம் 2024,  அக்டோபர் 2 அன்று தொடங்கியது.

தூய்மை மற்றும் நிலுவையில் உள்ள கோப்புகளைக் குறைப்பதற்கான சிறப்பு இயக்கம் 4.0-ன் ஒருங்கிணைப்பு அதிகாரிகள் பங்கேற்ற ஆறாவது கூட்டத்தில், இந்த இயக்கத்தின் முன்னேற்றம் குறித்து நிர்வாக சீர்திருத்தம், பொதுமக்கள் குறைதீர்ப்புத் துறை செயலாளரால் 2024, அக்டோபர் 18 அன்று ஆய்வு  செய்யப்பட்டது. இந்தக் கூட்டத்தில் 84 அமைச்சகங்கள் / துறைகளைச் சேர்ந்த 187 மூத்த அதிகாரிகள் கலந்து கொண்டனர். அனைத்து அமைச்சகங்கள் / துறைகள் சிறப்பு இயக்கம் 4.0-ல் பங்கேற்கின்றன. நாடு முழுவதும் உள்ள அனைத்து அமைச்சகங்கள் / துறைகளின் அலுவலகங்கள் இந்த இயக்கத்தில் பங்கேற்கின்றன. இயக்கத்தின் நடுவில் 3.19 லட்சம் இடங்கள் என்ற இலக்கில், 2.30 லட்சம் அலுவலக இடங்களில் (72%) தூய்மை செய்யப்பட்டுள்ளன. 63.48 லட்சம் சதுர அடி இடம் பணிப் பயன்பாட்டிற்காக விடுவிக்கப்பட்டுள்ளது; பழைய பொருட்கள் விற்பனை மூலம் ரூ.53.61 கோடி வருவாய் ஈட்டப்பட்டுள்ளது. 2.95 லட்சம் மக்கள் குறைகளுக்குத்  தீர்வு காணப்பட்டுள்ளது.

சிறப்பு இயக்கம் 4.0-ன் நடுவில், 2024, அக்டோபர் 18 நிலவரப்படி, பின்வரும் முன்னேற்றம் காணப்பட்டுள்ளது:

வ.எண்	செயல்பாடு	சிறப்பு இயக்கம் 4.0 இலக்கு	18, அக். 2024 வரை சாதனை	18, அக். 2024 வரை நிறைவேற்றப்பட்ட இலக்கு %
1	துய்மை இயக்கங்கள்	3,19,223	2,30,189	72%
2	எம்.பி.-க்களின் குறிப்புகள்	4,139	1,173	28%
3	நாடாளுமன்ற உறுதிமொழிகள்	1,157	106	9%
4	ஐஎம்சி குறிப்புகள்	146	75	51%
5	மாநில அரசு குறிப்புகள்	749	374	50%
6	பொதுமக்கள் குறைகள்	5,17,672	2,95,115	57%
7	பொதுமக்கள் குறைகள் மேல்முறையீடு	15,841	7,063	45%
8	பிரதமர் அலுவலகக் குறிப்புகள்	972	570	59%
9	விதிகள்/நடைமுறைகளை எளிதாக்குதல்	635	308	49%
10	ஆய்வுக்கான நிலுவை நேரடிக் கோப்புகள்	33,10,775	19,07,229	58%
11	ஆய்வுக்கு சமர்ப்பிக்கப்பட்ட மின்னணுக் கோப்புகள்	4,99,981	2,15,383	43%
12	விடுவிக்கப்பட்ட இடம் (சதுர அடி)	63.48 லட்சம்
13	ஈட்டப்பட்ட வருவாய் (ரூபாயில்)	53.61 கோடி

சிறப்பு இயக்கம் 4.0 -ல் #SpecialCampaign அமைச்சகங்கள் / துறைகளின் 7,587 ட்வீட்கள், 406 இன்போ கிராபிக்ஸ், 32 மில்லியன் சென்றடைதல்  மற்றும் 183 பிஐபி அறிக்கைகள் வெளியிட்டதன் மூலம் சமூக ஊடகங்களில் குறிப்பிடத்தக்க கவனத்தைப் பெற்றுள்ளது.

***

SMB/DL

(வெளியீட்டு அடையாள எண்: 2066176) வருகையாளர் எண்ணிக்கை : 58