দীনদয়াল অন্ত্যোদয়া য়োজনা-নেস্নেল রুরেল লাইবলিহুদ মিসন্না রুরেল দিভেলপমেন্ত মন্ত্রালয়গী মখাদা ঙরাং নই দিল্লীদা ৱুমেন লেদ ওন্ত্রপ্রিন্যুরসিপকী মতাঙদা নেস্নেল কনক্লেব অমা পাঙথোকখ্রে‍। রুরেল দিভেলপমেন্ত সেক্রেতরী, শ্রী সাইলেস কুমার সিংহনা বেঙ্কশিংদা মনা লান্থোকখি‍। রুরেল দিভেলপমেন্ত এদিস্নেল সেক্রেতরী, শ্রী চরঞ্জিত সিংহনা বেঙ্কশিংগা MoU খুৎশিন্নখি‍। জোইন্ত সেক্রেতরী মিস স্ম্রিতি শরন অমসুং অতৈ ওফিসরশিংসু কনক্লেব অদুদা শরুক য়াখি‍। কনক্লেব অদু লনাই নুপী ওন্ত্রপ্রিন্যুরশিংদা লোন পীনবা বেঙ্কশিং এঙ্গেজ তৌদুনা নুপী ওন্ত্রপ্রিন্যুরসিপশিংদা ইনোৎ পীনবা পাঙথোকপনি‍।

বেঙ্ক কুন শেনবা চহি ২০২৩-২৪গী ওইনা SHG বেঙ্ক লিঙ্কেজতা পীখিবা তোপ তোপ্পা পর্ফোর্মেন্সকীদমক ওকখি‍। SHG শিং জনসমর্থ পোর্তেলদা ওনলাইন ইন্তিগ্রেসন তৌবগী থবকসু কনক্লেব অদুদা হৌদোকখি‍। দিপোজিতর্স’ এজুকেসন এন্দ এৱ্যারনেস ফন্দগী মখাদা রিজর্ব বেঙ্ক ওফ ইন্দিয়াগী মতেঙগা লোয়ননা ফাইনেন্সিএল লিতরেসী থৌশিলসু হৌদোকখি‍।

শ্রী সাইলেস কুমার সিংহ, সেক্রেতরী, রুরেল দিভেলপমেন্তনা বেঙ্কশিংদা মনা লান্থোকপা

শ্রী সাইলেস কুমার সিংহনা ইহুল খঙবা, মশামক্কীগুম খনবা, খোঙফম চেৎপা, পুকচেল শেংবা, অরোন অথুপ লৈতবগী মতৌ ৱাংনা উৎলি অমসুং মখোয়না হৈনিংবা হীরম অমা পায়খৎনবা মতম অমসুং ইনর্জী মরাং কায়না থাদৈ হায়খি‍। নুপীশিংনা লমজিংবা এন্তরপ্রাইজেজশিং খুমাঙ চাওশিলহনবদা বেঙ্কশিংগী মরুওইবা থৌদাং চাউনা লৈ হায়খি‍।

শ্রী চরঞ্জিত সিংহনা বেঙ্কশিংদা, ব্রঞ্চকী থাক্তা খুঙ্গংগী নুপীশিংনা শেন্থং ফংবদা খুদোংচাদবা মায়োক্নহন্দনবা মখোয়গীদমক অখন্ননা শেম শারবা অকক্নবা প্রদক্তশিংগী মতাঙদা মখোয়গী ব্রাঞ্চশিংদা খঙহন্নবা পাউতাকসু পীখি‍।

শ্রী চরঞ্জিৎ সিংহ, এদিস্নেল সেক্রেতরী, রুরেল দিভেলপমেন্তনা বেঙ্কশিংগা MoU খুৎশিন্নবা

মিস স্ম্রিতি শরন্না নুপীশিংগী মরক্তা ওন্ত্রপ্রিন্যুরসিপকী লম্বীদা চঙশিন্নবা থাজবা পীগদবা ইকোসিস্তেম অমা শেমগৎপা অমসুং মখোঙ শোম্বিবা মথৌ তাই হায়খি‍। মহাক্না বেঙ্ক, রিগুলেতর অমসুং শরুক য়ারিবা অতৈ পার্তীশিং য়াওনা স্তেকহোল্দর পুম্নমক্কী মফমদা নুপী ওন্ত্রপ্রিন্যুরশিংনা থেংনরিবা শিংনবশিং থেননবা ফম্পাক অমা শেম্নবা ৱাফম থমখি‍।

কনক্লেব অদুদা “পাথৱেজ ফ্রোম ফাইনেন্সিএল ইনক্লুজন তু ইকনমিক প্রোস্পেরিতী – বিক্সিত ভারত@২০৪৭” হায়বসিদা পাঙথোকপা পেনেল দিস্কজন অমসু উবা ফংখি‍। বেঙ্ক, IIM কোল্কতা, ফিনতেক, স্তেত রুরেল লাইবলিহুদ মিসন অমসুং IFMR (রিছর্চ ওর্গনাইজেসন অমা)দগী শক্নাইরবা পেনেলেস্তশিংনা খুঙ্গংগী লমদা নুপীনা লমজিংবা এন্তরপ্রাইজশিংগী মথৌ হাপকদবা ইকোসিস্তেম অমা শেমগৎনবগী ফ্রেমৱর্ক অমা পুথোক্নবা লম্বীশিং নৈনখি‍। দিমান্দ সাইদ অমসুং সপ্লাই সাইদকী ৱাফমশিং অমসুং লৈরিবা অহোবা মেনশিনবা য়াবা লম্বীশিংগী মতাঙদা ইচঙ থৌনা খন্ন-নৈনখি‍।

DAY NRLM না ফাইনেন্সিএল ইনক্লুজনগী লমদা মশক থোক্না খুমাঙ চাওশিল্লে‍। কনক্লেব অসিদা নুপী ওন্ত্রপ্রিন্যুরশিংগী অপাম্বা ফংহন্নবা অমসুং মখোয়গী এন্তরপ্রাইজশিং পাকথোক চাউথোকহন্নবা অপুন্বদা শেল পুথোকপদগী লনাই মীওইশিংদা শেল পুথোকপরোমদা মায় ওনশিনবগী মথৌ তাবা ৱাফম ফোঙদোক্নখি‍। লাখপতি দিদী করোর ৩ পুথোক্নবগী প্রধান মন্ত্রীগী মঙলান মঙফাওনহন্নবদা বেঙ্কশিংগী অচৌবা থৌদাং লৈ‍।

কনক্লেব অসিদা রিজর্ব বেঙ্ক ওফ ইন্দিয়া, NABARD, পব্লিক সেক্তর বেঙ্ক, প্রাইভেত বেঙ্ক, রিজনেল রুরেল বেঙ্ক, স্তেত কোওপরেতিব বেঙ্ক, স্তেত রুরেল লাইবলিহুদ মিসন, ভারত লৈঙাক্কী তোঙান তোঙানবা মন্ত্রালয়/দিপার্তমেন্তশিং অমসুং CSO খোঙবুশিংনা শরুক য়াখি‍।

******

(Release ID: 2066161) Visitor Counter : 34