بالواسطہ ٹیکسز اور کسٹمزکا مرکزی بورڈ (سی بی آئی سی) اپنے‘‘زیر التواء معاملات 4.0 کے تصفیہ کے لیے خصوصی مہم’’ میں نمایاں پیش رفت کر رہا ہے ، جسے ملک بھر میں اس کے تمام دفاتر میں فعال طور پر نافذ کیا جا رہا ہے ۔ 2 اکتوبر 2024 کو شروع کی گئی اور 31 اکتوبر 2024 تک چلنے والی اس مہم کو کام کی جگہ اور آس پاس کے علاقوں میں صفائی (سوچھتا) کو ادارہ جاتی بنانے کے لیے  تیار کیا گیا ہے جبکہ ریکارڈ  کا انتظام ، فائل کی چھٹائی ،  کباڑ کو ٹھکانے لگانا اور مزید دستیاب جگہ بنانے جیسے اہم شعبوں میں بیک لاگ کو بھی کم کیا گیا ہے ۔

مورخہ 15اکتوبر 2024 تک ، سی بی آئی سی نے 75 فیصد سے زیادہ عوامی شکایات اور عوامی شکایات کی اپیلوں کو کامیابی کے ساتھ حل کیا ہے ۔ مزید برآں ، اس نے 12,464 فزیکل فائلوں کا جائزہ لیا ہے ، 1283 فائلیں نکالی ہیں اور 260 ای فائلیں بند کر دی ہیں ۔ مختلف مقامات پر صفائی مہم کی تقریباً 289 تقریبات کا انعقاد کیا گیا ہے ، جس میں دفتری مقامات اور عوامی  جگہوں  دونوں کو شامل  گیا ہے ۔

ایک اور اہم خصوصی  توجہ کا حامل معاملہ  پرانے یا غیر استعمال شدہ دفتری سامان اورا سکریپ مواد کو ٹھکانے لگانا رہا ہے ۔ اس کے نتیجے میں 5,070 مربع فٹ دفتر کی جگہ خالی ہوئی ہے اور 96,390 روپے کی آمدنی ہوئی ہے ۔ ایسی ہی ایک کوشش سی جی ایس ٹی فرید آباد کمشنریٹ کی ہے جس نے پرانے ریکارڈوں اور استعمال شدہ فرنیچر سے بھرے دو  غیر استعمال شدہ کمروں کو دوبارہ  بحال کرکے عمارت کے احاطے کے اندر ایک کیفے ٹیریا اور کریچ تیار کیا ۔ اس کریچ کا نام آئی آر ایس (سی اینڈ آئی ٹی) 2014 کے افسر شی مکیش کمار کی یاد میں‘مکیش’ رکھا گیا ہے ، جو کووڈ-19 وبا کے دوران اپنی جان سے ہاتھ دھو بیٹھے تھے ۔ افسر نے دو سال سے زیادہ عرصے تک سی جی ایس ٹی فرید آباد میں ڈپٹی کمشنر کے طور پر کام کیا ۔ کریچ کے افتتاح کے موقع پر ان کے والدین بھی موجود تھے ۔

انجام دی گئی بعض سرگرمیوں کی جھلکیاں درج ذیل ہیں:

حیدر آباد سی جی ایس ٹی زون

 

بھوپال سی جی ایس ٹی زون کے ذریعہ صفائی مہم

 

احمد آباد کسٹمز کانڈلا میں کباڑ کو ٹھکانے لگایا گیا

 

محکمہ محنت ( ڈی او ایل ) کے ذریعہ ای کچرے اور بے کار فرنیچر کو ٹھکانے لگایا گیا اور آفس کے لیے 100 مربع فٹ جگہ کو خالی کرایا گیا

******

 

ش ح۔م ش۔ ش ب ن

U-No.1336

(ریلیز آئی ڈی: 2065388) وزیٹر کاؤنٹر : 62