سڑک نقل و حمل اور شاہراہوں کے مرکزی وزیر جناب نتن گڈکری نے آج ٹرانسپورٹ بھون میں سوسائٹی آف انڈین آٹوموبائل مینوفیکچررز (ایس آئی اے ایم) کے اراکین کے ساتھ ایک جائزہ میٹنگ کا اہتمام کیا۔ انہوں نے اس موضوع پر تبادلہ خیال کیا کہ موٹر گاڑی کی صنعت ایتھنول اور فلیکس ایندھن کے استعمال کے لیے کتنی تیار ہے۔

تبادلہ خیال اس موضوع پر مرتکز تھا کہ صنعت آئندہ مہینوں میں ایتھنول سے چلنے والی گاڑیاں کیسے لانچ کرنے کی تیاری کر رہی ہے۔ جناب گڈکری نے حجری ایندھن سے حیاتیاتی ایندھن میں تبدیل ہونے کے فوائد کے بارے میں بھی بات کی، جس سے بھارت کو زیادہ خود پر منحصر (آتم نربھر) بننے، آلودگی کو کم کرنے، ملک کے سالانہ حجری ایندھن کی درآمدات کو کم کرنے اور صارفین کو سستے ایندھن کے متبادل فراہم کرنے میں مدد ملے گی، اور یہ سب کرتے ہوئے کاشتکاروں کی مدد کو مدنظر رکھا جائے گا۔

انہوں نے ایس آئی اے ایم کے اراکین پر زور دیا کہ وہ ان ایندھنوں کی عوامی قبولیت کو بڑھانے کے طریقے تلاش کریں، جو برازیل کی جانب سے نقل و حمل کے نظام میں فلیکس ایندھن اور حیاتیاتی ایندھن کے کامیاب متبادل کی جانب اشارہ کرتا ہے۔

جائزہ میٹنگ کے دوران روڈ ٹرانسپورٹ اور ہائی ویز کے وزیر مملکت ہرش ملہوترا بھی موجود تھے۔ ایس آئی اے ایم کے ساتھ میٹنگ میں وزارت کے سینئر افسران نے بھی شرکت کی۔

**********

 (ش ح –ا ب ن)

U.No: 1303

(Release ID: 2065144) Visitor Counter : 20