سی جی ایس ٹی فرید آباد کمشنریٹ نے افسران اور عملے کے لیے بہتر کام کا ماحول فراہم کرنے کے عزائم میں پرانے ریکارڈ اور استعمال شدہ فرنیچر سے بھرے دو  بیکار پڑے  کمروں کو دوبارہ حاصل کرکے عمارت کے احاطے میں ایک کیفے ٹیریا اور کریچ تیار کیا۔ یہ کوششیں خصوصی مہم 4.0 کو ذہن میں رکھتے ہوئے کی گئیں، جس میں پرانے ریکارڈوں کو ختم کرنے اور دفتری جگہ کے بہتر استعمال پر زور دیا گیا ہے۔

جناب ششانک پریا، ممبر، جی ایس ٹی، سی بی آئی سی اور زونل ممبر نے چیف کمشنر  جناب  منوج کمار سریواستو، سی جی ایس ٹی فرید آباد کے کمشنر جناب ریاض احمد اور سی جی ایس ٹی پنچکولہ زون کے سینئر افسران کی موجودگی میں کیفے ٹیریا اور کریچ کا افتتاح کیا۔

آئی آر ایس (سی اینڈ آئی ٹی) 2014 کے افسر جناب  مکیش کمار، آئی آر ایس (سی اینڈ آئی ٹی) کی محبت بھری یاد میں اس کریچ کا نام ‘مکیش’ رکھا گیا ہے، جو کووڈ-19 وبائی امراض کے دوران اپنی جان سے ہاتھ دھو بیٹھے تھے۔  آنجہانی افسر نے سی جی ایس ٹی فرید آباد میں ڈپٹی کمشنر کے طور پر دو سال سے زیادہ کام کیا۔ کریچ کے افتتاح کے موقع پر ان کے والدین بھی موجود تھے۔

جناب  پریا نے ملازمین کی بہبود کے لیے کمشنریٹ کی کوششوں کی ستائش کی جس سے ان کے حوصلے بلند ہوں گے اور بہتر ٹیکس انتظامیہ میں مدد ملے گی۔

ڈائریکٹوریٹ جنرل آف ہیومن ریسورس ڈیولپمنٹ، سی بی آئی سی کی طرف سے فراہم کردہ فلاحی فنڈز سے کیفے ٹیریا اور کریچ دونوں کو ممکن بنایا گیا ہے۔ کیفے ٹیریا ملازمین کو کھانے کا صاف اور صحت مند  ماحول  فراہم کرتا ہے  یہاں مناسب  قیمتوں پر کھانا پیش کیا جائے گا۔ کریچ ملازمین کو اپنے  بچوں کو اپنے دفتر کے احاطے میں رکھنے میں مدد فراہم کرے گا۔ کریچ نہ صرف والدین اور شیر خوار بچوں کے درمیان جسمانی فاصلے کو ختم کرنے میں مدد کرے گا بلکہ ان کے جذباتی رشتے کو بھی مضبوط کرے گا۔

سوچھتا ہی سیوا 2024 کے ایک حصے کے طور پر دورہ کے دوران زونل ممبر نے اسکول کو واٹر کولر، آر او فلٹر، ماحول دوست ڈسٹ بن، گھاس کاٹنے کی مشین وغیرہ حوالے کرنے کے لیے کیندریہ ودیالیہ، فرید آباد کا بھی دورہ کیا۔ غور طلب ہے کہ خصوصی مہم 3 کے دوران  جناب پریا نے 2 اکتوبر 2023 کو اسکول کا دورہ کیا تھا اور ان چیزوں کو اسکول نے طلب کیا تھا۔ سی جی ایس ٹی فرید آباد نے سوچھ بھارت کے تئیں اپنی وابستگی میں اسکول کی درخواست کو پورا کیا اور سوچھتا فنڈز سے اشیاء فراہم کیں۔

 جناب پریا نے حکومت ہند کی‘ ایک پیڑ ماں’ کے نام مہم کے تحت سی جی ایس ٹی فرید آباد میں ایک پودا بھی لگایا۔

As part of #SpecialCampaign4.0 CGST Faridabad Commissionerate under @cgstpklzone reclaims office space by constructing a Cafeteria and Creche for Employees Welfare. The efforts were carried out keeping in mind the focus of Special Campaign 4 of weeding out old records and… pic.twitter.com/ZhOagZssGI

— CBIC (@cbic_india) October 15, 2024

*****

(ش ح۔ ظ ا۔ م ذ)

U-1291

(Release ID: 2065101) Visitor Counter : 13