PM গতিশক্তিগী মখাদা লৈবা নেতৱর্ক প্লান্নিং গ্রুপ (NPG)কী ৮১শুবা মীফম ঙরাং এদিস্নেল সেক্রেতরী, দিপার্তমেন্ত ফোর প্রমোসন ওফ ইন্দস্ত্রী এন্দ ইন্তরনেল ত্রেদ (DPIIT), শ্রী রাজীব সিংহ থাকুরনা থৌরম মপু ওইদনা পাঙথোকখ্রে‍। মীফম অদুনা রোদ ত্রান্সপোর্ত এন্দ হায়ৱেজ মন্ত্রালয় (MoRTH) অমসুং সিভিও এভিএসন মন্ত্রালয় (MoCA)গী মরুওইবা ইনফ্রাস্ত্রকচর প্রোজেক্ত মঙা ইভালুএত তৌবদা মীৎয়েঙ থমখি‍। প্রোজেক্তশিং অদু PM গতিশক্তি নেস্নেল মাস্তর প্লান (NMP)দা থম্লিবা ইন্তিগ্রেতেদ প্লান্নিংগী প্রিন্সিপলশিংগা চুনবরা হায়না য়েংশিনখিবনি‍।

উত্তর প্রদেশকী ব্রিন্দাবন বাইপাস

উত্তর প্রদেশতা পায়খৎপা গ্রীনফিল্দ প্রোজেক্ত অমগী মনুং চন্না NH-44 গা য়মুনা এক্সপ্রেসৱেগা শম্নহনগদবা কিমি ১৬.৭৫ শাংবা ব্রিন্দাবন বাইপাস শেমগৎপা য়াওরি‍। প্রোজেক্ত অসিনা NH-44 অমসুং য়মুনা এক্সপ্রেসৱেগী মরক্তা দাইরেক্ত রুত অমা পীদুনা, খোঙচৎকী মতম পুং ১.৫দগী মিনত ১৫দা হন্থহন্দুনা ব্রিন্দাবন্দা লম্বী চিন্বা হন্থহন্নবা পান্দম থম্লি‍। প্রোজেক্ত অসিনা লমদম অদোমদা কন্নেক্তিবিতী ফগৎহন্দুনা তুরিজম, ত্রেদ অমসুং ইন্দস্ত্রিএল গ্রোথ পুরক্কনি হায়না পারি‍। লোশিল্লকপা মতমদা, মসিনা রিজনেল এসেসিবিলিতী ফগৎহন্বদা অমসুং সোসিও-ইকনমিক দিভেলপমেন্ত পুরকপদা মরুওইবা থৌদাং লৌগনি‍।

মধ্য প্রদেশকী সন্দলপুর-বাদি লম্বী

NH-146Bগী শরুক ওইরিবা মধ্য প্রদেশকী সন্দলপুর-বাদি লম্বীদা কিমি ১৪২.২৬ শাংনা লেন-৪গী হায়ৱে শেমগৎকদবা গ্রীনফিল্দ/ব্রাউনফিল্দ প্রোজেকক্ত অমা‍। প্রোজেক্ত অসিনা অপন্বা লৈতবা ত্রাফিক ফ্লো পুরক্তুনা অমসুং মরুওইনা ভোপালদা লম্বী চিনবগী চাং হন্থহন্দুনা ইন্দোর অমসুং জবলপুরগী মরকঈ লম্বীগী ফীভম ফগৎহন্নবা পান্দম থম্লি‍। প্রপোজ তৌরিবা রুত অসিনা য়াম্লবা নেস্নেল হায়ৱেশিং অমসুং তোঙান তোঙানবা ইকনমিক অমসুং তুরিস্ত নোদশিং শম্নহনগদবা মরুওইবা লিঙ্ক অমা ওইনা মথৌ তৌদুনা লমদম অদোমদা সোসিও-ইকনমিক্কী ফীভম ফগৎহনবদা মতেঙ ওইগনি‍।

মহারাস্ত্রগী জুন্নর-তলেঘর লম্বী

মহারাস্ত্রগী পুনেদা, জুন্নরদগী তলেঘর ফাওবগী কিমি ৫৫.৯৪ শাংবা লম্বী ফগৎহন্নবগী ব্রাউনফিল্দ প্রোজেক্ত অমনি‍। প্রোজেক্ত অসিগী মরুওইবা পান্দমদি ভিমশঙ্কর, জুন্নর, বঙ্করপত অমসুং NH-61গী কন্নেক্তিবিতী ফগৎহন্দুনা কার্গো অমসুং পেসেঞ্জর পুথোক পুশিনগী ফিভম ফগৎহন্বনি‍। অসুম্না ফিভম ফগৎহনগদৌরিবা অসিনা, মরুওইনা ভিমাশঙ্কর (মমিং লৈবা লাই খুরুম্ফম অমা) অমসুং জুন্নর (পুৱারী ওইরবা সিবনেরী লান্বন লৈফম) অনিসিদা তুরিজমগী ফীভম ফগৎহনগনি হায়না পারি‍।

মহারাস্ত্রগী ভিমাশঙ্কর – রাজগুরুনগর লম্বী

মহারাস্ত্রগী পুনেদা কিমি ৬০.৪৫ শাংনা লম্বীগী ইনফ্রাস্ত্রকচর ফগৎহন্নবা পান্দম থম্লিবা ব্রাউনফিল্দ প্রোজেক্ত অমনি‍। প্রোজেক্ত অসি ভিমাশঙ্কর অমসুং রাজগুরুনগর অনিগী মরক্তা কন্নেক্তিবিতী ফগৎহন্দুনা, অপন্বা লৈতনা কার্গো অমসুং পেসেঞ্জর পুথোক পুশিন তৌবা য়াহন্দুনা শেন্মিৎলোনগী থবক থৌরমশিং অমসুং মার্কেত এক্সেসকী ফীভম ফগৎহন্ননবা মরুওই‍। মসিগী মথক্তা, প্রোজেক্ত অসিনা লম্বী পরিংসিদা লৈরিবা মনুং হঞ্জিন্বা মফমশিংদা মহৈ মশিং অমসুং হকশেলগী খুদোংচাবা ফংবগী চাং হেনগৎহনগনি‍। ফীভম ফগৎহল্লবা লম্বীগী ইনফ্রাস্ত্রকচর অসিনা খোঙচৎকী মতম অমসুং শেঞ্জং হন্থহন্দুনা লম্বীদুদা চৎলিবশিং অমসুং বিজিনেসশিংদা কান্নবা পীগনি অমসুং মফম অদুগী মপুং ওইবা সোসিও-ইকনমী চাওখৎহন্বা ঙমগনি‍।

বুদগাম, জম্মু অমসুং কাস্মিরগী অনৌবা ইন্তিগ্রেতেদ তর্মিনেল বিল্দিং অমসুং এলাইদ ইনফ্রাস্ত্রকচর অমা শেমগৎপা

বুদগাম, জম্মু অমসুং কাস্মিরদা লৈবা স্রিনগর এয়রপোর্ত্তা অনৌবা ইন্তিগ্রেতেদ তর্মিনেল বিল্দিং অমসুং এলাইদ ইনফ্রাস্ত্রকচর অমা শাগৎকদবা ব্রাউনফিল্দ প্রোজেক্ত অমনি‍। পাকথোক চাউথোকহনগদৌরিবা অসিদা পীক মতমদা পেসেঞ্জর ত্রাফিক্কী ২,৯০০ চনগদব অমসুং চহিদা পেসেঞ্জর মিলিয়ন ১০গী কেপাসিতী লৈগদবা স্ক্বার মিতর ৭১,৫০০ পাক চাউবা অনৌবা তর্মিনেল বিল্দিং অমা য়াওরি‍। অহেন্বা থবকশিগী মনুংদা অনৌবা পার্কিং বেশিং, সিতী-সাইদ পার্কিং ফেসিলিতীশিংগা লোয়ননা এপ্রোন চাউথোকহন্বা অমসুং AAI স্তাফশিংগী ক্বার্তর অমসুং CISF বেরেকশিং শাবা য়াওরি‍।

NPG ননা প্রোজেক্ত মঙামক গতিশক্তিগী প্রিন্সিপলশিংগী: মল্তিমোদেল ইনফ্রাস্ত্রকচরগী ইন্তিগ্রেতেদ দিভেলপমেন্ত, শেন্মিৎলোন অমসুং খুন্নাইগী নোদশিংগা লাস্ত মাইল কন্নেক্তিবিতী লৈহন্বা, ইন্তরমোদেল কন্নেক্তিবিতী, অমসুং প্রোজেক্তশিংগী সিঙ্ক্রোনাইজ ইম্প্লিমেন্তেসনগী মীৎয়েঙদগী ইভালুএত তৌখি‍। প্রোজেক্তশিং অসিনা লৈবাক শেমগৎপদা মরুওইবা থৌদাং লৌগনি, অমসুং সোসিও-ইকনমিক্কী কান্নবা মশক থোক্না ফংহন্দুনা অমসুং পুন্সি হিংবদা কোমহন্দুনা লমদম অদুদা মপুং ওইনা চাওখৎপা পুরক্কনি হায়না থাজরি‍।

***

(Release ID: 2064170) Visitor Counter : 55