ہندوستانی بحریہ کے جنگی جہاز ڈیزائن بیورو کے ذریعہ چلائے جانے والے اور گارڈن ریچ شپ بلڈرز اینڈ انجینئرز (جی آر ایس ای)، کولکاتہ میں تیار کیے جانے والے چار سروے ویسل (بڑے) جہازوں میں سے دوسرے نردیشک (یارڈ 3026) کو 08 اکتوبر 2024 کو ہندوستانی بحریہ کے حوالے کیا گیا۔ اس طبقے کا پہلا جہاز، آئی این ایس سندھیاک، 03 فروری 24 کو شروع ہوا تھا۔ 30 اکتوبر 18 کو چار سروے ویسل (ایس وی ایل) کے معاہدے پر دستخط کیے گئے تھے۔

ایس وی ایل جہازوں کو ایم ایس گارڈن ریچ شپ بلڈرز اینڈ انجینئرز (جی آر ایس ای)، کولکاتہ کے ذریعے انڈین رجسٹر آف شپنگ کی درجہ بندی کے قواعد کے مطابق ڈیزائن کیا گیا اور بنایا گیا ہے۔ اس جہاز کا مقصد بندر گاہ کے پورے پیمانے پر ساحلی اور گہرے پانی کے ہائیڈرو گرافک سروے اور بحری راستوں / چینلوں کا تعین کرنا ہے۔ یہ جہاز دفاعی اور سول ایپلی کیشن کے لیے سمندری اور جیو فزیکل ڈیٹا بھی جمع کرے گا۔ تقریباً 3400 ٹن کی نقل مکانی اور 110 میٹر کی مجموعی لمبائی کے ساتھ، نردیشک جدید ترین ہائیڈرو گرافک آلات جیسے ڈیٹا کے حصول اور پروسیسنگ سسٹم، خود کار زیر آب وہیکل، دور سے چلنے والے وہیکل، ڈی جی پی ایس لانگ رینج پوزیشننگ سسٹم، ڈیجیٹل سائیڈ اسکین سونار وغیرہ سے لیس ہے۔ دو ڈیزل انجنوں سے چلنے والا یہ جہاز 18 ناٹ سے زیادہ کی رفتار حاصل کر سکتا ہے۔

جہاز کی کیل 01 دسمبر 20 کو رکھی گئی اور 26 مئی 22 کو جہاز کو لانچ کیا گیا تھا۔ جہاز اپنی ترسیل سے قبل بندرگاہ اور سمندر میں آزمائشوں کے ایک جامع شیڈول سے گزر چکا ہے۔

 نردیشک میں لاگت کے لحاظ سے 80 فیصد سے زیادہ کا دیسی مواد ہے۔ نردیشک کی فراہمی حکومت ہند اور ہندوستانی بحریہ کی ’آتم نربھر بھارت‘ کے لیے حوصلہ افزائی کی یقین دہانی ہے۔ نردیشک کی ترسیل بحر ہند کے علاقے میں ملک کی بحری صلاحیت کو بڑھانے میں بڑی تعداد میں اسٹیک ہولڈروں، ایم ایس ایم ای اور ہندوستانی صنعت کی مشترکہ کوششوں کو خراج تحسین ہے۔

 

                                               **************

ش ح۔ ف ش ع

08-10-2024

U: 1030

(Release ID: 2063303) Visitor Counter : 38