ঙাকশেল মন্ত্রী শ্রী রাজনাথ সিংহনা 2024গী ওক্তোবর 7দা দিল্লী কেন্তকী মনেকশাও সেন্তরদা দেফকনেক্ত 4.0গী মনুংদা এসিং দিবেলপমেন্ত ওফ ইন্নোভেতিব তেক্নোলোজীস iDEX (ADITI 2.0) চেলেঞ্জশিং অমসুং দিফেন্স ইন্দিয়া স্তার্ত-অপ চেলেঞ্জ (DISC 12) গী 12শুবা ইদিসন হৌদোকখ্রে।

ADITI 2.0 দা আর্তিফিসিএল ইন্তেলিজেন্স (AI), ক্বান্তম তেক্নোলোজী, মিলিতরী কম্ম্যুনিকেসন, মিলিতরী প্লেৎফোর্মশিংগীদমক কাস্তমাইজ তৌরবা এন্তি-দ্রোন সিস্তেমশিং অমসুং এদাপ্তিব কেমোফ্লেগ, অসিনচিংবা লমশিংদা আর্মদ ফোর্সেস অমসুং মরী লৈনবা এজেন্সীশিংদগী লাকপা চেলেঞ্জ 19 য়াওরি। স্কিম অসিনা লৈবাক অসিগী দিফেন্স ইকোসিস্তেম মপাঙ্গল কনখৎহনবদা মরুওইবা তেক্নোলোজিকেল এরিয়াশিংদা মীৎয়েং থমদুনা ইন্নোভেসন ফোর দিফেন্স এক্সিলেন্স (iDEX) গী ৱিন্নরশিংদা লুপা করোর 25 ফাওবগী গ্রান্ত পীরি।

UAVশিং, AI, নেৎৱার্কিং অমসুং কম্ম্যুনিকেসন য়াওনা  লুপা করোর 1.50গী গ্রান্তগা লোয়ননা DISC 12না মরুওইবা তেক্নোলোজীগী লমশিংদা শিংনবা 41 পুথোক্লি। মরুওইনা, মসিনা মেদিকেল ইন্নোভেসন অমসুং রিসর্চ এদভান্সমেন্ত (MIRA) ইনিসিএতিব হৌদোক্লি, মসিদা আর্মদ ফোর্সেসকী মেদিকেল দিমান্দশিং ফংনবা মেদিকেল তেক্নোলোজীশিং চাউখৎহনবদা পান্দম থম্লিবা চেলেঞ্জ নিপান য়াওরি। iDEX ইনিসিএতিবতা খোঙজেল য়াংখৎহন্নবা, DISC অসি অতল ইন্নোভেসন মিসনগা খুৎশম্নদুনা হৌদোকপা/MSMEশিং/ইন্নোভেতরশিংদা নেস্নেল দিফেন্স অমসুং সেক্যুরিতীগী লমদা প্রোতোতাইপশিং শেম্নবা অমসুং/নত্ত্রগা প্রদক্তশিং/সোলুসনশিং কমর্সিএলাইজ তৌনবা মতেং পাংনবা পান্দমদা হৌদোকখি।

ঙাকশেল মন্ত্রীনা মহাক্কী ৱারোলদা লৈবাক অসিদা ইন্নোভেসনগী কলচর চাউখৎহনবদা মরু ওইবা থৌদাং লৌরিবা দেফকন্নেক্তপু থাগৎপা ফোংদোকখি। মহাক্না হায়খি মদুদি প্লেৎফোর্ম অসিনা দিফেন্স ইন্দস্ত্রীএল ইকোসিস্তেমদা অনৌবা ইনর্জী অমা পীরি অমসুং লৈবাক অসিগী তেলেন্তশিংবু সেক্যুরিতী এপ্পরেতস মপাঙ্গল কনখৎহনবদা পার্তনর অমা ওইহল্লি। দিফেন্স ইকোসিস্তেমগা মরী লৈনবা স্তেকহোল্দর পুম্নমক্কী মরক্তা দেফকন্নেক্ত অসি মরু ওইবা লিঙ্ক অমনি হায়না পল্লদুনা মহাক্না থাজবা থমখি মদুদি প্লেৎফোর্ম অসিনা দিফেন্সতা 'আত্মানির্ভরতা'গী ভিজন অসি মংফাওনহনবদা মতেং পাংগনি।

ইন্নোভেসন প্রমোৎ তৌনবা সরকারনা হোৎনরিবশিং অদুগী মতুং ইন্না ফংলিবা মায়পাকপশিং অদু পল্লদুনা শ্রী রাজনাথ সিংহনা হায়খি মদুদি হৌজিক ফাওবদা iDEX দা এপ্লিকেসন 9,000 হেন্না ফংখ্রে। অমসুং হৌজিক্তি DISC অমসুং ওপন চেলেঞ্জগী খুত্থাংদা স্তার্ত-অপ অমসুং MSME 450 হেনবগা খুৎশম্নরি। মহাক্না মখা তাখি মদুদি iDEX কী মখাদা প্রদক্ত 26পুথোকখ্রে। মসিগীদমক্তা লুপা করোর 1000 হেনবগী পোৎ-চৈ পুথোকপগী ওর্দর পীখ্রে। মসিগী মথক্তা, প্রদক্ত 37গীদমক লুপা করোর 2,380 হেনবগী এসেপ্তেন্দ ওফ নেসেসিতী অমসুং রিক্বেস্ত ফোর প্রপোজেল পীখ্রে। দিফেন্স ইকোসিস্তেম মপাঙ্গল কনখৎহন্নবা ADITI ইনিসিএতিবনা মরুওইবা অমসুং স্ত্রেতেজিক তেক্নোলোজী 30 হেনবদা মীৎয়েং থম্লি হায়না মহাক্না হায়খি।

ঙাকশেল মন্ত্রীনা লৈবাক অসিদা ইন্নোভেতরশিং, ‌ওন্তপ্রিনোরশিং, সাইন্তিস্তশিং অমসুং স্তার্ত-অপশিংগী থৌনা ফরবা অমসুং দাইনামিক ইকোসিস্তেমগী মতাংদা পনখি। মহাক্না হায়খি মদুদি মালেম অসিনা ভারতকী নহারোলশিংগী শক্তি অমসুং তেলেন্তপু শকখঙলি। দিফেন্স ইকোসিস্তেমদা প্রাইবেৎ সেক্তরগী থৌদাং মখা তানা হেনগৎহন্নবা সরকারগী অচেৎপা ফিরেপ অদু মহাক্না অমুক হন্না ফোংদোকখি। মহাক্না হায়খি, মশা-মরোমদোম লেপচবা ঙমনবগীদমক মখোয়গী শরুক য়াবা মথৌ তাই।

শ্রী রাজনাথ সিংহনা পনখি মদুদি প্রধান মন্ত্রী শ্রী নরেন্দ্র মোদীনা লুচিংবা সরকার অসিনা 2014দা পাল্লম্বা মতমদগী হৌনা আত্মনির্ভর ওইনবা হোৎনবদা অচৌবা খুদোংচাদবা অমা ওইনা দিফেন্স সেক্তরদা প্রাইবেৎ সেক্তরগী শরুক য়াবা লৈতববু মশক খঙদোকখি অমসুং লৈবাক শেমগৎপদা মখোয়গী শরুক য়াবা হেনগৎহন্নবা হোৎনখি। দিফেন্স সেক্তরদা মশা-মরোমদোম লেপচবগী মরুওইবা মওং অনি লৈ। অহানবদা, খুৎলাই/ইক্বিপমেন্ত পুথোকপা, মসিগী তেক্নোলোজী অসি লৈরম্মি, অদুবু পোত্থোক পুথোকপগী কেপাসিতী লৈরমদে। অনিশুবদা, লানগী মওং লেপ্তনা হোংলক্লিবা অসি য়েংলগা এদভান্স তেক্নোলোজীগী এপ্লিকেসনশিংগী মথৌ তাবশিং ফংহনবনি। মমাংদদি, DRDO গুম্বা ইন-হাউস R&D অমসুং ওর্গনাইজেসনশিংখক্তনা অসিগুম্বা খ্বাইদগী ফবা তেক্নোলোজীশিং শেমগৎনবা হোৎনখি। অদুবু হৌজিক ঐখোয়না প্রাইবেৎ সেক্তরগী মরু ওইবা থৌদাং অমা উবা ফংলি। পব্লিক অমসুং প্রাইবেৎ সেক্তরশিংগী মরক্তা সিনর্জী হেনগৎলক্লি, মসিগী খ্বাইদগী চাউবা খুদমদি দেফকন্নেক্তনি।"

ঙাকশেল মন্ত্রীনা SIDBI iDEX পার্তনর ইনক্যুবেতর ফন্দবু থাগৎপা ফোংদোক্লদুনা হায়খি মদুদি কোলাবোরেসন অসিনা ইন্নোভেতরশিংগী মরুওইবা ফন্দিং মথৌ তাবশিং ফংহল্লগনি। SIDBI (স্মোল ইন্দস্ত্রীজ দিবেলপমেন্ত বেঙ্ক ওফ ইন্দিয়া) না IIT দিল্লীদা ফাউন্দেসন ফোর ইন্নোভেসন অমসুং তেক্নোলোজী ত্রান্সফর, IIT বোম্বেদা সোসাইতী ফোর ইন্নোভেসন অমসুং ওন্তপ্রিনোরশিপ, অমসুং তেক্নোলোজী-হব হায়দরাবাদ য়াওনা মকোক থোংবা পার্তনর ইনক্যুবেতর 10দা iDEX ৱিন্নরশিংদা ক্রিতিকেল দিফেন্স তেক্নোলোজীশিং চাউখৎহন্নবা ফন্দ ওইনা লুপা করোর 50 এল্লোকেৎ তৌগনি।

অনৌবা তেক্নোলোজীশিং অসি লান অমসুং লানগী থৌওংশিংদা য়াওহনবগী মতাংদা, শ্রী রাজনাথ সিংহনা হায়খি মদুদি কনভেন্সনেল আর্শিং অমসুং এম্যুনিসনগী মথক্তা, দ্যুএল য়ুজ নৎত্রগা সিবিলিয়ন তেক্নোলোজী কয়া অমা খুৎলাই ওইনা শীজিন্নরি। তেক্নোলোজীশিং অসিগী মতাংদা মপুং ফানা খঙমিন্ননবা মহাক্না হায়খি। মহাক্না ইন্নোভেতরশিংদা লৈবাক ঙাকশেনবগীদমক চাউখৎলক্লিবা অসি ইমেজিনেসতিব য়ুজকী মওংদা শীজিন্ননবা হায়খি।

ইমিতেতিবতগী ইন্নোভেতিব অমসুং দিস্ত্রিক্ত তেক্নোলোজীদা খোঙজেল য়াংশিনবগী তঙাইফদবা অদু পল্লদুনা, ঙাকশেল মন্ত্রীনা প্রাইবেৎ সেক্তরদা ADITI & DISC কী খুত্থাংদা পীরিবা চেলেঞ্জশিং অসিগী সোলুসনশিংগী মথক্তা খন্নবা হায়খি। মহাক্না মখোয়দা আর্মদ ফোর্সেসকী মথৌ তাবশিংদগী য়াম্না মাংজিল থানা চৎপা তেক্নোলোজী পুথোক্নবা অমসুং তুংদা লাক্কদৌরিবা খুদোংথীবশিং অসি থেংনবদা কান্নবা ফংহন্নবা তকশিনখি। মপাঙ্গল কনবা অমসুং মশা-মরোমদোম লেপচবা ঙম্বা দিফেন্স সেক্তর অমগী পান্দম ফংনবগীদমক সরকারনা মপুং ফানা মতেং পাংগনি হায়না মহাক্না থাজবা পীখি।

থৌরম অদুদা শ্রী রাজনাথ সিংহনা ADITI 1.0 গী মনা ফংলবশিংবুসু নুংঙাইবা ফোংদোকখি অমসুং মখোয়গী তুংলমচৎকীদমক য়াইফ-পাউজেল পীখি। ম্যুনিসন সিস্তেম, ইন্তেলিজেন্স, সর্ভেলেন্স এন্দ রিকনাইসেন্স, কম্ম্যুনিকেসন সিস্তেম অমসুং স্পেস তেক্নোলোজীগা মরী লৈনবা মখোয়গী অৱাংবা থাক্কী সোলুসনশিং দেফকন্নেক্ত 2024গী শরুক অমা ওইনা iDEX ৱিন্নরশিংগী মনুংদা কুনু লেব্স, সাগর দিফেন্স তেক্নোলোজীজ, এস্ত্রোম তেক্নোলোজীজ, জিউস ন্যুমেরিক্স প্রাইভেৎ লিমিতেদ, ন্যুসস্পেস রিসর্চ অমসুং তেক্নোলোজীজ, পিক্সেল স্পেস ইন্দিয়া অসিনচিংবা  য়াওরি।

থৌরম অদুদা আর্মি স্তাফকী চীফ, জেনরেল উপেন্দ্র দ্বিবেদী, এয়র স্তাফকী চীফ, এয়র চিফ মার্শেল এ.পি. সিংহ, দিফেন্স দিপার্তমেন্তকী OSD. শ্রী আর.কে. সিংহ, সেক্রেতরী (দিফেন্স প্রদক্সন) শ্রী সঞ্জীব কুমার, দিফেন্স দিপার্তমেন্তকী সেক্রেতরী R&D অমসুং DRDOগী চেয়রমেন দোক্তর সমির ভি. কামাত, ফাইনান্সিএল এদভাইজর (দিফেন্স সর্ভিসেস) শ্রী সুগতা ঘোশ দাস্তীদার, দিফেন্স মন্ত্রালয়গী অতোপ্পা সেনিয়র ওফিসিয়েলশিং, ইন্দস্ত্রীগী লুচিংবশিং, একাদমিসিয়ন, নহা ওইরিবা ওন্তপ্রিনোরশিং অমসুং ইন্নোভেতরশিং শরুক য়াখি।

*******